នៅតាមបណ្ដារាជធានី-ខេត្តខ្លះនៅប្រទេសកម្ពុជាយើងកំពុងជួបគ្រោះធម្មជាតិជំនន់ទឹកភ្លៀងតាំងពីសប្ដាហ៍មុនម៉្លេះ។ ដូចនេះយើងត្រូវការពារទាំងអស់គ្នា អំឡុងពេលនេះ ដោយ ៤ យ៉ាងខាងក្រោមនេះអាចបណ្ដាលឲ្យជួបគ្រោះថ្នាក់ទាំងចាស់-ក្មេង។
ប្រយ័ត្ន ៤ យ៉ាងនេះ អាចបង្កគ្រោះថ្នាក់អំឡុងពេលទឹកជំនន់
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- លង់ទឹក របួស ឬប៉ះទង្គិច
គ្រោះធម្មជាតិមួយនេះអាចបណ្ដាលឲ្យកើតមានគ្រោះថ្នាក់ផ្សេងៗដូចជាលង់ទឹក ការបាក់រលំផ្ទះ ដូចនេះហើយប្រសិនបើយើងស្ថិតនៅតំបន់ដែលប្រឈមខ្លាំងត្រូវប្រញាប់ជម្លៀសខ្លួនទៅកាន់ទីទួលសុវត្ថិភាពជាបន្ទាន់។ មួយវិញទៀតកុំស្នាក់នៅកន្លែងដែលមានសភាពចាស់ទ្រុឌទ្រោម ព្រោះអាចបាក់រលំ និងពេលដើរហើរត្រូវរកឈើដើម្បីស្ទាបរកផ្លូវដែលខូច ឬកន្លែងលូ គ្រលុក ចៀសវាងធ្លាក់លង់ទឹក។
២- ចរន្តអគ្គិសនី
ទាំងនៅក្នុង ឬក្រៅផ្ទះយើងមិនត្រូវប៉ះពាល់គ្រឿងប្រើប្រាស់អគ្គិសនីដោយដៃសើម ឬកំពុងនៅក្នុងទឹកឡើយ។ ត្រូវយកឈើស្ងួត ដើម្បីឆ្កឹះទាញខ្សែភ្លើងរញ៉េរញ៉ៃ ព្រោះអាចបណ្ដាលឲ្យឆ្លងឆក់បាន។ មួយវិញទៀត ប្រសិនបើមានការជ្រាបចូលព្រីភ្លើងណាមួយក្នុងផ្ទះ ត្រូវបិទកុងតាក់ភ្លើងសិន ហើយហៅអ្នកជំនាញមកជួយមើល ថាតើស្ថានភាពបែបណាទើបអាចប្រើប្រាស់បាន។
៣- កុំលេងទឹក
ជឿថាអ្នកខ្លះទោះជាស្ថានភាពទឹកជំនន់កំពុងតែយាយីក៏ដោយក៏នៅតែមិនសូវព្រួយបារម្ភ ដោយបែរជាចុះទៅមុជទឹកលេងធ្វើព្រងើយ។ កត្តានេះនាំឲ្យមានគ្រោះថ្នាក់ដូចជាលង់ទឹកដោយសារកម្លាំងទឹកហូរហួចយកទៅបាត់ បើទោះជាចេះហែលក៏ដោយ។ ដូច្នេះហើយគួរស្នាក់នៅកន្លែងដែលមានសុវត្ថិភាព ឬបើជួបគាំងនៅផ្ទះ ត្រូវរកវិធីឡើងទៅកាន់កន្លែងខ្ពស់ ដើម្បីសុំជំនួយ ព្រោះមិនដឹងពីកម្លាំង និងកម្ពស់ទឹក ជាពិសេសអ្នកមានកូនតូច។ ក្រៅពីគ្រោះថ្នាក់ដោយសារលង់ទឹក នៅមានបញ្ហាទឹកមិនស្អាតនាំឲ្យរមាស់ និងឆ្លងរោគផ្សេងៗដែលមកជាមួយទឹកដូចជា គ្រុនពោះវៀន អាសន្នរោគ រលាកថ្លើមប្រភេទA និង Leptospirosis ជាដើម។
៤- ប្រយ័ត្នសត្វអាសិរពិស
ទឹកជំនន់មិនត្រឹមបំផ្លាញជម្រកមនុស្សឡើយ សូម្បីសម្បុកសត្វក៏ត្រូវខ្ទេចខ្ទីដែរ ហើយពពួកសត្វពស់ ក្អែប ខ្ទួយ ខ្យាដំរី គឺសុទ្ធសឹងតែហែលស្វែងរកកន្លែងជម្រកថ្មីដូចគ្នា។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម