បើតាមការឲ្យដឹងពីលោកវេជ្ជបណ្ឌិត លី ឬទ្ធីគុណ ជំនាញផ្នែកជំងឺទូទៅថា គ្រឿងអាហារផ្អាប់ ឬ fermented food មានគុណសម្បត្តិ និងគុណវិបត្តិ។ ចំពោះគុណសម្បត្តិ នៃការញ៉ាំអាហារផ្អាប់ មានជួយគ្រប់គ្រងប្រព័ន្ធភាពស៊ាំ លើកកម្ពស់ការសម្រកទម្ងន់ ប្រយុទ្ធប្រឆាំងនឹងការរលាក និងជួយធ្វើឲ្យក្មេងជាងវ័យ។
ទោះមានអត្ថប្រយោជន៍ដល់សុខភាពបែបនេះក្តី លោកវេជ្ជបណ្ឌិត បានបន្តបញ្ជាក់ឲ្យដឹងថា គ្រឿងអាហារផ្អាប់ក៏អាចបណ្តាលឲ្យកើតជំងឺមហារីកក្រពះបានដែរ ប្រសិនបើញ៉ាំច្រើនពេកនោះ ដូចនេះ គួរញ៉ាំអាហារទាំងអស់នេះល្មមៗបានហើយ ឬអាចញ៉ាំយូរៗម្តង កុំញ៉ាំញឹកញាប់ពេក។