ម៉ាក់ៗថ្មីថ្មោង ហើយមានគម្រោងបំបៅកូនដោយទឹកដោះ គួរតែរៀនពីរបៀបបំបៅកូនឲ្យហើយ ព្រោះថាពេលនោះមកដល់យើងអាចផ្ដល់ភាពងាយស្រួលបានខ្លះ។ ខាងក្រោមនេះគឺជាតិចនិកមួយចំនួនដែលណែនាំដោយអ្នកគ្រូពេទ្យឆ្មប សុំ សូរិយា បម្រើការងារនៅមន្ទីរពេទ្យបង្អែក ខ្សាច់កណ្ដាល ខេត្តកណ្ដាល។
វិធីបំបៅកូនដោយទឹកដោះ ម៉ាក់ៗថ្មីថ្មោងគួរតែចេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- គួរតែគេងបំបៅដោះកូនដោយផ្អៀងខាងឆ្វេង និងស្ដាំឆ្លាស់គ្នា កុំឲ្យកូនបៅតែម្ខាងៗ។
២- ប្រសិនបើមិនចេះបំបៅដោះកូនដោយគេងទេ អាចអង្គុយបានតែត្រូវឲ្យកូនដេកឲ្យក្បាលខ្ពស់ជាងគូទ និងចៀសវាងដាក់កូនឲ្យកោងខ្លួន។
៣- ម៉ាក់ៗខ្លះអាចពិបាកបីកូនដាក់លើភ្លៅ ដូចនេះអាចទិញខ្នើយសម្រាប់បំបៅបាន ដោយខ្នើយមានរូបរាងចំណិតព្រះចន្ទ និងលើកកូនដាក់លើនោះ និងដាក់ដោះចូលមាត់ជាការស្រេច។
៤- ពេលកូនបៅកុំប្រឡែងលេង ព្រោះអាចនាំឲ្យឈ្លក់ទឹកដោះចូលបំពង់ខ្យល់។
៥- ក្នុងករណីកូនឈ្លក់ ត្រូវផ្អាកការបំបៅសិន។
៦- កុំយកមុខទារកផ្អឹបជាប់ដោះ ព្រោះនាំឲ្យកូនថប់ខ្យល់ដកដង្ហើម។
៧- បើកូនមិនចង់បៅ កុំបង្ខំ ឲ្យកូនបៅតាមសម្រួល ទើបមិនឈ្លក់។
៨- កុំបំបៅកូនពេលគេង។
៩- ពេលទារកបៅរួច លើកអង្គុយ រួចទះខ្នងខាងក្រោមជិតគូទថ្នមៗ ដើម្បីកុំឲ្យភើ ឬក្អែរមកវិញ។
អត្ថបទពាក់ព័ន្ធ៖ តើម៉ាក់ៗគួរឲ្យកូនបៅដោះ រហូតដល់អាយុប៉ុន្មានចាំផ្ដាច់?
ក្នុងករណីមានសំណួរ ឬមន្ទិលសង្ស័យជុំវិញបញ្ហាសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម