មានផ្ទៃពោះថ្មីថ្មោងម៉ាក់ៗពិតជារំភើបខ្លាំងណាស់ ទន្ទឹមនឹងភាពរីករាយក៏នៅមានកូនចិត្តភ័យព្រួយបារម្ភ នៅលាយឡំជាមួយគ្នាដែរ។ ដូចនេះហើយបានជាអ្នកគ្រូពេទ្យឆ្មប សុំ សូរិយា បម្រើការនៅមន្ទីរពេទ្យបង្អែកស្រុកខ្សាច់កណ្ដាល បានណែនាំរឿង ៤ យ៉ាង ម៉ាក់ៗមានកូនដំបូងត្រូវដឹង និងប្រុងប្រយ័ត្នឲ្យបានខ្ពស់។
ម៉ាក់ៗមានផ្ទៃពោះថ្មីថ្មោង គួរដឹង ៤ ចំណុចនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- ពិនិត្យទឹកនោមឃើញមានគំនូសក្រហមពីរឆ្នូត តែទៅពិនិត្យអេកូបែរជាមិនទាន់ឃើញ។ មូលហេតុនេះមកពីកូនមិនទាន់ធ្លាក់ចូលទៅក្នុងស្បូន ព្រោះមកពីទើបបាត់រដូវថ្មីថ្មោង ដែលគភ៌ទើបតែបានប៉ុន្មានសប្ដាហ៍ប៉ុណ្ណា។ ដូចនេះហើយគួរតែទៅពិនិត្យនៅសប្ដាហ៍ក្រោយៗ ដើម្បីចង់ដឹងថាកូនមិននៅក្រៅស្បូន។
២- គួរតែបញ្ឈប់ការពាក់ស្បែកជើងកែងខ្ពស់ៗ ក៏ព្រោះតែស្ត្រីមានផ្ទៃពោះអាចងងឹតមុខ ដូចនេះបើពាក់ស្បែកជើងខ្ពស់អាចអាចក្រឡាច់ដួល នាំឲ្យមានបញ្ហាចំពោះកូនក្នុងផ្ទៃដូចជាធ្លាក់ឈាម ឬរលូត។ ដើម្បីចៀសវាងបញ្ហាបែបនេះ គួរពាក់ស្បែកជើងរាបស្មើវិញ ទើបមានសុវត្ថិភាពចំពោះខ្លួនឯង និងកូន ហើយក៏គួរចៀសវាងយួរ លើករបស់ធ្ងន់ៗ ឬឡើងឈោងចាប់វត្ថុអ្វីមួយ ព្រោះតែធ្វើឲ្យកូននៅក្នុងផ្ទៃ ប្រឈមនឹងហានិភ័យផ្សេងៗ។
៣- ការរួមភេទ មិនប៉ះពាល់ដល់កូនក្នុងផ្ទៃឡើយ ម៉ាក់ៗមិនចាំបាច់បារម្ភទេ ព្រោះមិនអាចធ្វើឲ្យរលូតកូនឡើយ តែប្រសិនបើមានការធ្លាក់ឈាម ឬមិនស្រួលក្នុងខ្លួនចំណុចណាមួយ គួរតែប្រាប់ដៃគូ។
៤- ទើបតែមានកូន ១ សប្ដាហ៍ដំបូងគួរតែផ្អាកញ៉ាំហឹរ ឬភេសជ្ជៈមានជាតិហ្គាស នាំឲ្យប្រព័ន្ធរំលាយអាហារពិបាកធ្វើការ ដែលធ្វើឲ្យពិបាកគេង នាំឲ្យអារម្មណ៍មួម៉ៅ។
អត្ថបទពាក់ព័ន្ធ៖
- ជំនឿបុរាណមិនមែនខុសទាំងអស់ទេ ៤យ៉ាងនេះពេទ្យថាមានន័យចំពោះស្ត្រីមានផ្ទៃពោះ
- ពេលម៉ាក់ៗពពោះ ហើយទទួលរងសម្ពាធទាំងនេះមិនល្អចំពោះកូន និងខ្លួនឯង
- លម្អិតរឿងអេកូផ្ទៃពោះតាមត្រីមាសនីមួយៗ ម៉ាក់ៗកាន់តែមានទំនុកចិត្ត
- ជាស្វាមី និងប៉ាៗល្អគួរតែធ្វើរឿងទាំងនេះពេលម៉ាក់ៗពពោះ និងសម្រាល
- ទារកមានបញ្ហាបេះដូងពីកំណើត អាចមើលដឹងតាមរយៈអេកូអត់?
- ទារកក្នុងផ្ទៃលូតលាស់បានល្អ អាស្រ័យលើកត្តាសំខាន់២នេះ
- ពេលពពោះម៉ាក់ៗញ៉ាំហឹរ កូនកើតមកឈឺភ្នែក ពិតអត់?
- ពិនិត្យអេកូពេលពពោះ មានប្រយោជន៍ច្រើនណាស់
- ពេលពពោះ ម៉ាក់ៗគួរលាប ឬអ៊ុតសក់អត់?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម