ក្បួនពេទ្យបានកំណត់រយៈពេល ៤០ សប្តាហ៍ ជាថ្ងៃគ្រប់ខែសម្រាលកូន ដែលត្រូវជា ៩ខែ១០ថ្ងៃ។ តែទោះជាកំណត់បែបនេះក្តី បើកូនសម្រាលក្រោយ ៣៧ សប្តាហ៍ទៅ ក៏ពេទ្យចាត់ទុកថា គ្រប់ខែដែរ។ តើពេទ្យកំណត់អាយុគភ៌ ឬថ្ងៃសម្រាល តាមមធ្យោបាយណាខ្លះ?
គ្រប់ខែ រាប់ម៉េច? រវាងមើលអេកូ និងរាប់តាមវដ្តរដូវ មួយណាមិនសូវលម្អៀង?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកវេជ្ជបណ្ឌិត ចាន់ ស៊ីណេត ប្រធានផ្នែករោគស្ត្រី និងសម្ភព នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បានពន្យល់ថា វិធីដែលពេទ្យកំណត់ថ្ងៃគ្រប់ខែ ឬអាយុគភ៌ក្នុងផ្ទៃនោះ គឺរាប់ចាប់តាំងពីថ្ងៃទី១ នៃវដ្តរដូវចុងក្រោយ ឬថ្ងៃមករដូវចុងក្រោយ។ ការកំណត់ថ្ងៃសម្រាលកូន តាមវដ្តរដូវទៀងទាត់ ខុសគ្នាយ៉ាងច្រើន ៣-៤ថ្ងៃប៉ុណ្ណោះ។
ដោយហេតុថា ស្ត្រីមួយចំនួនមានរដូវមិនទៀងទាត់ ឬភ្លេចភ្លាំងថ្ងៃមករដូវចុងក្រោយរបស់ខ្លួន ធ្វើឲ្យការរាប់ថ្ងៃគ្រប់ខែសម្រាលកូន មានភាពលម្អៀងច្រើន។
ចំពោះសម័យបច្ចេកវិទ្យាទំនើបនេះវិញ គេកំណត់អាយុគភ៌តាមរយៈការមើលអេកូសាស្ត្រនៅត្រីមាសទី១ ដោយវាស់ប្រវែងទារកក្នុងផ្ទៃ ដែលមធ្យោបាយនេះមានភាពលម្អៀងតិចតួចប៉ុណ្ណោះ ខុសគ្នាយ៉ាងច្រើន ៧ថ្ងៃ ប៉ុណ្ណោះ អាចកើតមុនឬក្រោយ គឺដូចគ្នានឹងការរាប់តាមវដ្ដរដូវស្រីៗដែលមកទៀងទាត់ដែរ។
អត្ថបទពាក់ព័ន្ធ៖
ចំពោះស្ត្រីពពោះដែលមិនចាំថ្ងៃមករដូវចុងក្រោយ ឬមានវដ្តរដូវមិនទៀងទាត់ គ្រូពេទ្យនឹងកំណត់ថ្ងៃសម្រាលកូនតាមរយៈការមើលអេកូនៅសប្តាហ៍ទី១១ ឬ១២ នៃការពពោះដែលជាការកំណត់ត្រឹមត្រូវច្រើនជាងគេ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម