ការមានកូនដំបូងនៅអាយុច្រើន គឺពិតជារឿងដែលគួរឲ្យបារម្ភមួយចំពោះស្រីៗយើង។ ជាក់ស្ដែង ចំនួនស៊ុតនឹងត្រូវថយចុះ នៅពេលដែលយើងមានវ័យកាន់តែច្រើន ហើយការមានកូននៅអាយុលើសពី៣៥ឆ្នាំ នឹងបង្កជាហានិភ័យសុខភាពមួយចំនួន ដូចជាសម្ពាធឈាមខ្ពស់ ឬទឹកនោមផ្អែមចំពោះម៉ាក់ៗ និងជំងឺ Down Syndrome ដែលកើតឡើងលើកូន។ យ៉ាងណាមិញ យោងតាមការសិក្សាមួយចំនួនបានបង្ហាញលទ្ធផលគួរឲ្យភ្ញាក់ផ្អើលថា ការមានកូននៅវ័យចំណាស់ ក៏មានអត្ថប្រយោជន៍ជាច្រើនដល់ម៉ាក់ៗនិងកូនផងដែរ។