ចំណេះដឹងមូលដ្ឋាន
១- អ្វីជាការឆ្លុះមើលស្បូន?
Hysteroscopy (ការឆ្លុះស្បូន)
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ឆ្លុះមើលស្បូន គឺសំដៅការប្រើប្រាស់ឧបករណ៍ជំនួយ (ពិលបំពាក់កាមេរ៉ា Endoscope) ដើម្បីឆ្លុះមើលរូបរាងខាងក្នុងតួស្បូន។ ធម្មតាអំឡុងពេលឆ្លុះ គ្រូពេទ្យនឹងច្រឹបសាច់ជាលិកាស្រទាប់ខាងក្នុងស្បូន យកទៅពនិត្យមើលក្រោមមីក្រូទស្សន៍។ លើសពីនេះការឆ្លុះមើលស្បូន អាចជួយគ្រូពេទ្យដឹងពីមូលហេតុហូរឈាមក្នុងស្បូន វដ្ដរដូវមានឈាមច្រើន និងករណីហូរឈាមក្រោយអស់រដូវ ជាពិសេសឲ្យគ្រូពេទ្យអាចរកឃើញជំងឺដុំសាច់ក្នុងស្បូន ដុំខ្លាញ់ មហារីកស្រទាប់ក្នុងស្បូន ឬភាពមិនប្រក្រតីផ្សេងទៀត។ ឆ្លុះមើលស្បូន មានសុវត្ថិភាព ទទួលបានផលល្អ ដឹងពីបញ្ហាផ្សេងៗ អាចកើតមានក្នុងស្បូន ដើម្បីធ្វើការព្យាបាលទាន់ពេលវេលា។
ហេតុអ្វីត្រូវឆ្លុះមើលស្បូន?
ឆ្លុះមើលស្បូនធ្វើឡើងក្នុងគោលបំណងមួយចំនួនដូចជា៖
– រកមូលហេតុហូរឈាមមិនទៀងទាត់តាមទ្វារមាស គ្រូពេទ្យនឹងបញ្ចូលឧបករណ៍ដុតតាមទ្វារមាសដើម្បីបញ្ឃប់ការហូរឈាម។
– ពិនិត្យលើរូបរាង ទំហំស្បូន មានស្នាមនៅតាមជាលិការស្បូន ដើម្បីរកពីមូលហេតុករណីអត់កូន។
– ពិនិត្យលើមាត់ស្បូន ដល់ដៃស្បូន តើមានស្ទះ ឬអត់? បើស្ទះគ្រូពេទ្យនឹងសំអាតដោយប្រើឧបករណ៍ពិសេសភ្ជាប់ជាមួយឧបករណ៍ឆ្លុះ។
កត្តាប្រឈម
៣- កត្តាប្រឈមមានអ្វីខ្លះ?
ផលវិបាកក្រោយឆ្លុះមើលស្បូនមានដូចជា៖
– ប្រតិកម្មជាមួយថ្នាំសណ្ដំ
– ហូរឈាមច្រើន ឬមានបញ្ហាកំណកឈាម (Thrombosis)
គប្បីយល់ច្បាស់កត្តាប្រឈម និងផលវិបាកទាំងអស់ មុនពេលធ្វើការឆ្លុះ ឬអាចពិគ្រោះយោបល់បន្ថែមជាមួយគ្រូពេទ្យក្នុងករណីមានមន្ទីលសង្ស័យ។
ស្វែងយល់មុនឆ្លុះស្បូន
៤- គួរត្រៀមអ្វីខ្លះមុនពេលឆ្លុះ?
ពិគ្រោះយោបល់ជាមួយគ្រូពេទ្យពាក់ព័ន្ធថ្នាំកំពុងប្រើ ថាតើអ្នកមានអាលែកហ្ស៊ីអ្វីខ្លះ? ឬកំពុងមានជំងឺណាមួយដែរទេ? ពិសេសត្រូវដឹងលក្ខខណ្ឌញ៉ាំអាហារ និងផឹកទឹកមុនពេលឆ្លុះ ព្រោះជាទូទៅយើងត្រូវតមអាហារយ៉ាងហោច ៦ ម៉ោងមុនពេលវះកាត់ តែអាចផឹកទឹក ២-៣ ម៉ោងមុន។
ត្រូវប្រាប់គ្រូពេទ្យជាបន្ទាន់ក្នុងករណីដូចខាងក្រោម៖
– កំពុងមានផ្ទៃពោះ
– បញ្ហាជំងឺឈាមក្រកក ឬកំពុងលេបថ្នាំប្រឆាំងឈាមកុំឲ្យកកដូចជា Aspirin ឬ Warfarin ។
– ទើបព្យាបាលជាករណីឆ្លងរោគនៅនឹងស្បូន ឬទ្វារមាស រយៈពេល ៦ ខែចុងក្រោយ។
– មានជំងឺបេះដូង ឬសួតជាដើម។
មិនគួរធ្វើការឆ្លុះស្បូនពេលមិនទាន់មករដូវ និងកុំសម្អាត ដោយប្រើដុំសំឡី ឬថ្នាំសុលក្នុងទា្វរមាសរយៈពេល ២៤ ម៉ោងមុនពេលឆ្លុះ។ គ្រូពេទ្យអាចសុំប្រើថ្នាំងុយគេងខ្លះៗ ពេលធ្វើការឆ្លុះ ឬចាក់ថ្នាំសន្លប់តែម្ដង ដោយផ្អែកលើការសម្រេចចិត្តយើងផ្ទាល់។
៥- មានអ្វីកើតឡើងពេលកំពុងធ្លុះ?
គ្រូពេទ្យនឹងចាក់ថ្នាំសន្លប់ ឬថ្នាំស្ពឹក ពេលខ្លះអាចមិនប្រើ ករណីការឆ្លុះចំណាយពេលត្រឹម ១០ នាទី។ គ្រូពេទ្យរោគស្រ្ដី នឹងបញ្ចូលឧបករណ៍ឆ្លុះតាមទ្វារមាស ចូលទៅមាត់ស្បូនសន្សឹមៗ បន្ទាប់មកបំប៉ោងខ្យល់ដោយប្រើឧស្ម័នកាបូនិក (CO2) ឬទឹក ជួយឲ្យការមើលស្បូនឲ្យកាន់តែច្បាស់។ គ្រូពេទ្យអាចបន្ថែមឧបករណ៍ ច្រឹបយកសាច់ ឬកាត់យកដុំសាច់ដុះ (Polyps) និងដុំសាច់តូចៗ ( Uterine Fibroids) យកមកពិនិត្យក្រោមមីក្រូទស្សន៍។ ហេតុនេះ គប្បីពិគ្រោះយោបល់បន្ថែមជាមួយគ្រូពេទ្យករណីមានមន្ទិលសង្ស័យ។
វិធីថែទាំ
៦- គួរធ្វើអ្វីខ្លះក្រោយឆ្លុះស្បូន?
បើសិនមានបញ្ហាមិនប្រក្រតីក្នុងស្បូន គ្រូពេទ្យនឹងប្រាប់ ដើម្បីធ្វើការតាមដានបន្ដទៀតនៅពេលណាត់ជួបបន្ទាប់។ ល្អបំផុត ត្រូវហាត់ប្រាណ និងធ្វើការជាធម្មតា ទោះមានអាការៈឈឺតិចតួចនៅខាងក្រោមពោះ និងអាចមានហូរឈាមតិចតួចផងដែរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម