ការមើលជាតិស្ករពេលពពោះផ្តល់អត្ថប្រយោជន៍ទាំងចំពោះម្តាយ និងកូនផ្ទៃ ដូច្នេះហើយទើបពេលដឹងថាមានផ្ទៃពោះ ស្រីៗចាំបាច់ត្រូវតែពិនិត្យមើលជាតិស្ករក្នុងឈាម។
ពិនិត្យមើលជាតិស្ករពេលពពោះ សំខាន់ខ្លាំងប៉ុនណា?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកសាស្ត្រាចារ្យវេជ្ជបណ្ឌិត សេង សេរី ឯកទេសជំងឺទឹកនោមផ្អែម បានឲ្យដឹងថា នៅបរទេស ពេលដែលស្ត្រីចាប់ផ្តើមមានផ្ទៃពោះ គេចាប់ផ្តើមពិនិត្យជាតិស្ករហើយ ចំណែកនៅ ស្រុកខ្មែរវិញក៏មានធ្វើដែរ គ្រាន់តែមិនទាន់ធ្វើទូលំទូលាយដល់ជនបទដាច់ស្រយាលនៅឡើយ។
ការពិនិត្យកម្រិតជាតិស្ករក្នុងឈាម អាចដឹងពីស្ថានសុខភាព និងកត្តាប្រឈមផ្សេងៗរបស់ម្តាយ ពិសេសរកមើលជំងឺទឹកនោមផ្អែមពពោះ ដែលអាចបង្ការ និងព្យាបាលបានទាន់ពេលវេលា។ ស្រីៗមួយចំនួន មានបញ្ហានេះអំឡុងពេលជិតសម្រាល និងខ្លះទៀតអាចមានបញ្ហាតាំងពីដំបូង ព្រោះលើសកម្រិតជាតិស្ករមុនពេលពពោះ ភាគច្រើនដោយសារលើសទម្ងន់ ហើយពេលពពោះ កាន់តែខ្វះអាំងស៊ុយលីន ហេតុនាំឲ្យមានជំងឺទឹកនោមផ្អែមពេលពពោះ។
ចំពោះផលវិបាកនៃជំងឺទឹកនោមផ្អែមពេលពពោះវិញ ធ្វើឲ្យប៉ះពាល់ការប្រើប្រាស់ជាតិស្កររបស់កោសិកា ជាហេតុនាំឲ្យជាតិស្ករក្នុងឈាមកើនឡើង ជះឥទ្ធិពលអាក្រក់ទាំងម្តាយ និងកូន។ យ៉ាងណា ក្រោយសម្រាល ជាតិស្ករក្នុងឈាមម៉ាក់ៗនឹងវិលត្រឡប់មកធម្មតាវិញ ប៉ុន្តែទាំងម៉ាក់ៗ និងកូន ក៏ប្រឈមហានិភ័យវិវត្តទៅរកជំងឺទឹកនោមផ្អែមប្រភេទទី ២ ដូចគ្នា។
តាមរបាយការណ៍របស់សមាគមជំងឺទឹកនោមផ្អែមពិភពលោក កូនកើតចេញពីម្តាយដែលមានជំងឺទឹកនោមផ្អែម កើនឡើងដល់ ២១ លាននាក់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម