ការស្ទះចរាចរណ៍ ការរំខានដោយសំឡេង និងការសាយភាពផ្សែងពុល ចេញពីយានយន្ត គឺជាបញ្ហារួមមួយ និងមិនងាយដោះស្រាយនោះទេ នៅតាមទីក្រុងមួយចំនួន ដែលសម្បូរដោយមនុស្សរស់នៅកកកុញ និងមានយានយន្តច្រើន។ បើតាមកាសិក្សា បញ្ហាចរាចរណ៍ទាំងនេះ ជាមូលហេតុមួយ បង្កឲ្យមនុស្សកើតជំងឺដាច់សរសៃឈាមខួរក្បាល។
អ្នករស់នៅតំបន់ស្ទះចរាចរណ៍ ប្រឈមកើតជំងឺធ្ងន់ធ្ងរប្រភេទនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ការសិក្សានេះ ធ្វើឡើងដោយក្រុមអ្នកស្រាវជ្រាវ មកពីសាកលវិទ្យាល័យ Brown របស់អាមេរិក និងសាកលវិទ្យាល័យមួយចំនួនទៀត នៅទីក្រុង Barcelona របស់អេស្ប៉ាញ។ ក្រុមអ្នកស្រាវជ្រាវ បានពិនិត្យលើទិន្នន័យព័ត៌មានអ្នកជំងឺដាច់សរសៃឈាមខួរក្បាល ២.៧៦១នាក់ ពីឆ្នាំ ២០០៥-២០១៤។
ក្រុមអ្នកស្រាវជ្រាវបកស្រាយថា ការរំខានដោយសំឡេងយានយន្តតាមដងផ្លូវ បង្កផលប៉ះពាល់យ៉ាងខ្លាំង ដែលបណ្ដាលឲ្យកោសិកាក្នុងសរសៃឈាមមិនដំណើរការបានល្អ (Endothelial Dysfunction) ដោយបង្កើតកំណកឈាមជាច្រើន។ នៅពេលកំណកឈាម រត់ក្នុងតសរសៃឈាម ទៅកាន់ក្បាល ឬក វាអាចរារាំងលំហូរឈាម និងអុកស៊ីសែនទៅខួរក្បាល ហើយបង្កជាជំងឺដាច់សរសៃឈាមខួក្បាល។
ជាមួយគ្នានេះ អ្នកស្រាវជ្រាវ ក៏រកឃើញដែរថា អ្នករស់នៅតាមផ្លូវដែលសម្បូរដោយធម្មជាតិបៃតង ជួយកាត់បន្ថយហានិភ័យនៃជំងឺដាច់សរសៃឈាមខួរក្បាល រហូតដល់ ២៥%។ គួរបញ្ជាក់ថា ជំងឺដាច់សរសៃឈាមខួរក្បាល បណ្ដាលឲ្យអ្នកជំងឺ ពិបាកធ្វើចលនា ឬនិយាយ និងបាត់បង់វិចារណញ្ញាណ និងការចាំចង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម