អាហារទាំងអស់មិនមែនសុទ្ធតែជួយទ្រទ្រង់រាងកាយនោះទេ មានមួយចំនួនបំផ្លាញសុខភាពយើងទៅវិញ។ ដើម្បីមានសុខភាពល្អ អាយុវែង យើងម្នាក់ៗត្រូវចៀសឲ្យបាននូវពពួកអាហារមិនល្អមួយចំនួនខាងក្រោមនេះ៖
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អាហារទាំងអស់មិនមែនសុទ្ធតែជួយទ្រទ្រង់រាងកាយនោះទេ មានមួយចំនួនបំផ្លាញសុខភាពយើងទៅវិញ។ ដើម្បីមានសុខភាពល្អ អាយុវែង យើងម្នាក់ៗត្រូវចៀសឲ្យបាននូវពពួកអាហារមិនល្អមួយចំនួនខាងក្រោមនេះ៖
១- អាហារផ្អាប់
អាហារផ្អាប់ ពិសេសពពួកជ្រក់ ប្រៃក៏ប្រៃ ឯពពួកផ្សិតក៏សម្បូរដែរ ញ៉ាំទៅងាយនឹងហើមពោះ រាករូស ឡើងជាតិប្រៃ កើតជំងឺលើសឈាម។ ផ្សិតសៗតែងលេចចេញក្នុងជ្រក់ មានឈ្មោះថា Belta Alpha Toxin វាគ្រោះថ្នាក់បំផុតចំពោះសុខភាពយើង នៅពេលញ៉ាំទៅបណ្តាលឲ្យពុលកោសិកាថ្លើម ឈានទៅកើតជំងឺថ្លើមខ្ពស់បំផុត។
អត្ថបទពាក់ព័ន្ធ៖ កុំចេះតែពឺត ញ៉ាំគ្រឿងផ្អាប់ ពិសេសជ្រក់ អាចកើតមហារីកខ្ពស់បំផុត
២- អាហារប្រៃ
ញ៉ាំប្រៃជាមូលហេតុឈានទៅមានជំងឺលើសឈាម ដាច់សរសៃឈាមខួរក្បាល ជំងឺបេះដូង មហារីកក្រពះ ក្រួសតម្រងនោម និងជំងឺជាច្រើនទៀត ដូច្នេះហើយទើបអង្គការសុខភាពពិភពលោកណែនាំឲ្យយើងម្នាក់ៗញ៉ាំអំបិលក្នុងរបបអាហារតែ ១ ស្លាបព្រាកាហ្វេប៉ុណ្ណោះក្នុង ១ ថ្ងៃ។
៣- អាហារខ្លាញ់
ខ្លាញ់មានពីរប្រភេទ គឺខ្លាញ់ល្អ និងខ្លាញ់អាក្រក់ ដែលបានមកពីប្រភព២ដូចគ្នា គឺសត្វ និងរុក្ខជាតិ។
ញ៉ាំខ្លាញ់មិនល្អ (ខ្លាញ់សត្វ) លើសកម្រិតជាដើមហេតុនាំឲ្យមានជំងឺសរសៃឈាម បេះដូង ដាច់សរសៃឈាមខួរក្បាល ស្ទះសរសៃឈាម ធាត់ -ល-។
៤- អាហារកំប៉ុង
ដើម្បីរក្សាទុកបានយូរ អាហារកំប៉ុងទាំងអស់ត្រូវតែប្រៃ និងដាក់សារធាតុគីមី សួរថា តើអាហារទាំងនោះប៉ះពាល់សុខភាពយើងកម្រិតណា?
អត្ថបទពាក់ព័ន្ធ៖ ញ៉ាំអាហារក្តៅៗដាក់ថង់ប្លាស្ទិច ចាន ឬប្រអប់ស្នោ គ្រោះថ្នាក់ខ្លាំងណាស់
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕