ផ្លែចេក គឺផ្លែឈើដែលគ្នាយើងជាច្រើននិយមញ៉ាំហើយថែមទាំងជាប្រភពសារធាតុចិញ្ចឹមចាំបាច់សម្រាប់សុខភាពយើងទៀតផង។ អត្ថបទនេះនឹងបង្ហាញពីអត្ថប្រយោជន៍របស់ផ្លែចេកចំពោះសុខភាព និងហានិភ័យខ្លះៗផង។
ផ្លែចេកមានអត្ថប្រយោជន៍ច្រើនដល់សុខភាព តែក៏មានហានិភ័យខ្លះដែរ
ត្រួតពិនិត្យដោយ ទូច សុខា
អត្ថប្រយោជន៍សម្រាប់សុខភាព
១.សម្ពាធឈាម
សមាគមជំងឺបេះដូងអាមេរិក (AHA)បានលើកទឹកចិត្តឲ្យកាត់បន្ថយអាហារដែលមានជាតិប្រៃ ឬសូដ្យូម និងងាកមកញ៉ាំអាហារដែលមានជាតិប៉ូតាស្យូមវិញ។ ប៉ូតាស្យូមអាចជួយគ្រប់គ្រងសម្ពាធឈាម និងកាត់បន្ថយសម្ពាធក្នុងប្រព័ន្ធសរសៃឈាមបេះដូង ដែលប៉ូតាស្យូមនេះមានច្រើននៅក្នុងផ្លែចេក។
អត្ថបទពាក់ព័ន្ធ៖ អាហារល្អៗជួយបេះដូង គួរញ៉ាំជាប្រចាំ
២.ជំងឺហឺត
ការសិក្សាមួយនៅឆ្នាំ២០១៧បានផ្តល់យោបល់ថាញ៉ាំចេកអាចជួយបង្ការអាការៈពិបាកដកដង្ហើមរបស់ក្មេងដែលមានជំងឺហឺត ដោយសារតែសារធាតុប្រឆាំងអុកស៊ីតកម្ម និងប៉ូតាស្យូមដែលមានក្នុងផ្លែចេក។ ប៉ុន្តែការរកឃើញត្រូវការសិក្សាបន្ថែមទៀតដើម្បីឲ្យកាន់តែប្រាដក។
៣. ជំងឺមហារីក
ការស្រាវជ្រាវបានលើកឡើងថា Lectin ដែលជាប្រូតេអ៊ីនមានក្នុងផ្លែចេកអាចជួយបង្ការការលូតលាស់កោសិកាជំងឺមហារីកគ្រាប់ឈាម។ Lectin មានតួនាទីជាសារធាតុប្រឆាំងអុកស៊ីតកម្មក្នុងការជួយកំចាត់ពពួករ៉ាឌីកាល់សេរីពីរាងកាយ ព្រោះកាលណារាងកាយមានពពួករ៉ាឌីកាល់សេរីច្រើន កោសិកាខូចខាតកាន់តែច្រើនដែលអាចបង្កឲ្យមានជំងឺមហារីក។
នៅឆ្នាំ២០១៤ អ្នកស្រាវជ្រាវបានសង្កេតឃើញថាកុមារដែលញ៉ាំចេក និងទឹកក្រូចស្រស់មានហានិភ័យទាបនឹងជំងឺមហារីកគ្រាប់ឈាម។ អ្នកស្រាវជ្រាវក៏បានលើកឡើងថានេះក៏អាចមកពីវីតាមីន C ក្នុងផ្លែឈើទាំងនោះមានសារធាតុប្រឆាំងអុកស៊ីតកម្ម។
color: #000000;”>អត្ថបទពាក់ព័ន្ធ៖ Childhood Leukemia (មហារីកគ្រាប់ឈាមសលើកុមារ)
៤. សុខភាពបេះដូង
ផ្លែចេកមានជាតិសរសៃ ប៉ូតាស្យូម អាស៊ីដ Folate និងសារធាតុប្រឆាំងអុកស៊ីតកម្មដូចជាវីតាមីន C ដែលទាំងនេះជួយទ្រទ្រង់ដល់សុខភាពបេះដូង។ ការសិក្សានៅឆ្នាំ២០១៧ បានរកឃើញថាមនុស្សដែលញ៉ាំអាហារមានជាតិសរសៃខ្ពស់មានហានិភ័យទាបនឹងជំងឺបេះដូងជាងអ្នកដែលញ៉ាំអាហារជាតិសរសៃតិច ព្រោះអ្នកញ៉ាំអាហារជាតិសរសៃខ្ពស់អាចកាត់បន្ថយកម្រិតជាតិខ្លាញ់អាក្រក់ LDL។
៥. ជំងឺទឹកនោមផ្អែម
សមាគមជំងឺទឹកនោមផ្អែមអាមេរិក (American Diabetes Association)បានណែនាំឲ្យញ៉ាំចេក និងផ្លែឈើដែលមានជាតិសរសៃ ដោយពួកគេសង្កេតឃើញថាការញ៉ាំអាហារមានជាតិសរសៃអាចជួយកាត់បន្ថយកម្រិតជាតិស្ករក្នុងឈាម។ ការសិក្សានៅឆ្នាំ២០១៨ក៏បានលើកឡើងថាការញ៉ាំអាហារមានជាតិសរសៃខ្ពស់អាចកាត់បន្ថយហានិភ័យនឹងជំងឺទឹកនោមផ្អែមប្រភេទ២ និងកាត់បន្ថយកម្រិតជាតិស្ករក្នុងឈាមសម្រាប់អ្នកមានជំងឺទឹកនោមផ្អែមស្រាប់។
អត្ថបទពាក់ព័ន្ធ៖ របៀបថែទាំ និងតាមដានអ្នកជំងឺទឹកនោមផ្អែមប្រភេទទី២ កូនចៅត្រូវដឹង
៦. ប្រព័ន្ធរំលាយអាហារ
ផ្លែចេកមានផ្ទុកជាតិទឹក និងជាតិសរសៃដែលអាចសម្រួលដល់ការរំលាយអាហារ។ ផ្លែចេកក៏ត្រូវបានគ្រូពេទ្យណែនាំឲ្យញ៉ាំពេលរាករូសដែរ។ ពេលរាករូសធ្វើឲ្យបាត់បង់ជាតិទឹក និងអេឡិចត្រូលីតដូចជាប៉ូតាស្យូម ហើយផ្លែចេកអាចបំពេញសារធាតុចិញ្ចឹមទាំងនេះបាន។
ការសិក្សាឆ្នាំ២០១២បានលើកឡើងថាអាហារដែលមានជាតិសរសៃខ្ពស់អាចធ្វើឲ្យហើមពោះ និងរមួលពោះសម្រាប់អ្នកមានជំងឺរលាកពោះវៀន (Inflammatory bowel disease) ប៉ុន្តែផ្លែចេកអាចធ្វើឲ្យអាការៈមានភាពប្រសើរឡើង។
៧.ការចងចាំ និងការគ្រប់គ្រងអារម្មណ៍
ផ្លែចេកមានផ្ទុកនូវ Tryptophan ដែលជាអាស៊ីដអាមីណូអាចជួយថែរក្សាការចងចាំ បង្កើនសមត្ថភាពក្នុងការរៀន និងគ្រប់គ្រងអារម្មណ៍។
អត្ថបទពាក់ព័ន្ធ៖ អាហារ ១០ ប្រភេទ ប៉ូវខួរក្បាល និងផ្តល់ថាមពលខ្លាំង
តិចនិកមួយចំនួនក្នុងទទួលទានផ្លែចេក
- អាចបន្ថែមក្នុងអាហារពេលព្រឹកប្រភេទ cereal ឬoatmeal
- កិនចេកទុំ និងប្រើជំនួសពពួកប្រេង ឬប៊ឺរក្នុងនំដុត
- ប្រើចេកទុំកិនទៅលើនំផ្សេងៗដូចជា Muffin cookies ឬនំខេក
- យកទៅក្រឡុក
- ធ្វើជាអាហារសម្រន់។
ហានិភ័យសម្រាប់សុខភាព
ទោះបីជាផ្លែចេកមានអត្ថប្រយោជន៍សម្រាប់សុខភាពច្រើន ប៉ុន្តែមានមនុស្សមួយចំនួនគួរប្រយ័ត្នកុំញ៉ាំផ្លែចេកច្រើន។ មនុស្សទាំងនោះមានដូចជា៖
អ្នកប្រើប្រាស់ពពួកថ្នាំបញ្ចុះឈាម Beta blockers៖ គ្រូពេទ្យតែងចេញវេជ្ជបញ្ជាពពួកថ្នាំនេះដើម្បីកាត់បន្ថយហានិភ័យផលវិបាកផ្សេងៗដែលបង្កពីជំងឺបេះដូង។ ពពួកថ្នាំបញ្ចុះឈាមនេះអាចធ្វើឲ្យកម្រិតប៉ូតាស្យូមក្នុងឈាមឡើង។ ការញ៉ាំអាហារមានប៉ូតាស្យូមខ្ពស់អាចប៉ះពាល់ដល់អ្នកមានបញ្ហាតម្រងនោម។ ប្រសិនជាតម្រងនោមមិនអាចកំចាត់នូវប៉ូតាស្យូមដែលលើសក្នុងឈាមបានទេនោះ អាចនឹងមានគ្រោះថ្នាក់ដល់អាយុជីវិត។ ដូចនេះ អ្នកជំងឺដែលប្រើប្រាស់ពពួកថ្នាំបញ្ចុះឈាម Beta blockers គួរញ៉ាំអាហារដែលមានប៉ូតាស្យូមខ្ពស់ដូចជាផ្លែចេកជាដើមក្នុងកម្រិតតិចតួច។
អាលែកហ្សី៖ ផ្លែចេកអាចធ្វើឲ្យមានអាលែកហ្សីចំពោះមនុស្សមួយចំនួន។ អ្នកដែលមានអាការៈដូចជា រមាស់ កន្ទាលត្រអាក ហើម ពិបាកដកដង្ហើម គួរទៅជួបគ្រូពេទ្យ ព្រោះប្រសិនជាមានអាការៈធ្ងន់ធ្ងរអាចឈានទៅរកអាលែកហ្ស៊ីធ្ងន់ធ្ងរ (Anaphylaxis)អាចគ្រោះថ្នាក់ដល់អាយុជីវិត។
ឈឺក្បាលប្រកាំង៖ អ្នកមានអាការៈឈឺក្បាលប្រកាំង បើញ៉ាំផ្លែចេកអាចបង្កឲ្យមានអាការៈឈឺក្បាលប្រកាំងកាន់តែខ្លាំងចំពោះមនុស្សមួយចំនួន។
អត្ថបទពាក់ព័ន្ធ៖
- អាហារប៉ុន្មានមុខនេះ ជួយប្រឆាំងបញ្ហាឈឺក្បាលប្រកាំង ហើយមិនពិបាករកទេ
- ចេះតិចនិកញ៉ាំអាហារនេះ អាចជួយការពារខ្លួនពីជំងឺផ្សេងៗបានច្រើន
- អាហារ៧មុខ អ្នកមានបញ្ហាតម្រងនោមមិនគួរទទួលទានច្រើន
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ទូច សុខា
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម