គូស្នេហ៍គ្រប់រូប អាចនឹងមានអារម្មណ៍អស់សង្ឃឹម និងស្ត្រេសនៅពេលដែលដឹងថាមានបញ្ហាពិបាកមានកូន ឬអត់អាចមានកូនបានដូចគេដូចឯង។ សំណួរដែលសួរថា “ហេតុអីរឿងនេះកើតចំពោះពួកខ្ញុំ?” គឺជាប្រតិកម្មពីធម្មជាតិមួយកើតឡើងច្រើនបំផុតចំពោះអ្នកស្ថិតក្នុងស្ថានភាពបែបនេះ។ តែទោះជាយ៉ាងនេះក្ដី វាមិនមែនជាទីបញ្ចប់នៃជីវិតរបស់យើងនោះទេ។ យើងត្រូវតែអត់ធ្មត់ និងស្វែងរកជំនួយផ្នែកវេជ្ជសាស្ត្រផ្សេងៗដើម្បីស្វែងរកដំណោះស្រាយចំពោះបញ្ហាអត់មានកូននេះ។