ករណីលង់ទឹក ងាយនឹងកើតលើក្មេងៗណាស់ ទោះទឹករាក់ក៏ដោយ ក៏អាចលង់ដែរ។ ប៉ាម៉ាក់គួរស្វែងយល់ពីអាការៈ និងវិធីសង្គ្រោះបឋម ដើម្បីជួយក្មេងឲ្យបានទាន់ពេល។លង់ទឹក សំដៅនៅពេលសួតពេញដោយទឹក ធ្វើឲ្យជនរងគ្រោះសន្លប់បាត់ស្មារតី មិនកម្រើក មិនមានសកម្មភាពនៅក្នុងទឹក។ ពេលខ្លះ ករណីលង់ទឹក ជាហេតុការណ៍កើតឡើងយ៉ាងស្ងៀមស្ងាត់ ជនរងគ្រោះអាចមានអាការៈល្ហិតល្ហៃ អណ្ដែត ឬលិចក្នុងទឹក ទាំងមិនដឹងខ្លួន។