មានម៉ាក់ៗជាច្រើន ក្រោយសម្រាលកូនរួចភ្លាមបាននិយាយថា គ្មានទឹកដោះគ្រប់គ្រាន់ឲ្យកូនបៅឡើយ។ ដូចនេះហើយបានជាលើកឡើងជាសំណួរថា បើយើងគ្មានទឹកដោះគ្រប់គ្រាន់ តើគួរឲ្យកូនបៅទឹកដោះគោវិញ ឬយ៉ាងណា?
ក្រោយសម្រាលកូនម៉ាក់ៗគ្មានទឹកដោះ គួរឲ្យកូនបៅទឹកដោះគោ ឬយ៉ាងណា?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភពនៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បានឲ្យដឹងថា ក្រោយសម្រាលកូនរួចគ្រប់ស្ត្រីទាំងអស់មានទឹកដោះអាចផ្គត់ផ្គង់កូនបាន ហើយអ្នកខ្លះមានតាំងពីមិនទាន់គ្រប់ខែម្ល៉េះ ដូចនេះក្រោយកើតភ្លាមប្រាកដជាអាចបំបៅបាន គ្រាន់តែពេលខ្លះមកពីដោះមិនអំណោយផល ក្បាលដោះមិនសូវមានរន្ធ ទើបកូនបឺតមិនចេញ។
ប្រធានផ្នែកសម្ភពនៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បានបន្ថែមទៀតថា សម្រាប់ស្ត្រីមិនសូវសម្បូរទឹកដោះ ត្រូវព្យាយាមម៉ាស្សា និងឲ្យកូនបៅឲ្យញឹកញាប់បំផុត ទើបជួយជំរុញក្រពេញទឹកដោះ បង្កើនការផលិតទឹកដោះកាន់តែច្រើន។ ម៉ាក់ៗមួយចំនួនមិនដឹងពីទំហំក្រពះរបស់កូនទើបកើតឡើយ គឺទំហំតូចខ្លាំងណាស់ ដោយទឹកដោះតែប៉ុន្មានដំណក់ ក៏គ្រប់គ្រាន់ទៅហើយ និងឧស្សាហ៍ឲ្យកូនបៅ ទោះចេញតិចក៏ដោយ ទើបធ្វើឲ្យម៉ាក់សម្បូរទឹកដោះបាន។
វិធីម៉ាស្សាដោះ គឺយើងអាចក្ដាប់ដៃ និងយកក្រញរដៃមកត្រដូសតាំងពីចំហៀងដោះ រហូតជំរុញឲ្យបានយូរ ហើយធ្វើបែបនេះទាំងសងខាង។ មួយវិញទៀតការលើកកូនឲ្យបៅ គឺត្រូវធ្វើឲ្យបានត្រឹមត្រូវ ទើបកូនអាចបឺតជញ្ជក់បាន។ ចំណែករបបអាហារសម្រាប់ម្តាយត្រូវតែជាប្រភេទស៊ុបសម្បូរជាតិទឹក បន្លែ សាច់គ្រប់គ្រាន់ ផឹកទឹកឲ្យបានច្រើន ទើបជាកត្តារួមផ្សំជួយឲ្យសម្បូរទឹកដោះ ហើយចៀសវាងអាហារក្រៀមក្រោះ។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម