ឱសថថ្មីមួយសម្រាប់ព្យាបាលជំងឺមហារីកគ្រាប់ឈាមដែលគេស្គាល់ថាជាឱសថ Brukinsa (Zanubrutinib) ដែលស្ថិតក្នុងទម្រង់ជាឱសថគ្រាប់ស្រោបសម្បក (Capsule) ត្រូវបានអាជ្ញាធរសុខាភិបាលប្រទេសចិនអនុញ្ញាតិឲ្យដាក់លក់នៅលើទីផ្សារក្នុងស្រុកហើយ។
ចិនអនុញ្ញាតឲ្យចរាចរឱសថមហារីកគ្រាប់ឈាមប្រភេទថ្មីមួយនៅលើទីផ្សារ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ឱសថនេះផលិតដោយក្រុមហ៊ុន BeiGene ដែលជាក្រុមហ៊ុនរបស់ប្រទេសចិនផ្ទាល់។ ឱសថប្រភេទនេះ ប្រើសម្រាប់តែមនុស្សពេញវ័យប៉ុណ្ណោះ ហើយប្រើចំពោះជំងឺមហារីកឈាមមួយចំនួនដូចជាជំងឺ Mantle Cell lymphoma (MCL) ដែលត្រូវប្រើថ្នាំនេះ មុនទទួលការព្យាបាលផ្សេងៗទៀត និងជំងឺ Chronic Lymphocytic Leukemia (CLL) ឬ ជំងឺ Small lymphocytic Lymphoma (SLL)។
អត្ថបទពាក់ព័ន្ធ៖
គួរបញ្ជាក់ថាមុននឹងអនុញ្ញាតឲ្យចរាចរនៅលើទីផ្សារ ឱសថនេះក៏បានទទួលបានការទទួលស្គាល់ពីសំណាក់រដ្ឋបាលចំណីអាហារនិងឱសថរបស់សហរដ្ឋអាមេរិក (FDA) ផងដែរក្នុងការប្រើព្យាបាលជំងឺ MCL ចំពោះអ្នកជំងឺដែលជាមនុស្សពេញវ័យ កាលពីខែវិច្ឆិកាកន្លងទៅនេះ។
បើយោងតាមប្រធានក្រុមហ៊ុន BeiGene លោក Wu Xiaobin បាននិយាយថា ឱសថនេះត្រូវស៊ីពេលរហូតដល់ទៅប្រាំបីឆ្នាំ ទើបអភិវឌ្ឍន៍បានសម្រេច ហើយមានការធ្វើតេស្តសាកល្បកលើមនុស្ស (Clinical trial) ចំនួន ២៥ តេស្ត ដោយបានធ្វើឡើងនៅប្រទេសចំនួន ២០ និងចូលរួមដោយអ្នកឯកទេសអន្តរជាតិចំនួន ៥០០នាក់។ ការធ្វើតេស្តសាកល្បងលើមនុស្សនេះមានអ្នកជំងឺច្រើនជាង ១៧០០ នាក់នៅទូទាំងពិភពលោកបានចូលរួម។
ជំងឺមហារីកគ្រាប់ឈាមនេះកំពុងកើនឡើងនៅក្នុងប្រទេសចិនក៏ដូចជានៅទូទាំងពិភពលោក ហើយឱសថនេះ ទទួលបានការអនុញ្ញាតឲ្យចរាចរនៅលើទីផ្សារ ខណៈដែលការធ្វើតេស្តសាកល្បងរបស់វាក៏កំពុងតែបន្តដំណើរការនៅឡើយដែរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម