ផ្កាខាត់ណាខៀវគឺបន្លែបៃតងមួយប្រភេទដែលអាចញ៉ាំបានទាំងឆ្អិន និងឆៅ។ បន្លែនេះគឺជាប្រភពនៃសារធាតុចិញ្ចឹមជាច្រើនដែលមានប្រយោជន៍ដល់សុខភាព។
ត្រួតពិនិត្យដោយ ទូច សុខា
ផ្កាខាត់ណាខៀវគឺបន្លែបៃតងមួយប្រភេទដែលអាចញ៉ាំបានទាំងឆ្អិន និងឆៅ។ បន្លែនេះគឺជាប្រភពនៃសារធាតុចិញ្ចឹមជាច្រើនដែលមានប្រយោជន៍ដល់សុខភាព។
សារធាតុចិញ្ចឹមនៅក្នុងផ្កាខាត់ណាខៀវឆៅ (៩១ក្រាម)មាន
ផ្កាខាត់ណាខៀវក៏មានផ្ទុកពពួកវីតាមីន និងរ៉ែផ្សេងទៀតដែររួមមាន Folate (វីតាមីន B9) ប៉ូតាស្យូម Manganese ជាតិដែក វីតាមីន C និង K1។ លើសពីនេះទៀតផ្កាខាត់ណាខៀវក៏សម្បូរទៅដោយសារធាតុប្រឆាំងអុកស៊ីតកម្ម និងសមាសធាតុមានក្នុងរុក្ខជាតិដែលមានប្រយោជន៍ដល់សុខភាពមានដូចជា៖
ជំងឺមហារីក
បន្លែប្រភេទ Cruciferous ដូចជាស្ពៃក្ដោប ផ្កាខាត់ណា និងផ្កាខាត់ណាខៀវជាដើមមានផ្ទុកសារធាតុប្រឆាំងអុកស៊ីតកម្មជាច្រើនដែលអាចការពារការខូចខាតនៃកោសិកាអាចឈានទៅជាជំងឺមហារីក។
អត្ថបទពាក់ព័ន្ធ៖ ៨ ចំណុច កាត់បន្ថយការកើតជំងឺមហារីកដ៏កាចសាហាវ
សុខភាពឆ្អឹង
កាល់ស្យូម និងខូឡាជេនអាចធ្វើឲ្យឆ្អឹងរឹងមាំ។ ៩៩%នៃជាតិកាល់ស្យូមនៅក្នុងរាងកាយភាគច្រើនមាននៅក្នុងឆ្អឹង និងធ្មេញ។ ម៉្យាងទៀត រាងកាយក៏ត្រូវការវីតាមីន C ក្នុងការផលិតខូឡាជេន ហើយសារធាតុទាំងពីរនេះសុទ្ធតែមានក្នុងផ្កាខាត់ណាខៀវ។
វីតាមីន K មានតួនាទីបង្កកឈាម។ អ្នកជំនាញមួយចំនួនក៏បានណែនាំថាវីតាមីននេះអាចជួយបង្ការ និងព្យាបាលជំងឺពុកឆ្អឹង។ ការញ៉ាំវីតាមីន K គ្រប់គ្រាន់អាចជួយរក្សាសុខភាពឆ្អឹង ដែលវីតាមីននេះក៏មានក្នុងផ្កាខាត់ណាខៀវ។
យោងតាមក្រសួងកសិកម្មសហរដ្ឋអាមេរិក (USDA) ផ្កាខាត់ណាខៀវប្រហែល៧៦ក្រាមមានកាល់ស្យូម ៣–៣,៥%នៃកម្រិតត្រូវការប្រចាំថ្ងៃ វីតាមីន C ៤៥–៥៤%សម្រាប់កម្រិតត្រូវការប្រចាំថ្ងៃ និងវីតាមីន K ៦៤–៨៦%នៃកម្រិតត្រូវការប្រចាំថ្ងៃ។
ពង្រឹងប្រព័ន្ធភាពស៊ាំ
ក្នុងផ្កាខាត់ណាខៀវមាន វីតាមីន C ដែលជាសារធាតុប្រឆាំងអុកស៊ីតកម្មដែលជួយទ្រទ្រង់ដល់ប្រព័ន្ធភាពស៊ាំ និងអាចជួយបង្ការជំងឺមហារីក បេះដូង ភ្នែកឡើងបាយ និងជំងឺស្លេកស្លាំង។ ក្នុងលក្ខណៈជាប្រភេទអាហារបំប៉ន វីតាមីននេះអាចជួយកាត់បន្ថយរោគសញ្ញានៃជំងឺផ្ដាសាយ។
សុខភាពស្បែក
វីតាមីន C ក៏អាចជួយរាងកាយផលិតខូឡាជេនដែលជាសមាសធាតុចម្បងក្នុងការទ្រទ្រង់កោសិកា និងសរីរាង្គ រួមទាំងស្បែកផងដែរ។ វីតាមីននេះក៏ជួយបង្ការការខូចខាតស្បែក និងស្នាមជ្រួញដោយសារកត្តាអាយុ។
អត្ថបទពាក់ព័ន្ធ៖ វីតាមីន C លាក់កំពូលអត្ថប្រយោជន៍ អាចជួយស្បែកឲ្យស ភ្លឺរលោង
ការរំលាយអាហារ
អាហារមានជាតិសរសៃអាចជួយសម្រួលដល់ការបន្ទោរបង់ និងរក្សាសុខភាពប្រព័ន្ធរំលាយអាហារ និងកាត់បន្ថយហានិភ័យជំងឺមហារីកពោះវៀនធំ។
តាមការសិក្សាឆ្នាំ២០១៥បានរកឃើញថាមនុស្សដែលញ៉ាំអាហារមានជាតិសរសៃច្រើនមានភាគរយតិចក្នុងការកើតជំងឺមហារីកពោះវៀនធំជាងអ្នកញ៉ាំអាហារជាតិសរសៃតិច។ ក្នុងផ្កាខាត់ណាខៀវ ៧៦ក្រាមផ្តល់ជាតិសរសៃពី ៥,៤–៧,១% នៃកម្រិតត្រូវការប្រចាំថ្ងៃ។
ការរលាក
នៅពេលប្រព័ន្ធភាពស៊ាំរងការវាយប្រហារ ការរលាកនឹងកើតឡើង។ ការរលាកអាចជាសញ្ញានៃការឆ្លងជំងឺ ប៉ុន្តែក៏អាចកើតមានប្រសិនជាអ្នកមានជំងឺរលាកសន្លាក់ ជំងឺទឹកនោមផ្អែមប្រភេទ១ និងបណ្ដុំរោគសញ្ញាមេតាបូលីស។ តាមការសិក្សាបានបង្ហាញថាផ្កាខាត់ណាខៀវមានសារធាតុប្រឆាំងការរលាកដែលមានឈ្មោះថា Sulforaphane។
ជំងឺទឹកនោមផ្អែម
ការស្រាវជ្រាវឆ្នាំ២០១៧បានលើកឡើងថា ការញ៉ាំផ្កាខាត់ណាខៀវអាចជួយអ្នកជំងឺទឹកនោមផ្អែមប្រភេទ២ដោយគ្រប់គ្រងកម្រិតជាតិស្ករក្នុងឈាម។ នោះក៏មកពីសារធាតុ sulforaphane។
បន្ថែមពីនេះទៀត ការសិក្សាឆ្នាំ២០១៨បានរកឃើញថាអ្នកញ៉ាំអាហារមានជាតិសរសៃខ្ពស់មិនងាយប្រឈមនឹងជំងឺទឹកនោមផ្អែមប្រភេទ២នោះទេ បើធៀបទៅនឹងអ្នកញ៉ាំអាហារជាតិសរសៃតិច។ ជាតិសរសៃអាចជួយកាត់បន្ថយកម្រិតជាតិស្ករក្នុងឈាមចំពោះអ្នកមានជំងឺទឹកនោមផ្អែម។
អត្ថបទពាក់ព័ន្ធ៖
សុខភាពបេះដូង
ជាតិសរសៃ ប៉ូតាស្យូម និងសារធាតុប្រឆាំងអុកស៊ីតកម្មនៅក្នុងផ្កាខាត់ណាខៀវអាចជួយបង្ការជំងឺបេះដូង។ ការសិក្សាឆ្នាំ២០១៨បានបង្ហាញថាស្ត្រីវ័យចំណាស់ដែលរបបអាហារសម្បូរទៅដោយប្រភេទបន្លែ cruciferous មានហានិភ័យទាបនឹងការស្ទះសរសៃឈាមបេះដូងដែលអាចបណ្ដាលឲ្យគាំងបេះដូង ឬជំងឺដាច់សរសៃខួរក្បាល។ បន្ថែមពីលើនេះ ជាតិសរសៃក៏ជួយកាត់បន្ថយជំងឺបេះដូង និងបញ្ចុះកម្រិតជាតិខ្លាញ់ក្នុងឈាមផងដែរ។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ទូច សុខា