ជំងឺនេះ អាចបង្កជាផលវិបាកលើស្រីៗពេលមានផ្ទៃពោះ ប៉ុន្តែអត្រាមានប្រហែលត្រឹម ៥% ប៉ុណ្ណោះ។ ជំងឺស្លេកស្លាំង ជាផលវិបាកធំមួយចំពោះទារកក្នុងផ្ទៃ។ បើទារកខ្វះឈាមក្រហម អាចនាំឲ្យខ្វះអុកស៊ីហ្សែន សម្រាប់លូតលាស់រាងកាយ។ ករណីមួយចំនួន មិនធ្ងន់ធ្ងរ និងអាចតាមដានសុខភាពក្រោយសម្រាល។ បើទារកស្លេកខ្លាំង គេអាចកើតជំងឺ Hydrops សំដៅលើការចាល់ជាតិទឹកខុសប្រក្រតីនៅក្នុងរាងកាយ ធ្វើឲ្យមានជំងឺខូចបេះដូងពីកំណើត និងអាចស្លាប់។ ដើម្បីសង្គ្រោះទារក គ្រូពេទ្យនឹងបញ្ចូលឈាមនៅពេលទារកស្ថិតនៅក្នុងស្បូននៅឡើយ។ បើទារកមានជំងឺនេះនៅត្រីមាសទី ៣ ត្រូវជំរុញសម្រាលឲ្យបានលឿន។
៥- ជំងឺនេះអាចទប់ស្កាត់បានទេ?
មកដល់ពេលនេះ មិនទាន់មានអ្នកជំនាញណា អាចបង្កើតវ៉ាក់សាំងបង្ការជំងឺនេះនៅឡើយទេ ដូច្នេះយើងត្រូវទប់ស្កាត់វាពីដំបូង។ ដើម្បីចៀសផុត ត្រូវបិទមាត់ពេលកណ្តាស ឬក្អក លាងដៃជាមួយសាប៊ូ និងទឹកក្តៅជាប្រចាំ ចៀសវាងប៉ះពាល់សារធាតុរាវពីរាងកាយមានផ្ទុកជំងឺនេះ។