ទោះជាពេលមានផ្ទៃពោះយើងមានអាការៈឃ្លានខុសពីធម្មតាមែនពិត និងត្រូវញ៉ាំអាហារបំប៉នក៏ដោយ តែបើញ៉ាំមិនគិតរហូតដល់ខ្លួនឯងធាត់ហួសកម្រិតមិនល្អចំពោះសុខភាពឡើយ។ អំឡុងត្រីមាសទី១ និងទី២ អាចមិនសូវជាបញ្ហា ព្រោះពេលនេះម៉ាក់ៗខ្លះមានអាការៈចាញ់ ក្អួត ឬញ៉ាំមិនសូវចូល តែបើចូលដល់ត្រីមាសទី៣ បើយើងធាត់ខ្លាំង នោះអាចជួបប្រទះបញ្ហាច្រើន។ នេះបើតាមការឲ្យដឹងពីលោកជំទាវវេជ្ជបណ្ឌិត គ្រុយ លាងស៊ីម ទីប្រឹក្សាផ្នែកសម្ភព នៃមន្ទីរពេទ្យកាល់ម៉ែត។