ជឿថាគ្នាយើងដឹងបានច្រើនហើយ ទាក់ទងនឹងជំងឺទឹកនោមផ្អែម។ ជំងឺទឹកនោមផ្អែមប្រភេទទី២ កើតមានភាគច្រើនលើមនុស្សធំពេញវ័យដោយស្ងប់ស្ងាត់បំផុត និងប្រើពេលវេលាច្រើនឆ្នាំ បន្តិចម្ដងៗ ដោយមិនមានចេញរោគសញ្ញាអ្វីទាំងអស់។ នេះបើតាមការផ្សព្វផ្សាយរបស់មន្ទីរពេទ្យ កាល់ម៉ែត។
ទឹកនោមផ្អែមប្រភេទ២ ប៉ះពាល់សរីរាង្គច្រើន អាចធ្វើឲ្យពិការ និងគ្រោះថ្នាក់ដល់ជីវិត
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
យើងត្រូវដឹងថា គ្រាន់តែបញ្ហាលើសជាតិស្ករក្នុងឈាមតែមុខ នាំទៅដល់ផលប៉ះពាល់ស្ទើរគ្រប់សរីរាង្គទាំងអស់ ដែលអាចនាំទៅដល់ទាំងពិការភាព និងអាយុជីវិត។ ក្នុងករណីដែលអ្នកជំងឺទឹកនោមផ្អែមប្រភេទ២ មិនបានព្យាបាលត្រឹមត្រូវ និងឲ្យទាន់ពេលវេលា ជំងឺនេះបណ្ដាលឲ្យមានផលវិបាកធ្ងន់ធ្ងរជាច្រើនដូចជា៖
– ខូចសាច់ដុំបេះដូង ដោយមកពីស្ទះសរសៃឈាមបេះដូង
– ដាច់ ឬស្ទះសរសៃឈាមខួរក្បាល
– ពិការភ្នែក
– បាត់បង់ការដឹងប្រព័ន្ធប្រសាទអវយវៈ (ងាយប្រឈមនឹងការរបួសជើង ឬវះកាត់ជើង)។
កម្មវិធីពិនិត្យជំងឺបម្រុងទឹកនោមផ្អែមអនឡាញ
ចង់គណនារង្វាស់ចង្វាក់បេះដូង ចុចទីនេះ!
ហេតុបែបនេះហើយ ទើបយើងត្រូវពិនិត្យសុខភាពឲ្យបានទៀងទាត់ ពិនិត្យកម្រិតជាតិស្ករនៅក្នុងឈាមដោយគ្រូពេទ្យគឺជាវីធីល្អបំផុត ដើម្បីចៀសវាង ក៏ដូចជាទប់ស្កាត់កើតជំងឺទឹកនោមផ្អែម។ ដូចគ្នានេះ ដើម្បីធានាបាននូវសុខភាពល្អ មិនថាគ្នាយើងណាកើតទឹកនោមផ្អែម ឬគ្នាយើងដែលមានសុខភាពធម្មតាទេ គួរផ្លាស់ប្ដូររបៀបរស់នៅតាមការណែនាំខាងក្រោមនេះ៖
១. ហាត់ប្រាណយ៉ាងតិច ៣០-៤៥នាទី/ថ្ងៃ
២. ញ៉ាំអាហារយ៉ាងតិច ៣ដង/ថ្ងៃ ឲ្យទៀងពេល (អាហារគ្រប់ពេលគួរមានបន្លែចម្រុះ)
៣. ចៀសវាងអាហារប្រៃឲ្យបានច្រើន
៤. ឈប់ជក់បារី
៥. កាត់បន្ថយអាហារកាឡូរីខ្ពស់ មកពីប្រភពស្ករ ខ្លាញ់ និងសាច់ក្រហម
៦. កាត់បន្ថយគ្រឿងស្រវឹងឲ្យបានច្រើនបំផុត
៧. ពិសេស ត្រូវកាត់បន្ថយអារម្មណ៍តានតឹងឲ្យបានច្រើន (ដែលជាមូលហេតុចម្បងនាំឲ្យមានវិបត្តិមេតាបូលិក)។
អត្ថទពាក់ព័ន្ធ៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម