លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ បានបញ្ជាក់ពីមូលហេតុដែលគ្រូពេទ្យហាមម៉ាក់ៗមិនឲ្យញ៉ាំថ្នាំខ្មែរថា ថ្នាំបុរាណខ្មែរដែលផ្សំពីដើម ស្លឹក មែក ឬឫសរុក្ខជាតិ យកទៅដាំទឹកផឹកនោះមិនត្រឹមតែមិនអាចជួយដល់សុខភាពស្រីៗពេលពពោះនោះទេ តែវានឹងបង្កផលប៉ះពាល់ដល់សុខភាពម្តាយ និងកូនក្នុងពោះថែមទៀត។
ចំពោះការលើកឡើងថា ផឹកថ្នាំបុរាណ ធ្វើឲ្យកូនកើតស្រួលនោះ លោកវេជ្ជបណ្ឌិតអះអាងថា មិនពិតនោះទេ កត្តាដែលជំរុញឲ្យស្រីៗកើតកូនស្រួល គឺម៉ាក់ៗមានអាងត្រគាកធំល្អ កូនមិនថ្លោសពេក សុខភាពម្តាយល្អ ភាពរហ័សរហួនពេលពពោះ រាងកាយមាំមួន មិនមានជំងឺប្រចាំកាយអ្វីមកពាក់ព័ន្ធ។