ក្រូចថ្លុងក្រៅពីមានរសជាតិផ្អែមឆ្ងាញ់ហើយ ផ្លែឈើប្រភេទនេះក៏សម្បូរទៅដោយវីតាមីន ជាតិរ៉ែ និង សារធាតុប្រឆាំងអ៊ុកស៊ីតកម្មដែលល្អចំពោះសុខភាពទៀតផង។ អត្ថបទនេះនឹងបង្ហាញពីអត្ថប្រយោជន៍នៃក្រូចថ្លុងដែលគ្នាយើងគ្រប់គ្នាមិនគួរមើលរំលង។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ក្រូចថ្លុងក្រៅពីមានរសជាតិផ្អែមឆ្ងាញ់ហើយ ផ្លែឈើប្រភេទនេះក៏សម្បូរទៅដោយវីតាមីន ជាតិរ៉ែ និង សារធាតុប្រឆាំងអ៊ុកស៊ីតកម្មដែលល្អចំពោះសុខភាពទៀតផង។ អត្ថបទនេះនឹងបង្ហាញពីអត្ថប្រយោជន៍នៃក្រូចថ្លុងដែលគ្នាយើងគ្រប់គ្នាមិនគួរមើលរំលង។
ក្រូចថ្លុងមានផ្ទុកនូវវីតាមីន និងជាតិរ៉ែជាច្រើន ជាពិសេសវីតាមីន C។ ផ្លែក្រូចថ្លុងមួយ (ប្រហែល ៦១០ក្រាម) មាន៖
ក្នុងមួយថ្ងៃ យើងត្រូវការជាតិសរសៃយ៉ាងតិចណាស់ ២៥ក្រាម។ ផ្លែក្រូចថ្លុងមួយ (៦១០ក្រាម) មានជាតិសរសៃ៦ក្រាម ដូចនេះការញ៉ាំក្រូចថ្លុងជាជម្រើសមួយដ៏ល្អសម្រាប់បំពេញជាតិសរសៃសម្រាប់រាងកាយ។ ជាតិសរសៃនេះអាចជួយដល់ការបន្ទោបង់ និងបង្ការការទល់លាមក។ មិនត្រឹមតែប៉ុណ្ណោះ ជាតិសរសៃអាចជួយដល់ឆ្អឹង ការរក្សាទម្ងន់រយៈពេលវែង ជំនួយដល់សុខភាពពោះវៀន និងខួរក្បាល រួមទាំងបន្ថយការប្រឈមនឹងការកើតជំងឺរ៉ាំរ៉ៃមួយចំនួន។
ក្រូចថ្លុងជាអាហារមានកាឡូរីទាប ដែលអាចជួយដល់ការបញ្ចុះទម្ងន់ដល់គ្នាយើងណាដែលចង់ស្រកគីឡូ។ ម៉្យាងទៀតក្រូចថ្លុងក៏មានប្រូតេអ៊ីន និងជាតិសរសៃ ដែលអាចជួយឲ្យយើងឆ្អែតបានយូរ។ ដូចនេះ ផ្លែក្រូចថ្លុងជាជម្រើសដ៏ល្អប្រសិនជាយើងចង់កាត់បន្ថយចំនួនកាឡូរីក្នុងរាងកាយ និងសម្រកទម្ងន់។
អត្ថបទពាក់ព័ន្ធ៖ បន្លែ និងផ្លែឈើ ដែលញ៉ាំមិនឡើងគីឡូ ហើយមានប្រយោជន៍ដល់សុខភាពច្រើនទៀត
ផ្លែក្រូចថ្លុងសម្បូរទៅដោយសារធាតុប្រឆាំងអ៊ុកស៊ីតកម្ម ដែលអាចជួយក្នុងការបង្ការ និងបម្រុងទុកនូវកោសិកាដែលខូចខាតដោយសារពពួករ៉ាឌីកាល់សេរី។
ពពួករ៉ាឌីកាល់សេរីគឺជាសមាសធាតុដែលមាននៅក្នុងបរិយាកាស និងអាហារដែលអាចបង្កឲ្យមានបញ្ហាសុខភាព និងជំងឺរ៉ាំរ៉ៃ។ ដោយសារក្រូចថ្លុងមានផ្ទុកនូវវីតាមីន C ច្រើន លទ្ធភាពក្នុងការបញ្ចេញសារធាតុប្រឆាំងអ៊ុកស៊ីតកម្មក៏ល្អដែរ។ សារធាតុប្រឆាំងអ៊ុកស៊ីតកម្មសំខាន់នៅក្នុងផ្លែឈើនេះគឺ naringenin និងnaringin រួមទាំងមាននូវសារធាតុប្រឆាំងអ៊ុកស៊ីតកម្ម lycopene (មាននៅក្នុងប៉េងប៉ោះដែរ) ដែលប្រឆាំងនឹងការរលាកទៀតផង។
ផ្លែក្រូចថ្លុងអាចជួយកាត់បន្ថយនូវកូលេស្តេរ៉ូល និងខ្លាញ់អាក្រក់ (Triglycerides) ដែលបង្កជំងឺបេះដូង។ ប្រសិនជាអ្នកកំពុងប្រើប្រាស់ថ្នាំបញ្ចុះកូលេស្តេរ៉ូល (Statins) គួរចៀសវាងបរិភោគក្រូចថ្លុង។
ផ្លែក្រូចថ្លុងសម្បូរវីតាមីន C ដែលអាចជួយបង្ការការខូចខាតរបស់ស្បែក និងជួយរក្សាសម្រស់។ បន្ថែមពីនេះទៀត ក្រូចថ្លុងក៏ជួយកាត់បន្ថយ AGEs (Advanced glycation end products) កម្រិតជាតិស្ករក្នុងឈាមបានដែរ។
អត្ថបទពាក់ព័ន្ធ៖ វីតាមីន C លាក់កំពូលអត្ថប្រយោជន៍ អាចជួយស្បែកឲ្យស ភ្លឺរលោង
ផ្លែក្រូចថ្លុងក៏មានផ្ទុកសារធាតុប្រឆាំងនឹងបាក់តេរី និងផ្សិតដែរ។ ការស្រាវជ្រាវជាច្រើនបានសិក្សាទៅលើឥទិ្ធពលនេះដោយប្រើប្រាស់នូវប្រេងដែលធ្វើពីសំបកក្រូចថ្លុង។ ប្រេងនេះមានកំហាប់ខ្លាំង ដូចនេះគួរចៀសវាងការបរិភោគ និងត្រូវពង្រាវឲ្យបានត្រឹមត្រូវមុននឹងប្រើប្រាស់។
ផ្លែក្រូចថ្លុងក៏អាចជួយកំចាត់កោសិកាមហារីក និងទប់ស្កាត់ការរីករាលដាលនៃមហារីកដែរ។ តាមការពិសោធន៍ទៅលើសត្វកណ្តុរបានបង្ហាញថា សារធាតុប្រឆាំងអ៊ុកស៊ីតកម្មអាចកំចាត់នូវកោសិកាមហារីក និងជួយដល់ប្រព័ន្ធភាពស៊ាំ។ ការពិសោធន៍ផ្សេងទៀតបានឲ្យដឹងថាសារធាតុ Naringenin នៅក្នុងផ្លែក្រូចថ្លុងអាចកំចាត់នូវកោសិកាមហារីកក្រពេញប្រូស្តាត និងលំពែងរួមទាំងទប់ស្កាត់ការរីករាលដាលនៃមហារីកសួតទៀត។ សូមបញ្ជាក់ដែរថា ឥទិ្ធពលផ្លែក្រូចថ្លុងទៅលើមហារីកនេះ នៅត្រូវធ្វើការសិក្សាបន្ថែមទៀតជាពិសេសទៅលើមនុស្ស។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕