មកទល់ពេលនេះមិនទាន់មានវ៉ាក់សាំងការពារជំងឺមហារីកសុដន់នៅឡើយទេ មានតែរកឲ្យឃើញមហារីកសុដន់នៅដំណាក់កាលដំបូងៗ ទើបអាចព្យាបាលបានទាន់ពេល។ នេះជាលើកឡើងរបស់លោកសាស្ត្រាចារ្យវេជ្ជបណ្ឌិត អ៊ាវ សុខា ឯកទេសជំងឺមហារីក និងឈាម។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មកទល់ពេលនេះមិនទាន់មានវ៉ាក់សាំងការពារជំងឺមហារីកសុដន់នៅឡើយទេ មានតែរកឲ្យឃើញមហារីកសុដន់នៅដំណាក់កាលដំបូងៗ ទើបអាចព្យាបាលបានទាន់ពេល។ នេះជាលើកឡើងរបស់លោកសាស្ត្រាចារ្យវេជ្ជបណ្ឌិត អ៊ាវ សុខា ឯកទេសជំងឺមហារីក និងឈាម។
វិធីរកមើលមហារីកសុដន់នៅដំណាក់កាលដំបូងៗ មានដូចជា ការពិនិត្យសុដន់ដោយខ្លួនឯង អេកូសុដន់ ថតសុដន់ជាដើម ហើយខាងក្រោមនេះជារោគសញ្ញាជំងឺមហារីកសុដន់ ដែលស្ត្រីចាំបាច់ត្រូវតាមដាន និងសង្កេតមើល។
សញ្ញាដំបូងនៃជំងឺមហារីកសុដន់នោះ ចុងសុដន់ចាប់ផ្តើមប្រែប្រួល អាចចុងសុដន់លឹបចូលក្នុង ឬជ្រីវជ្រួញ ដូចសំបកក្រូចសើច។
កម្មវិធីពិនិត្យជំងឺបម្រុងទឹកនោមផ្អែមអនឡាញ
កម្មវិធីពិនិត្យបញ្ហាលិង្គមិនឡើងរឹងអនឡាញ
ស្រីៗមួយចំនួន ចាប់ផ្តើមមានអារម្មណ៍ថាមានដុំនៅទ្រូងមុនឈានដល់ដំណាក់កាលធ្ងន់ធ្ងរ។ តែជួនកាល អាចមាននៅជំុវិញតំបន់ក្លៀក ឯគ្នាយើងខ្លះទៀតមានអារម្មណ៍ថា ហើមទាំងនៅជុំវិញសុដន់ និងក្លៀក។ បើរកឃើញដុំមិនប្រក្រតី ត្រូវប្រញាប់ទៅជួបគ្រូពេទ្យជំនាញជាបន្ទាន់ ដុំពកខ្លះ អាចមិនមែនជាមហារីក ប៉ុន្ដែស្រីៗគួរទៅពិនិត្យឲ្យបានច្បាស់។
ស្បែកសុដន់ប្រែប្រួល មកពីមហារីកសុដន់ កើតឡើងដោយសារការរលាក ឬដោយសារសរសៃទឹករងៃស្ទះកោសិកាមហារីក នាំឲ្យមានការឡើងក្រហម ហើម និងខូងស្បែក។
ស្បែកសុដន់ឡើងប្រេះស្រកា ឬរបកស្បែកសុដន់ ឬស្បែកចុងសុដន់ ពេលខ្លះឡើងពណ៌ក្រហមដូចផ្លែក្រូច និងមានចេញស្នាមអុជតូចៗ។
បើមានឈឺក្នុងក្លៀក ឬសុដន់ មិនមែនបណ្ដាលពីការមកវដ្តរដូវទេ នោះគឺជាសញ្ញានៃជំងឺមហារីកសុដន់ហើយ ត្រូវប្រញាប់ទៅជួបគ្រូពេទ្យដើម្បីធ្វើរោគវិនិច្ច័យ។
អាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕