ជាទូទៅ ស្ត្រីជាច្រើនតែងតែជួបប្រទះបញ្ហាមុន នៅអំឡុងត្រីមាសទី១ និងទី២នៃការពពោះ។ ជាក់ស្ដែង ការកើនឡើងអ័រម៉ូនAndrogens អាចបណ្ដាលឲ្យក្រពេញក្នុងស្បែករីកធំ ព្រមទាំងអាចផលិតជាតិខ្លាញ់ថែមទៀតផង។ ខ្លាញ់ទាំងនេះអាចធ្វើឲ្យស្ទះរន្ធញើស និងបង្កជាបាក់តេរី រលាក ក៏ដូចជាបញ្ហាមុន។ ចំពោះស្រីៗដែលងាយកើតមុន នៅអំឡុងពេលមករដូវ មានឱកាសកើតមុនអំឡុងពេលមានគភ៌ខ្ពស់។ ប៉ុន្តែ មុនដែលកើតមានអំឡុងពេលពពោះ និងក្រោយពេលសម្រាល នឹងបាត់ទៅវិញដោយខ្លួនឯង នៅពេលដែលអ័រម៉ូនរបស់យើងត្រលប់មករកសភាពធម្មតាវិញ។