លោកជំទាវបន្តថា ពីមួយថ្ងៃទៅមួយថ្ងៃ ម៉ាក់ប៉ាគួរផ្លាស់ប្ដូរ អាហារកូនឲ្យបានជម្រុះមុខ។ “ឧទាហរណ៍ថាថ្ងៃនេះ ឲ្យកូនញ៉ាំបន្លែការ៉ុត ឬស្ពៃ ស្អែកដាក់បន្លែផ្សេងឲ្យកូន ឬសាច់ត្រី សាច់គោអីឲ្យកូនទៅ មិនត្រូវឲ្យកូនញ៉ាំតែសាច់ដដែលៗរាល់ថ្ងៃពេក។”
ដូចនេះ ម៉ាក់ប៉ាត្រូវចេះលួចបញ្ចូលបន្លែ ផ្លែឈើទៅក្នុងរបបអាហាររបស់កូនខ្លះ ហើយមិនត្រូវបង្ខំកូនឲ្យញ៉ាំទេ គឺត្រូវចេះតិចនិកបញ្ចុកបាយកូនមាន ការលួងលោម និយាយផ្អែមដាក់កូន ឬអាចហៅបានថា សិល្បៈនៃការបញ្ចុកអាហារកូន។ នៅពេលដែលបញ្ចុកបាយ ម៉ាក់ប៉ាអាចនាំកូនលេងនេះនោះ ធ្វើអ្វីដែលក្មេងចូលចិត្ត បន្លំៗបញ្ចុកបាយកូន ធ្វើបែបនេះយូរទៅៗ កូននឹងទម្លាប់ញ៉ាំអាហារគ្រប់មុខហើយ។