កន្លងមកធ្លាប់មានសំណួរថាតើក្រោយរួមភេទភ្លាមៗ បើស្រីៗយើងទៅបត់ជើងតូច អាចកាត់បន្ថយឱកាសមានផ្ទៃពោះឬយ៉ាងណា? ជាការពិត ទោះបីជាស្រីៗយើងទៅបត់ជើងតូចភ្លាមៗក្រោយពីភាគីខាងប្រុសបញ្ចេញទឹកកាម ក៏មិនអាចមានឥទ្ធិពលអ្វីលើឱកាសមានផ្ទៃពោះដែរ។
ស្រីៗរួមភេទហើយទៅនោមភ្លាម កាត់បន្ថយឱកាសមានផ្ទៃពោះ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ក្នុងអំឡុងពេលរួមភេទ ទឹកកាមនឹងបាញ់ចូលទៅតាមរន្ធទ្វារមាសទៅដល់មាត់ស្បូន។ ចំណែកការបត់ជើងតូច ទឹកនោមចេញតាមបង្ហួរនោម ដែលរន្ធទ្វារមាស និងបង្ហួរនោមគឺជាផ្នែកពីរដាច់ពីគ្នា។ អាចនិយាយម្យ៉ាងទៀតបានថា ពេលស្រីៗយើងទៅបត់ជើងតូច ទឹកនោមចេញតាមបង្ហួរនោម មិនអាចជម្រះទឹកកាម ឬមេជីវិតឈ្មោលដែលចូលទៅតាមរន្ធទ្វារមាសទៅដល់មាត់ស្បូនបាននោះទេ។
បើសិនជាមេជីវិតឈ្មោលបានចូលទៅក្នុងរន្ធទ្វារមាសដល់មាត់ស្បូនហើយ គ្មានវិធីណាអាចយកចេញមកវិញបាននោះទេ ព្រោះមេជីវិតឈ្មោលនឹងធ្វើដំណើរឡើងទៅរកស៊ុតមេជីវិតញីដើម្បីបង្កកំណើត។
ដូចគ្នាដែរ ស្រីៗយើងខ្លះទំនងជាជឿដែរថាការលាងសម្អាតទ្វារមាស និងងូតទឹកអាចជម្រះមេជីវិតចេញពីទ្វារមាសបាន និងអាចកាត់បន្ថយឱកាសមានផ្ទៃពោះ។ យ៉ាងណា រឿងនេះមិនពិតនោះទេ គឺមិនខុសអ្វីពីរឿងយើងទៅនោម ហើយគិតថាអាចកាត់បន្ថយឱកាសមានផ្ទៃពោះនោះដែរ។ យើងអាចលាងសម្អាតទឹកកាមដែលប្រឡាក់នៅនឹងទ្វារមាសយើងបាន តែមិនអាចសម្អាតទឹកកាម ឬមេជីវិតឈ្មោលដែលចូលទៅខាងក្នុងរន្ធទ្វារមាសបាននោះទេ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម