ជំងឺលើសឈាមអំឡុងពពោះ គឺជារឿងគ្រោះថ្នាក់ខ្លាំងណាស់ ដែលអាចបណ្តាលឲ្យស្លាប់ទាំងម្តាយទាំងកូន ស្រីៗគ្នាយើងមិនត្រូវធ្វេសប្រហែសឡើយ។ តើមានកត្តាអ្វីខ្លះជំរុញឲ្យម៉ាក់ៗកើតជំងឺលើសឈាមអំឡុងមានផ្ទៃពោះ? ត្រូវបង្ការជំងឺនេះដោយរបៀបណា?
គ្រោះថ្នាក់បំផុត ស្រីៗប៉ុន្មានក្រុមនេះងាយនឹងកើតជំងឺលើសឈាមពេលពពោះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
នៅលើផេកផ្លូវការរបស់មន្ទីរពេទ្យកាល់ម៉ែតបកស្រាយថា ក្រៅពីស្រីៗមានបញ្ហាតម្រងនោមស្រាប់ នៅមានកត្តាជាច្រើនទៀតដែលជំរុញឲ្យម៉ាក់ៗកើតជំងឺលើសឈាមពេលកំពុងពពោះ។
១- កត្តាជំរុញឲ្យស្រីៗកើតជំងឺលើសឈាមពេលពពោះ
– មានផ្ទៃពោះនៅអាយុតិច ឬច្រើនពេក
– ធាត់ខ្លាំង
– ធ្លាប់មានជំងឺបម្រុងក្រឡាភ្លើងពីមុនមក
– ពពោះកូនភ្លោះ
– មានវិបត្តិតម្រងនោម
– មានជំងឺពាក់ព័ន្ធនឹងប្រព័ន្ធប្រឆាំងរាងកាយ
– មានជំងឺទឹកនោមផ្អែម។
អត្ថបទពាក់ព័ន្ធ៖ លម្អិតពីជំងឺក្រឡាភ្លើង កើតលើស្រីៗមានផ្ទៃពោះ គ្រោះថ្នាក់ទាំងម្តាយទាំងកូន
២- ផលប៉ះពាល់នៃការកើតជំងឺលើសឈាមអំឡុងពពោះ
ដូចដែលបានរៀបរាប់ខាងលើអត្ថបទអ៊ីចឹង បើម៉ាក់ៗកើតជំងឺលើសឈាមពេលពពោះនឹងមានផលប៉ះពាល់ធ្ងន់ធ្ងរទាំងម្តាយទាំងកូន ហើយបើម៉ាក់ៗស្ថិតក្នុងក្រុមលើសឈាមពេលពពោះ ឬក្រឡាភ្លើងទៀតនោះ អាចនឹងស្លាប់ទាំង២នាក់ម្តាយកូន។
ផលប៉ះពាល់ចំពោះម្តាយ៖
– ដាច់សរសៃឈាមខួរក្បាល
– កើតជំងឺហើមសួត
– មានបញ្ហាថ្លើម និងតម្រងនោមធ្ងន់ធ្ងរ
– ប្រកាច់ បែកគ្រាប់ឈាម ឈានដល់ស្លាប់។
ផលប៉ះពាល់ចំពោះកូន៖
– កើតមិនគ្រប់ខែ
– លូតលាស់យឺតជាងក្មេងធម្មតា
– មានជំងឺផ្លូវដង្ហើមស្រួចស្រាវ
– អាចគ្រោះថា្នក់ដល់ស្លាប់។
អត្ថបទពាក់ព័ន្ធ៖ កុំប្រហែស! លើសឈាមពេលពពោះ អាចស្លាប់ទាំងម្តាយទាំងកូន
៣- វិធីបង្ការការកើតជំងឺលើសឈាមអំឡុងពពោះ
ត្បិតការកើតជំងឺលើសឈាមពេលពពោះជាករណីធ្ងន់ធ្ងរ តែយើងអាចបង្ការបញ្ហានេះមិនឲ្យគ្រោះថ្នាក់ដល់ជីវិតបាន។ ចំពោះម៉ាក់ៗដែលធ្លាប់កើតមានជំងឺនេះម្តងរួចហើយត្រូវទៅតាមដានសុខភាពជាមួយគ្រូពេទ្យឲ្យបានញឹកញាប់ មិនត្រូវញ៉ាំប្រៃ ឬសាច់ច្រើនពេកនាំឲ្យលើសជាតិប្រូតេអ៊ីន គ្រប់គ្រងគីឡូខ្លួនឯងឲ្យបានមិនត្រូវឲ្យធាត់ខ្លាំងពេក វាស់សម្ពាធឈាមឲ្យបានទៀងទាត់ និងត្រូវពិនិត្យជាតិប្រៃក្នុងទឹកនោមជាប្រចាំ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម