បើយើងធ្វើការវេនយប់រយៈពេលយូរអង្វែង គ្រប់ផលប៉ះពាល់ទាំងអស់ខាងលើនេះ សុទ្ធតែអាចបង្កទៅជាបញ្ហាក្រពះពោះវៀន ដូចជាជំងឺរាករូស និងដំបៅក្រពះតែម្តង។ បញ្ហាទាំងនេះ នឹងទាញយើងទៅរកបញ្ហាសុខភាពកាន់តែធ្ងន់ធ្ងរ។
៩– ធ្វើឲ្យប៉ះពាល់ដល់សកម្មភាពអ័រម៉ូន Melatonin
ពេលយើងធ្វើការយប់ យើងនឹងប៉ះពាល់ជាមួយពន្លឺនៅពេលថ្ងៃ ខណៈរាងកាយយើងកំពុងគិតថាជាពេលយប់។ ពន្លឺ និងភាពងងឹតទាំងនេះ នឹងទៅបង្អាកសកម្មភាពផលិត និងបញ្ចេញអ័រម៉ូន Melatonin ដែលជាអ័រម៉ូន មាននាទីគ្រប់គ្រងការដេក និងភ្ញាក់របស់យើង។
នៅពេលកម្រិតអ័រម៉ូននេះធ្លាក់ចុះ មានន័យថា អំឡុងពេលយើងគេងថ្ងៃ យើងមិនអាចគេងលក់ស្កប់ស្កល់ ឬគេងឆ្អែតគ្រប់គ្រាន់ ដើម្បីរាងកាយអាចជួសជុលកោសិកាខូតខាតនោះឡើយ ដែលជាលទ្ធផល អាចនឹងធ្វើឲ្យយើងមានបញ្ហាគេងមិនលក់រយៈពេលយូរ ដែលជាកត្តាគ្រោះថ្នាក់បំផុតចំពោះសុខភាព។
អត្ថបទពាក់ព័ន្ធ៖ គន្លឹះខ្លះៗសម្រាប់ស្រីៗមានផ្ទៃពោះ ហើយត្រូវអង្គុយធ្វើការពេញ១ថ្ងៃ
១០– ធ្វើឲ្យរាងកាយគ្មានវីតាមីន D គ្រប់គ្រាន់
វីតាមីន D ជាវីតាមីនសំខាន់បំផុតមួយសម្រាប់រាងកាយ វាមាននារីជួយស្រូបយកជាតិកាល់ស្យូម ដើម្បីធ្វើឲ្យឆ្អឹងលូតលាស់ល្អ និងរឹងមាំ។ កម្រិតវីតាមីន D តិចតួច ជាលទ្ធផលនឹងធ្វើឲ្យយើងមានជំងឺឆ្អឹងទន់ (Osteomalacia) រួមជាមួយជំងឺជាច្រើនទៀតដូចជា៖
– មហារីកសុដន់
– មហារីកពោះវៀនធំ