ប្រទេសបារាំង ត្រៀមដាក់បម្រាម លើវិធីការវះកាត់ពង្រីកសុដន់មួយប្រភេទ ដោយសារអាចបង្កហានិភ័យមហារីកដ៏កម្រ។ នេះបើតាមសេចក្តីរាយការណ៍ ពីកាសែតបារាំង Le Monde និងវិទ្យុរដ្ឋបារាំង។
ន៎ុះ! បារាំងចេញបម្រាមមិនឲ្យវះកាត់ពង្រីកសុដន់ ព្រោះតែ...
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
កាសែត Le Monde បានរាយការណ៍ថា ភ្នាក់ងារជាតិឱសថ និងផលិតផលសុខាភិបាល បានជូនដំណឹងដល់រោងចក្រ សហគ្រាសនានា កាលពីថ្ងៃទី ២ ខែមេសា ២០១៩ នៃគម្រោងហាមឃាត់គ្រប់ផលិតផល ការចែកចាយ នាំចូល នាំចេញ ការផ្សព្វផ្សាយ និងការបំពាក់ឧបករណ៍ផ្សេងៗ សម្រាប់វះកាត់បញ្ចូលស៊ីលីកូន និងប៉ូលីមែរ (Polyurethane) ទៅក្នុងសុដន់។
កាសែតបារាំងមួយនេះ បានបន្ថែមថា ភ្នាក់ងារជាតិឱសថ និងផលិតផលសុខាភិបាល បានលើកឡើងគ្រោះថ្នាក់ដ៏កម្រមួយ ប៉ុន្ដែធ្ងន់ធ្ងរខ្លាំង បង្កឡើងដោយការពង្រីកសុដន់ ពាក់ព័ន្ធទៅនឹងជំងឺមហារីកកូនកណ្ដុរ។
នៅខែវិច្ឆិកា ឆ្នាំ២០១៨ ភ្នាក់ងារជាតិឱសថ និងផលិតផលសុខាភិបាលបារាំង បានប្រកាសថា មាន ៥៣ករណី នៃជំងឺមហារីកកូនកណ្ដុរ ក្នុងចំណោមស្រីៗវះកាត់បំពាក់ស៊ីលីកូន និងផ្ទៃមានលក្ខណៈទន់ៗជំនួស។
ត្រូវប៉ាន់ស្មានថា ពលរដ្ឋបារាំងប្រមាណ ៥០ម៉ឺននាក់ បានវះកាត់ដាក់ស៊ីលីកូន ស្អិតជាប់នឹងជាលិកាសុដន់តែម្ដង ដើម្បីចៀសវាងការធ្លាក់ចេញពីទីតាំងដែលបានដាក់។
អត្ថបទពាក់ព័ន្ធ៖
បញ្ហាអាស្រូវនៃការវះកាត់ពង្រីកសុដន់ នៅក្នុងប្រទេសបារាំង បានផ្ទុះឡើងខ្លាំងកាលពីឆ្នាំ ២០១០ ក្រោយក្រុមហ៊ុនផលិតស៊ីលីកូន រងការប្ដឹង លើករណីប្រើប្រាស់ជែលស៊ីលីកូន ដែលមានតម្លៃថោក និងបង្កគ្រោះថ្នាក់ដល់ស្រីៗដែលវះកាត់បញ្ចូលស៊ីលីកូន។ ក្រុមហ៊ុនផលិតស៊ីលីកូន (PIP) បានបិទ ហើយស្ថាបនិកក្រុមហ៊ុន លោក Jean-Claude Mas ត្រូវជាប់ពន្ធនាគារ ដោយសាររឿងអាស្រូវនេះទៀតផង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម