អាការៈតឹងច្រមុះអាចបង្កការរំខានច្រើនដល់យើង។ អាការៈនេះអាចបង្កដោយការរលាកតំបន់ sinus អាលែកហ្ស៊ី ឬផ្ដាសាយជាដើម។ មិនថាអាការៈបង្កដោយមូលហេតុអ្វីទេ យើងអាចអនុវត្តវិធីមួយចំនួនដើម្បីសម្រាលបញ្ហាតឹងច្រមុះនេះដែរ។
ត្រួតពិនិត្យដោយ គឹម កាណែល
អាការៈតឹងច្រមុះអាចបង្កការរំខានច្រើនដល់យើង។ អាការៈនេះអាចបង្កដោយការរលាកតំបន់ sinus អាលែកហ្ស៊ី ឬផ្ដាសាយជាដើម។ មិនថាអាការៈបង្កដោយមូលហេតុអ្វីទេ យើងអាចអនុវត្តវិធីមួយចំនួនដើម្បីសម្រាលបញ្ហាតឹងច្រមុះនេះដែរ។
ឧបករណ៍រក្សាតុល្យភាពសំណើមគឺជាវិធីមួយដែលបន្ថយការឈឺចាប់នៅតំបន់ sinus និងសម្រាលអាការៈតឹងច្រមុះបានលឿន។ ឧបករណ៍នេះបំលែងទឹកឲ្យទៅជាសំណើមនៅក្នុងខ្យល់ និងបង្កើនសំណើមក្នុងបន្ទប់។ ការដកដង្ហើមក្នុងបរិយាកាសដែលខ្យល់មានសំណើមអាចសម្រួលដល់ជាលិការលាក និងសរសៃឈាមដែលហើមក្នុងច្រុះ និងតំបន់ sinus។ ម៉្យាងទៀតក៏ជួយបន្ថយស្លេស្មក្នុងតំបន់ sinus ដែលនេះជួយកម្ចាត់សារធាតុរាវក្នុងច្រមុះ និងធ្វើឲ្យយើងដកដង្ហើមធម្មតា។
ចំហាយទឹកដែលបានពីទឹកក្ដៅនេះអាចជួយបន្ថយស្លេស្មក្នុងច្រមុះ និងការរលាក។ ការងូតទឹកក្ដៅអាចជួយដល់ការដកដង្ហើម។ យើងក៏អាចទទួលលទ្ធផលដូចគ្នាដោយឆ្ពុងនឹងចំហាយទឹកក្ដៅ។ ពេលឆ្ពុងគួរប្រយ័ត្នកុំឲ្យរលាកមុខដោយចំហាយទឹកក្ដៅ។
នៅពេលយើងឈឺ យើងអាចរក្សាជាតិទឹកក្នុងរាងកាយដោយផឹកទឹក ភេសជ្ជៈកីឡា និងទឹកផ្លែឈើជាដើម។ ទឹកទាំងនេះអាចជួយបន្ថយស្លេស្មនៅច្រមុះ និងរុញសារធាតុរាវចេញពីច្រមុះ ហើយក៏បន្ថយសម្ពាធនៅតំបន់ sinus ដែរ។ សម្ពាធតិចមានន័យថាការរលាកក៏ថយចុះ។ ប្រសិនជាយើងមានអាការៈតឹងច្រមុះផង ឈឺកផង យើងអាចញ៉ាំស៊ុប ឬតែក្ដៅឧណ្ហៗដើម្បីជួយសម្រាលអាការៈឈឺកផងដែរ។
បន្ទះកម្ដៅអាចជួយមិនឲ្យតឹងច្រមុះ។ យើងអាចយកកន្សែងទៅត្រាំនឹងទឹកក្ដៅឧណ្ហៗ រួចពូតទឹកចេញ និងបត់កន្សែង បន្ទាប់ពីនេះយកដាក់ពីលើច្រមុះ និងថ្ងាស។ កម្ដៅពីកន្សែងអាចផ្តល់បន្ថយការឈឺចាប់ និងបន្ថយការរលាកក្នុងរន្ធច្រមុះ។ យើងអាចធ្វើបែបនេះញឹកញាប់បានបើចាំបាច់។
អ្នកមានអាការៈតឹងច្រមុះអាចនឹងមានអាការៈកាន់តែធ្ងន់ធ្ងរពេលយប់ដោយយើងពិបាកក្នុងការដកដង្ហើមពេលគេង និងពិបាកក្នុងការគេង។ យើងអាចប្រើខ្នើយបន្ថែមមួយទៀតពេលគេងដើម្បីជួយបង្ហូរសារធាតុរាវចេញពីផ្លូវដង្ហើម។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល