មានអត្ថបទជាច្រើន “Hello គ្រូពេទ្យ” ធ្លាប់លើកឡើងពាក់ព័ន្ធបញ្ហាសុខភាពផ្លូវភេទ ពិសេសបញ្ហាប្រុសៗគ្នាយើងតែម្តង អារឿងអាអូនតូចអត់ព្រមខឹង។ បញ្ហាមួយនេះ អាចកើតឡើងដោយសារសុខភាព ក៏អាចដោយសារអាហារយើងញ៉ាំដែរ ហេតុនេះបើគ្នាយើងឧស្សាហ៍មានបញ្ហាលិង្គមិនឡើងរឹង អាចសាកល្បងអាហារសាមញ្ញទាំងនេះ មិនត្រឹមជួយឲ្យសុខភាពល្អទេ អាអូនតូចក៏ខ្លាំងដែរ។
១- កាហ្វេ
មានការសិក្សាជាច្រើន អះអាងទាំងគុណសម្បត្តិ និងគុណវិបត្តិរបស់កាហ្វេ ប៉ុន្តែបើនិយាយរឿងគុណសម្បត្តិ ក្រៅពីជួយផ្នែកបញ្ហាស្មារតី កាហ្វេក៏ជាថ្នាំដ៏សក្តិសិទ្ធ អាចជួយដោះស្រាយបញ្ហាលិង្គមិនឡើងរឹងបានដូចគ្នា។
កាហ្វេ Java មួយពែង អាចជួយជំរុញដំណើរការមេតាបូលីសក្នុងរាងកាយ បង្កើនលំហូរឈាម អាចដុតជាតិខ្លាញ់ក្នុងរាងកាយ បង្កើតជាថាមពល អាចជួយឲ្យយើងមានកម្លាំងពេញមួយយប់ ក៏ជាចំណុចមួយអាចឲ្យអាអូនតូចខ្លាំងពេញមួយយប់ដូចគ្នា។
កម្មវិធីពិនិត្យបញ្ហាឆាប់ចេញទឹកកាមអនឡាញ
២- អយស្ទ័រ
ពិតណាស់ អ្នកណាក៏និយាយដែរ អាហារសមុទ្រប្រភេទនេះអាចជួយជីវិតផ្លូវភេទខ្លាំងក្លាបាន ព្រោះអយស្ទ័រមានផ្ទុកជាតិស័ង្កសី និងវីតាមីន B6 យ៉ាងច្រើន ដោយសារធាតុទាំងនេះ សុទ្ធតែមានមុខងារមួយបង្កើតកម្រិតអ័រម៉ូនតេស្តូស្តេរ៉ូន ហើយបើប្រុសៗគ្នាយើងមិនសម្បូរអ័រម៉ូននេះ ច្បាស់ជាអាអូនតូចដេករហូតហើយ។
៣- ម្ទេស
ជាតហឹរ គឺជាកម្លាំងថាមពលដ៏អស្ចារ្យជួយជំរុញតណ្ហាឲ្យពុះកញ្ជ្រោល។ ក្រោយយើងញ៉ាំអាហារហឹររួច ច្បាស់ជាមានហៀរសំបោរ ដោយសារសរសៃឈាមរីកធំ ហើយក៏មិនមែនតែសរសៃឈាមលើមុខយើងរីកធំនោះដែរ សរសៃឈាមដែលផ្ទុកនៅក្នុងលិង្គ ក៏រីកធំដូចគ្នា អាចធ្វើឲ្យឈាមហូរទៅបំពេញចន្លោះប្រហោងសរសៃឈាមទាំងនោះភ្លាមៗ នាំឲ្យអាអូនតូចយើង ងើបឡើងដោយមិនបាច់ដាស់វាក៏មាន។ លើសពីនេះ ម្ទេសក៏ជួយឲ្យដំណើរការបេះដូងល្អខ្លាំង ជាហេតុប្រតិបត្តិមការលើគ្រែរបស់យើងកាន់តែអស្ចារ្យ មិនមានអ្វីមករំខាននោះឡើយ។
៤- ចេក
ក្នុងពពួលអាហារសាមញ្ញ ចេកក៏ត្រូវចាត់ទុកជាអាហារល្អបំផុតសម្រាប់សុខភាពរាងកាយទាំងមូល បេះដូងសុខភាពល្អ របត់ឈាមរត់បានស្រួល នាំលិង្គឆាប់ឡើងរឹងបាន។ អ្វីៗទាំងអស់នេះ គឺដោយសារជាតិប៉ូតាស្យូមដែលសម្បូរនៅក្នុងផ្លែចេក ដែលអាចជួយគ្រប់គ្រងកម្រិតសូដ្យូមក្នុងរាងកាយបានល្អ បញ្ឈប់បញ្ហាឡើងសម្ពាធឈាម អាចកាត់បន្ថយបញ្ហាបេះដូងទៀតផង។បើប្រុសៗគ្នាយើងមិនចូលចិត្តចេក អាចទាញយកជាតិប៉ូតាស្យូមពីទឹកក្រូចស្រស់ ក៏បាន។
៥- ត្រីសាល់ម៉ុន
អាស៊ីដខ្លាញ់អូមេហ្គា ៣ ដែលសម្បូរក្នុងត្រីប្រភេទនេះ នឹងជួយឲ្យកោសិកាឈាមមិនស្អិត នាំឲ្យលំហូរឈាមរត់បានល្អ ដែលជាគុណសម្បត្តិមួយអាចជួយដោះស្រាយបញ្ហាលិង្គមិនឡើងរឹងបាន។ ញ៉ាំសាច់ត្រី ដូចជាត្រីសាល់ម៉ុន ត្រីធូណា នឹងជួយសរសៃឈាមវែនមានសុខភាពល្អ គ្មានកំណកខ្លាញ់ស្អិតជាប់សរសៃឈាមឡើយ។
អត្ថបទពាក់ព័ន្ធ៖
- ការសិក្សាអាមេរិក រកឃើញថា ផឹកកាហ្វេ លើស ៣កែវ បណ្ដាលឲ្យឈឺក្បាលប្រកាំង
- អាហារប៉ុន្មានមុខនេះ ជួយប្រឆាំងបញ្ហាឈឺក្បាលប្រកាំង ហើយមិនពិបាករកទេ
- មូលហេតុ និងតិចនិក ជួយជីវិតផ្លូវភេទស្រីៗត្រលប់មកវិញ
- វិធីព្យាបាល “លិង្គមិនឡើងរឹង” ដែលជាសុបិន្តអាក្រក់បំផុតក្នុងជីវិតប្រុសៗ
- ប្រុសៗ មានបញ្ហាអាអូនតូចមិនឡើងរឹង អាចឆាប់ស្លាប់
៦- ខ្ទឹមបារាំង
អ្វីគួរឲ្យភ្ញាក់ផ្អើលនោះ ខ្ទឹមបារាំង ក៏ត្រូវចាត់ទុកជាអាហារអាចជួយឲ្យលិង្គឡើងរឹងល្អដូចគ្នា។ ជាតិ Phytochemical Allicin ក្នុងខ្ទឹមបារាំង និងស្លឹកខ្ទឹម នឹងជួយឲ្យចរន្តឈាមរត់បានល្អ កាត់បន្ថយបញ្ហាស្ទះសរសៃឈាមបានច្រើន។ ប៉ុន្តែដោយសារខ្ទឹមបារាំងមានក្លិនមិនល្អ អាចប៉ះពាល់សកម្មភាពលើគ្រែយើងបាន យើងគួរទំពារជីរអង្កាមក្រោយញ៉ាំខ្ទឹមបារាំងរួច ដើម្បីទទួលបានក្លិនមាត់ប្រហើរ សកម្មភាពលើគ្រែ ក៏កាន់តែស្និទ្ធស្នាលខ្លាំងទៅតាមនឹងដូចគ្នា។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ទូច សុខា
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម