រដូវភ្លៀងគឺជារដូវដែលសម្បូរទៅដោយបន្លែ និងផ្លែឈើជាច្រើន តែវាក៏ជារដូវដែលមានអត្រាពុលអាហារ រាក និងជំងឺផ្សេងៗទៀតខ្ពស់ដែរ។ ក្នុងរដូវនេះសមត្ថភាពរំលាយអាហាររបស់យើងចុះខ្សោយ ដូច្នេះយើងត្រូវប្រយ័ត្នក្នុងការញុំាអាហារ។ តើយើងគួរចៀសវាងញុំាអាហារណាខ្លះក្នុងអំឡុងរដូវភ្លៀងនេះ?
អាហារ ៣ មុខ គួរចៀសវាងអំឡុងរដូវភ្លៀង
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកស្រ្តីវេជ្ជបណ្ឌិត Akanksha Mishra ជំនាញផ្នែកអាហាររូបត្ថម្ភបានលើកឡើងថា “ រដូវភ្លៀងគឺជាពេលវេលានៃការបង្ករោគដូចជា ក្អក ផ្តាសាយ គ្រុនចាញ់ គ្រុនឈាម គ្រុនពោះវៀន និងរលាកសួត។ ដូច្នេះយើងត្រូវញុំាអាហារដែលមានតុល្យភាព និងស្រួលក្នុងការរំលាយ” ។ យើងត្រូវចៀសវាងអាហារដូចជា៖
១. អាហារបំពង
ការញុំាអាហារបំពងច្រើនធ្វើឱ្យពិបាករំលាយអាហារ ពេលពួកវាទៅដល់ពោះវៀនធំ ពួកវាត្រូវបានបំបែកទៅជាអាស៊ីដខ្លាញ់ដែលបណ្តាលឱ្យពោះវៀនធំបញ្ចេញជាតិទឹក និងបង្កឱ្យទៅជារាក។
ចង់ពិនិត្យជំងឺសរសៃឈាមបេះដូង ចុចទីនេះ!
២. ភេសជ្ជៈមានជាតិហ្គាស
ភេសជ្ជៈមានជាតិហ្គាសអាចធ្វើឱ្យរលាកស្រទាប់ក្រពះ បណ្តាលឱ្យក្រហាយទ្រូង ច្រាលអាស៊ីត ហើមពោះ និងអាចកាត់បន្ថយសារធាតុរ៉ែនៅក្នុងរាងកាយរបស់យើង។
៣. អាហារនិងបន្លែឆៅ
អាហារ និងបន្លែឆៅសម្បូរទៅដោយបាក់តេរី និងវីរុស។ វាអាចធ្វើឱ្យយើងរាក ឬឆ្លងមេរោគចូលក្រពះ និងពោះវៀន។
យើងត្រូវលាងបន្លែ ត្រី សាច់ និងផ្លែឈើឱ្យបានស្អាតល្អ ជាពិសេសបន្លែស្លឹក និងផ្សិត ព្រោះសីតុណ្ហភាព និងសំណើមនៅក្នុងរដូវភ្លៀងអំណោយផលដល់ការលូតលាស់បាក់តេរី និងមេរោគផ្សិតលើបន្លែស្លឹក និងផ្សិត។ លើសពីនេះទៅទៀតយើងត្រូវញុំាអាហារដែលឆ្អិនល្អដើម្បីចៀសវាងការឆ្លងមេរោគផ្សេងៗ និងត្រូវញុំាទឹកឱ្យបានច្រើនចៀសវាងការខ្សោះជាតិទឹក។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម