ជំងឺទឹកនោមផ្អែម ជាប្រភេទជំងឺមេតាប៉ូលិស ដោយបណ្ដាលឲ្យកម្រិតជាតិស្ករក្នុងឈាមឡើងខ្ពស់។ ជាធម្មតា អ័រម៉ូនអាំងស៊ុយលីន បានចល័តជាតិស្ករពីឈាម ទៅក្នុងកោសិកា ដើម្បីរក្សា និងប្រើសម្រាប់ជាថាមពល។ តែនៅពេលយើងកើតជំងឺទឹកនោមផ្អែម រាងកាយរបស់យើង មិនអាចបង្កើតអាំងស៊ុយលីនគ្រប់គ្រាន់នោះទេ។
មូលហេតុបង្កជំងឺទឹកនោមផ្អែម គួរដឹង និងការពារ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. ប្រភេទជំងឺទឹកនោមផ្អែម
អត្ថបទពាក់ព័ន្ធ៖
ដូចបញ្ជាក់ខាងលើ ក្រុមវេជ្ជបណ្ឌិតពុំទាន់អាចកំណត់ច្បាស់លាស់ពីមូលហេតុបង្កជំងឺទឹកនោមផ្អែម ប្រភេទ ១ នៅឡើយទេ។ សម្រាប់ការបកស្រាយមួយចំនួន ជំងឺនេះបណ្ដាលមកពីប្រព័ន្ធការពាររាងកាយ វាយប្រហារ និងបំផ្លាញកោសិកាផលិតអាំងស៊ុយលីន នៅក្នុងលំពែង។ សេណេទិក ក៏ជាផ្នែកមួយនៃការបង្កជំងឺនេះផងដែរ។
ចំណែកជំងឺទឹកនោមផ្អែម ប្រភេទ ២ កើតឡើងដោយសារកត្តាសេណេទិក និងរបៀបរបបរស់នៅ។ លើសទម្ងន់ និងជំងឺធាត់ មិនមានសកម្មភាពរាងកាយ ជាមូលហេតុចម្បងនាំឲ្យកើតជំងឺនេះ ជាពិសេសខ្លាញ់ក្បាលពោះ ធ្វើឲ្យកោសិការបស់យើង ប្រឆាំងនឹងមុខងាររបស់អាំងស៊ុយលីន។ ជំងឺនេះ ក៏ឆ្លងតាមរយៈសេណេទិករបស់ប្រវត្តិសមាជិកគ្រួសារផងដែរ។
រីឯជំងឺទឹកនោមផ្អែមពេលពពោះ បណ្ដាលមកពីបម្រែបម្រួលអ័រម៉ូន អំឡុងពេលពពោះ។ សុកផលិតអ័រម៉ូន ដែលធ្វើឲ្យកោសិកាស្ត្រីពពោះ កាន់តែខ្សោយក្នុងការទទួលឥទ្ធិពលរបស់អាំងស៊ុយលីន ហើយបណ្ដាលឲ្យជាតិស្ករកើនឡើង អំឡុងពេលពពោះ។ សម្រាប់ស្ត្រីលើសទម្ងន់ នៅពេលពពោះ ឬឡើងទម្ងន់ខ្លាំងពេលពពោះ ប្រឈមនឹងការកើតជំងឺទឹកនោមផ្អែមពេលពពោះ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម