មានម៉ាក់ៗមួយចំនួននិយាយថា ពេលពពោះ សម្រាលហើយសម្រស់ប្រែជាថមថយលែងស្រស់ថ្លាដូចពីមុនទៀតហើយ។ ចំពោះបញ្ហានេះ វេជ្ជបណ្ឌិត ហ៊ាង រតនា ឯកទេសជំងឺទូទៅឲ្យដឹងថា មកពីរបៀបរបបរស់នៅ និងការញ៉ាំ។
ក្រោយសម្រាលកូនហើយ ស្ត្រីបរទេសបានញាំអាហារគ្រប់គ្រាន់មានទាំងសាច់ បន្លែ ផ្លែឈើគ្រប់មុខ ដែលទាំងនោះហើយគឺជាពពួកវីតាមីន សារធាតុចិញ្ចឹម គ្រប់គ្រាន់ជួយថែរក្សាស្បែកឲ្យនៅភ្លឺថ្លា រាងស្អាត។ ចំណែកតិចនិកសំខាន់មួយទៀតវិញ គឺអ្នកទាំងនោះព្យាយាមហាត់ប្រាណទៅតាមបច្ចេកទេស ដែលជួយឲ្យដំណើរការយករាងដើមបានឆាប់។ ជាធម្មតាឃើញនៅបរទេស ក្រោយសម្រាលហើយ អាចធ្វើដំណើរកម្សាន្តដើម្បីស្រូបយកខ្យល់អាកាសបរិសុទ្ធ កាត់បន្ថយភាពតានតឹង នាំឲ្យអារម្មណ៍ស្រស់ស្រាយ ដែលវាជាវិធីជំនួយជួយឲ្យមើលទៅស្រស់ស្អាតធម្មតា។
