យើងដឹងហើយ មហារីក ជាជំងឺសាហាវ ពិបាកនឹងព្យាបាល ព្រោះមេរោគបង្កជំងឺនេះ តែងតែវិវត្តខ្លួនជានិច្ច ហើយក៏មានប្រភេទជំងឺមហារីកខ្លះទៀត មិនអាចព្យាបាលជាសះស្បើយទេ។ តាមការសិក្សាចុងក្រោយ មហារីក បានក្លាយជាជំងឺសម្លាប់មនុស្សច្រើនជាងគេ នៅតាមបណ្ដាប្រទេសអ្នកមាន។
មហារីក ក្លាយជាមេឃាតក ធំជាងគេ នៅប្រទេសអ្នកមាន
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អស់រយៈពេល ២-៣ទសវត្សមកហើយ ជំងឺបេះដូង គឺជាមូលហេតុនាំមុខគេ ដែលបណ្ដាលឲ្យមនុស្សស្លាប់ច្រើនជាងគេ មិនថា នៅប្រទេសអ្នកមាន ឬប្រទេសអ្នកក្រទេ។ ប៉ុន្ដែតាមការសិក្សា ២ចុងក្រោយ ចេញផ្សាយលើកាសែតវិជ្ជសាស្ត្រ The Lancet បញ្ជាក់ថា មហារីក ក្លាយជាមូលហេតុបណ្ដាលឲ្យមនុស្សនៅតាមបណ្ដាប្រទេសអ្នកមានស្លាប់ច្រើនជាងគេ។ ជំងឺមហារីក បណ្ដាលមនុស្សស្លាប់ លើសជំងឺបេះដូង ចំនួន ២ដង នៅតាមបណ្ដាលប្រទេសអ្នកមាន។
ទោះយ៉ាងណា ជំងឺបេះដូង នៅតែជាមូលហេតុបណ្ដាលឲ្យមនុស្សស្លាប់ច្រើនជាងគេ គឺរហូតដល់ ៤០% នៃការស្លាប់នៅទូទាំងពិភពលោក។ នៅឆ្នាំ២០១៧ មានមនុស្សប្រមាណ ៥៥លាននាក់ បានស្លាប់ ដោយ ១៧,៧លាននាក់ ស្លាប់ដោយជំងឺបេះដូង រួមមានខ្សោយបេះដូង គាំងបេះដូង ចុកទ្រូង និងដាច់សរសៃឈាមខួរក្បាល។
លោក Gilles Dagenais សាស្ត្រាចារ្យនៅសាកលវិទ្យាល័យ Quebec’s Laval របស់កាណាដា និងជាអ្នកដឹកនាំការសិក្សា បញ្ជាក់ថា មហារីកជាមូលហេតុធំទី២ បង្កការស្លាប់នៅទូទាំងពិភពលោក នៅឆ្នាំ២០១៧ ស្មើប្រមាណ ២៦% នៃការស្លាប់សរុប។ ប៉ុន្ដែ ខណៈជំងឺបេះដូង បន្ដធ្លាក់ចុះ ជំងឺមហារីក អាចក្លាយជាមូលហេតុធំទី១ បណ្ដាលឲ្យមនុស្សស្លាប់ច្រើនជាងគេ នៅទូទាំងពិភពលោក នារយៈពេល ២-៣ទសវត្សក្រោយ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម