តិចអត់ដឹង! ចង់អត់មានស្នាមមុន ត្រូវស្គាល់អាហារល្អៗទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
តិចថា “Hello គ្រូពេទ្យ” អត់បានដាស់តឿន! គ្នាយើង ជាពិសេសស្រីៗ មានបញ្ហាឡើងមុន។ មុន អាចបន្សល់ស្លាកស្នាមលើស្បែក ពេលកំពុងព្យាបាល បើយើងអត់ដឹងប្រភេទអាហារគួរញ៉ាំ។ ប្រភេទអាហារពិសេស ៥ យ៉ាងនេះ អាចជួយឲ្យកោសិកាស្បែកមុខលូតលាស់បានល្អ និងការពារស្នាមមុនបាន។
១- វីតាមីនC
វីតាមីន C ជាសារធាតុប្រឆាំងអុកស៊ីតកម្ម អាចជួយរក្សាស្បែកល្អសម្រាប់ជាលិកា និងសាច់ដុំ ជួយសះរបួសលើស្បែក និងជាលិកាខូចខាតដោយសារមុន។ លើសពីនេះ វីតាមីន C អាចការពារឆ្លងមេរោគនាំឲ្យផ្លែសាច់ ជួយផលិតខូលេជេន ដែលជាសារធាតុចាំបាច់សម្រាប់សុខភាពស្បែក។
វីតាមីន C មានក្នុងអាហារច្រើនប្រភេទ៖
– ផ្លែឈើជូរៗ៖ ក្រូចខ្វិច ក្រូចឆ្មារ ក្រូចពោធិ៍សាត់ និងទំពាំងបាយជូរ ញ៉ាំទាំងមូល ប្រសើរជាងផឹកទឹក
– ផ្លែប៊ើររី៖ ស្រ្តប៊ើររី ក្រេនប៊ើររី រ៉ាសប៊ើររី ប្លូប៊ើររី និង ប៊ើររីខ្មៅ
– ឪឡឹក ស្វាយ និងម្នាស់
– បន្លែសម្បូរវីតាមីន C មាន ម្ទេសហាវៃ ផ្កាខាត់ណាខៀវ ប៉េងប៉ោះ។
២- វីតាមីនA
វីតាមីន A ជួយដល់ស្បែក បង្កើនខូលេជែនក្នុងរាងកាយ និងសុខភាពស្បែកផងដែរ។ វាជួយទ្រទ្រង់ប្រព័ន្ធភាពស៊ាំ សម្រួលឲ្យងាយសះរបួស ឬដាច់រលាត់ដែលជាហេតុបង្កឲ្យមានស្នាម។ វីតាមីន A មានក្នុងអាហារមួយចំនួន៖
– បន្លែបៃតង៖ ខាត់ណា កូនស្ពៃ និងស្ពៃខ្មៅ
– បន្លែពណ៌ក្រហម លឿង ទឹកក្រូច៖ ការ៉ុត ប៉េងប៉ោះ និងម្ទេសហាវ៉ៃក្រហម។ បើញ៉ាំវីតាមីន A ច្រើនពេកក្នុងមួយថ្ងៃ ក៏មិនល្អសម្រាប់សុខភាពដែរ។
៣-រ៉ែស័ង្កសី
បើរាងកាយគ្នាយើងមានជាតិស័ង្កសីគ្រប់គ្រាន់ អាចជួយប្រឆាំងបាក់តេរីបង្កលើស្បែក និងជួយកុំឲ្យក្រហាយពេលឡើងមុន។ ជាតិស័ង្កសី សម្បូរក្នុងមាន់ទួរគី គ្រាប់អាល់ម៉ុន ស្រូវសាលី បន្លែ ត្រី សាច់។
៤-ទឹក
រាងកាយត្រូវការទឹកច្រើនដើម្បីទ្រទ្រង់ ពិសេសសម្រាប់សុខភាពស្បែក។ បើមានទឹកគ្រប់គ្រាន់ធ្វើឲ្យស្បែកក្មេងជាងវ័យ និងគ្មានបញ្ហាស្បែក ជួយឲ្យរបួសឆាប់ជា និងបណ្តុះកោសិកាថ្មី ហើយមិនអាចធ្វើឲ្យមានស្នាមដោយសារមុនដូចគ្នា។ ត្រូវផឹកទឹកជាប្រចាំពេញមួយថ្ងៃ កុំចាំតែពេលស្រេក ព្រោះអាចធ្វើឲ្យយើងផឹកច្រើនជ្រុល ហើយពេលផឹកច្រើនភ្លាមៗ តម្រងនោមនឹងច្រោះទឹកលឿននាំឲ្យយើងអាចនឹងខ្វះជាតិទឹក។
៥- អូមេហ្គា៣
អាចជួយកាត់បន្ថយការរលាក បញ្ហាមុនឆាប់សះ រក្សាសំណើមស្បែក។ ពពួកត្រី គឺសម្បូរអាស៊ីដអូមេហ្គា ៣ ប៉ុន្តែត្រីសម្បូរជាងគេ មាន ត្រីសាម៉ុន ត្រីស្បៃកា ត្រីធូណា និងត្រីសាឌីន ហើយវាក៏មានក្នុងគ្រាប់សណ្តែក គ្រាប់ធញ្ញជាតិ និងគ្រាប់ផ្កាឈូករ័ត្នដែរ។
អត្ថបទគួរអាន៖
- ស្រីៗយើង នេះជារបៀបធ្វើក្រែមលាបមាត់ងាយៗតាមបែប
- វិធីខាត់ស្បែកត្រឹមត្រូវ ការពារកុំឲ្យខូចស្បែកមិនដឹងខ្លួន
- វិធីសាស្រ្តធម្មជាតិធ្វើស្រ្កាប់ខាត់ស្បែកមុខ គួរសាកល្បង
- ចែកគ្នាដឹង! វិធីកម្ចាត់មុនក្បាលខ្មៅលើច្រមុះតាមបែបធម្មជាតិ
- ប្រែបបូរមាត់ពីខ្មៅស្រអាប់ទៅជាទន់ល្មើយផ្កាឈូក ដោយរូបមន្ត ៨ យ៉ាងនេះ
- តិចនិកកម្ចាត់ខ្លាញ់កកក្រោមស្បែកភ្លៅ ស្រីៗយើងចែកគ្នាដឹង
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម