វិធីសាស្ត្រនិយាយជាមួយកូនៗ ក្នុងនាមជាប៉ាម៉ាក់ល្អ ត្រូវតែស្មោះត្រង់ ព្រោះគ្រប់យ៉ាងកូនៗទទួលពីយើង នឹងក្លាយជាបទពិសោធន៍សម្រាប់ជីវិតទៅថ្ងៃមុខ។ អ៊ីចឹងហើយ ម៉ាក់ប៉ាត្រូវពន្យល់ និងប្រាកដថាមីអូនអាចយល់។ ហាមលាក់ព័ត៌មាន ទោះបីជាពាក្យមហារីក អាចធ្វើឲ្យមីអូនព្រួយបារម្ភក៏ដោយ បើយើងគិតថាមីអូនអាចយល់ច្បាស់ គួរតែប្រាប់ពីកោសិកាមិនប្រក្រតីទាំងនោះ ដែលធម្មតាលូតលាស់លឿន ជាងកោសិកាប្រក្រតីក្នុងខ្លួនយើង។ ព័ត៌មានកាន់តែត្រឹមត្រូវធ្វើឲ្យការភ័ន្តច្រលំកាន់តែតិច។
៣- រើសពេលល្អ
កត្តាសំខាន់បំផុត គឺការជ្រើសយកពេលវេលា និងទីកន្លែងត្រឹមត្រូវ ដើម្បីនិយាយជាមួយមីអូន។ ម៉ាក់ប៉ា ត្រូវជ្រើសយកពេលណាមួយដែលមីអូនចង់ស្តាប់ និងមានអារម្មណ៍រីករាយ។
រៀបចំបរិយាកាសល្អមួយ អាចការពារមីអូន ចៀសផុតពីការភ័យខ្លាច និងទុក្ខព្រួយ ពិសេសបើកូនៗយើងបង្ហាញទឹកមុខមិនសប្បាយចិត្ត ឬខកចិត្ត ម៉ាក់ប៉ាត្រូវយល់ និងស្តាប់ហេតុផលនាំឲ្យមីអូនព្រួយបារម្ភ។