backup og meta

សញ្ញាបញ្ជាក់ថា ទារកចង់ញ៉ាំអាហារបន្ថែមពីលើទឹកដោះម្តាយ ឬទឹកដោះគោ

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ Try Ravi · កែ Dec 02, 2020

    សញ្ញាបញ្ជាក់ថា ទារកចង់ញ៉ាំអាហារបន្ថែមពីលើទឹកដោះម្តាយ ឬទឹកដោះគោ

    ទារកពេលធំបន្តិចម្តងៗ ឈានដល់អាយុ ៥ ឬ ៦ខែ ហើយ តែងតែរពឹសនៅមិនសុខទេ ស្រវាស្រវាចាប់នេះចាប់នោះមកដាក់ក្នុងមាត់ ជាសញ្ញាបញ្ជាក់ថា គេញ៉ាំអ្វីផ្សេងក្រៅម៉ឹមទឹកដោះ។ វេជ្ជបណ្ឌិតឯកទេសជំងឺទូទៅ ហ៊ាង រតនា បានឲ្យដឹងថា ដើម្បីអាចដឹងថាកូនចង់ញ៉ាំអាហារបន្ថែមនៅពេលណានោះ ត្រូវសង្កេតមើលប៉ុន្មានចំណុចនេះ៖

    – តែងលេបទឹកមាត់ពេលឃើញនរណាញ៉ាំអី

    – ចាប់នេះចាប់នោះដែលនៅជិតខ្លួនយកមកញ៉ាំ

    – ចាប់ផ្ដើមដណ្ដើមរបស់ញ៉ាំពីដៃអ្នករាល់គ្នា

    – បន្ទាប់ពីបៅរួច កូននៅតែយំ ឬចង់បៅបន្ថែម

    – មិនអាចចាំដល់ពេលត្រូវបៅម្ដងទៀត ហើយចាប់ផ្ដើមនៅមិនសុខ ឬជញ្ជក់ដៃ

    – គេងថ្ងៃខុសពីប្រក្រតី គេមិនចង់គេង ឬគេងបានតែមួយភ្លែតភ្ញាក់វិញ

    – ភ្ញាក់បៅច្រើនដងក្នុងមួយយប់ៗ។

    ការផ្ដល់ចំណីអាហារបន្ថែមដល់កូនក្រោយអាយុ ៦ ខែ ពិតជារឿងសំខាន់ណាស់ ព្រោះដើម្បីឲ្យកូនទទួលបានជីវជាតិសម្រាប់ទ្រទ្រង់ការលូតលាស់បញ្ញា ស្មារតី។ វេជ្ជបណ្ឌិត ហ៊ាង រតនា បានឲ្យដឹងថា ចូលដល់វ័យ ៦ ខែនេះកូនកាន់តែធំ ចេះអង្គុយ ចេះវា ចេះចាប់នេះចាប់នោះ មានសកម្មភាពកាន់តែច្រើនដូចគ្នា ដូចនេះប្រើថាមពលច្រើនកាន់តែច្រើនឡើងៗហើយព្រោះតម្រូវសារធាតុចិញ្ចឹមក៏កាន់តែច្រើនឡើងដែរ។

    អាហារបំប៉ន

    តើត្រូវផ្តល់អាហារអីខ្លះដល់កូន បន្ថែមពីលើទឹកដោះម្តាយ ឬទឹកដោះគោ ពេលអាយុបាន ៦ខែ?

    ពេលកូនអាយុបាន ៦ ខែ តាមគោលការណ៍របស់ក្រសួងសុខាភិបាល ក៏ដូចជាអង្គការសុខភាពពិភពលោក ម៉ាក់ប៉ាត្រូវផ្តល់អាហារទន់ដល់កូន ពិសេសគឺបបរខាប់គ្រប់គ្រឿង ហើយជាពេលដែលយើងអាចផ្តល់ទឹកស្អាតឲ្យកូនញ៉ាំបានដែរ។ បន្ថែមពីការផ្តល់អាហារបន្ថែមឲ្យកូននេះ ម្តាយត្រូវបន្តបំបៅដោះកូនឲ្យបានញឹកញាប់ មិនថាពេលយប់ ឬពេលថ្ងៃនោះទេ ហោចណាស់ឲ្យបាន ៨ដង/ថ្ងៃ។

    ប្រភេទអាហារ៖ បបរខាប់គ្រប់គ្រឿង ដែលមានត្រីកិនឲ្យម៉ដ្ដ ស៊ុត ឬសាច់ ល្ពៅ

    ចំនួនដង៖ ២ដង/ថ្ងៃ

    បរិមាណ៖ ២-៣ ស្លាបព្រាបាយ/ពេល។

    មួយវិញទៀតកូនចូលដល់វ័យនេះហើយ ក្រៅពីបបរខាប់គ្រប់គ្រឿងយើងអាចបន្ថែមផ្លែឈើជារបបអាហារដូចជាប៉ោម ចេក ប៊ើរដែលយើងយកមកកោស ឬកិនឲ្យម៉ដ្តសិនមុនញ៉ាំ។

    ចង់បានចំណេះដឹង វិធីសាស្ត្រ និងគន្លឹះផ្សេងៗអំពីអាហារូបត្ថម្ភ ការចិញ្ចឹមបីបាច់កូនឲ្យលូតលាស់ល្អ ចាប់ពីពេលពពោះ រហូតដល់កូនអាយុ ៥ឆ្នាំ។ កុំភ្លេចចុះឈ្មោះជាមួយកូនឆ្លាតក្លឹប!

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ Try Ravi · កែ Dec 02, 2020

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម