ឫសដូងបាតគឺជាបណ្តុំសរសៃឈាមធម្មតា។ ប៉ុន្តែកាលណាសរសៃឈាមទាំងនេះរីកធំ វាអាចបណ្តាលឲ្យមានជំងឺឫសដូងបាតខាងក្នុង (ទីតាំងនៅខាងក្នុង) ឬជំងឺឫសដូងបាតខាងក្រៅ (នៅជុំវិញទ្វារធំ)។ ដោយសារភាពជាសរសៃឈាម និងទីតាំងរបស់ឫសដូងបាត កត្តាហានិភ័យមួយចំនួន ដូចជាការទល់លាមក ការអង្គុយយូរនៅលើចានបង្គន់ ការមានផ្ទៃពោះញឹកញាប់ពេក អាចបង្កើនសម្ពាធរបស់សរសៃឈាមវ៉ែន និងធ្វើឲ្យសរសៃឈាមរីកប៉ោងខុសធម្មតា ដែលនាំឲ្យមានរោគសញ្ញានៃជំងឺឫសដូងបាតដូចជា ការហូរឈាម ហើម និងឈឺចាប់។