ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ជំងឺស្លេកស្លាំងដោយសារខ្វះជាតិដែក ជាជំងឺឧស្សាហ៍កើតមានបំផុតមួយក្នុងចំណោមជំងឺស្លេកស្លាំងទាំងអស់។ វាជាជំងឺមួយប្រភេទ បណ្តាលមកពីកង្វះកោសិកាគ្រាប់ឈាមក្រហមដែលជាអ្នកនាំអុកស៊ីសែនទៅកាន់កោសិកាទាំងអស់ក្នុងរាងកាយ។
ដូចឈ្មោះរបស់ជំងឺដែរ ជំងឺស្លេកស្លាំងប្រភេទនេះ បណ្តាលមកពីកង្វះជាតិដែក។ ពេលក្នុងខ្លួនខ្វះជាតិដែក នឹងមិនអាចផលិតសមាសធាតុម្យ៉ាងនៅក្នុងគ្រាប់ឈាមក្រហម ដែលជាអ្នកដឹកអុកស៊ីហ្សែនមានឈ្មោះថា អេម៉ូក្លូប៊ីន។ ជាលទ្ធផល រាងកាយយើងនឹងអស់កម្លាំង ពិបាកដកដង្ហើម។
យើងអាចបង្គ្រប់ជាតិដែកក្នុងខ្លួនបាន តាមរយៈអាហារ ឬថ្នាំបំប៉ន។ ពេលខ្លះ ចាំបាច់ត្រូវធ្វើតេស្តពិនិត្យ និងព្យាបាលជំងឺស្លេកស្លាំងដោយសារខ្វះជាតិដែកនេះ ពិសេសបើពេទ្យសង្ស័យថា មានហូរឈាមនៅសរីរាង្គខាងក្នុង។
រោគសញ្ញាជំងឺស្លេកស្លាំងដោយសារខ្វះជាតិដែក មានដូចជា៖
– អស់កម្លាំងខ្លាំង
– ខ្សោយ
– ស្លេកស្លាំង
– ឈឺទ្រូង បេះដូងដើរលឿន ឬហត់
– ឈឺក្បាល វិលមុខ ឬធេងធោង
– ត្រជាក់ចុងដៃចុងជើង
– រលាក ឬឈឺអណ្ដាត
– ក្រចកផុយ
– មានអារម្មណ៍ឃា្លន តែអាហារគ្មានជាតិ
– មិនឃ្លានអាហារ ពិសេសចំពោះក្មេង និងទារកមានជំងឺកង្វះជាតិដែក។
បើយើង ឬកូនមានរោគសញ្ញា សង្ស័យមានជំងឺស្លេកស្លាំងដោយសារខ្វះជាតិដែក គួរទៅជួបពេទ្យ។ ជំងឺស្លេកស្លាំងដោយសារខ្វះជាតិដែក មិនមែនជាជំងឺអាចធ្វើរោគវិនិច្ឆ័យដោយខ្លួនឯងបាននោះឡើយ។ ហេតុនេះ ទៅពិគ្រោះជាមួយគ្រូពេទ្យ គឺប្រសើរជាងញ៉ាំថ្នាំជាតិដែកដោយខ្លួនឯង ព្រោះថាអាចបង្កទៅជាបញ្ហាលើសជាតិដែកទៅវិញ ហើយការលើសជាតិដែកនឹងធ្វើឲ្យខូចថ្លើម រួមជាមួយបញ្ហាដទៃទៀត។
ជ្រើសរើសអាហារដែលសម្បូរដោយជាតិដែក៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕