ប្រាកដណាស់ចម្អិនអាហាររួមគ្នា នឹងបង្កើតពេលវេលា បូករួមទាំងអានុស្សាវរីយ៍ចងចាំជាមួយគ្នាច្រើន តាំងពីការចំណាយពេលទៅទិញម្ហូប និងរៀបចំចម្អិន។ លើសពីនោះ ការរៀបចំចម្អិនម្ហូបអាហារដើម្បីញ៉ាំជុំគ្នា នឹងបង្កើនការយកចិត្តទុកដាក់លើគុណភាពអាហារសម្រាប់សមាជិកគ្រួសារទាំងអស់ ដែលគ្រប់គ្នាបានទាំងសុខភាពល្អ និងទទួលបានអារម្មណ៍កក់ក្តៅដោយការយកចិត្តទុកដាក់ និងរីករាយ។
២. រៀបចំដំណើរកម្សាន្តរួមគ្នា
ការរៀបចំទៅធ្វើដំណើរកម្សាន្តរួមគ្នា ជាមួយសមាជិកគ្រួសារ ជួយបង្កើនសាមគ្គីភាពក្នុងគ្រួសារ ដោយការចូលរួមរបស់សមាជិកគ្រួសារ រាប់ទាំងក្មេងៗផង ប្រាប់អំពីទីដៅដើរលេងដែលត្រូវទៅ។ មិនតែប៉ុណ្ណោះ ដំណើរកម្សាន្តលក្ខណៈគ្រួសារ មិនត្រឹមបង្កើតតែបទពិសោធរីករាយដល់សមាជិកគ្រួសារប៉ុណ្ណោះទេ ប៉ុន្តែនឹងផ្តល់ឱ្យសមាជិកចេះឱ្យតម្លៃលើ ការយោគយល់ និងឯកភាពគ្នា ក្នុងការសម្រេចចិត្តរួមគ្នា។