យើងដឹងហើយថាទឹកគឺជាភេសជ្ជៈសំខាន់ ប៉ុន្តែប្រសិនជាយើងចង់ផឹកភេសជ្ជៈផ្សេងក្រៅពីទឹក យើងអាចសាកភេសជ្ជៈសុខភាពទាំងនេះដើម្បីទទួលបានសារធាតុចិញ្ចឹមផ្សេងៗដល់រាងកាយ។
ត្រួតពិនិត្យដោយ ទូច សុខា
យើងដឹងហើយថាទឹកគឺជាភេសជ្ជៈសំខាន់ ប៉ុន្តែប្រសិនជាយើងចង់ផឹកភេសជ្ជៈផ្សេងក្រៅពីទឹក យើងអាចសាកភេសជ្ជៈសុខភាពទាំងនេះដើម្បីទទួលបានសារធាតុចិញ្ចឹមផ្សេងៗដល់រាងកាយ។
តែបៃតងត្រូវបានស្គាល់ថាជាភេសជ្ជៈមានប្រយោជន៍ដល់សុខភាពនៅតាមបណ្ដាប្រទេសជាច្រើនជាយូរមកហើយ។ តែបៃតងមាន polyphenols ក្នុងកម្រិតខ្ពស់ដែលគេជឿថាអាចការពារជំងឺមហារីកសុដន់ និងមហារីកក្រពេញប្រូស្តាត។ ការសិក្សាក៏បានលើកឡើងថាតែបៃតងអាចជួយកាត់បន្ថយការកើនឡើងនៃជាតិស្ករក្នុងឈាមក្រោយពីញ៉ាំអាហារ ជាពិសេសសម្រាប់អ្នកជំងឺទឹកនោមផ្អែមប្រភេទ២។ យើងអាចសាកយកក្រូចឆ្មារលាយនឹងតែបៃតងក៏បាន។
អត្ថបទពាក់ព័ន្ធ៖
ទឹកទទឹមគឺជាភេសជ្ជៈមានសារធាតុចិញ្ចឹមច្រើន និងសារធាតុប្រឆាំងអុកស៊ីតកម្មដែលជួយការពារកោសិកាពីការខូចខាត និងកាត់បន្ថយការរលាក ជាពិសេសជួយកាត់បន្ថយជំងឺរលាកសន្លាក់។ ក្រៅពីនេះ ទឹកទទឹមក៏សំបូរដោយវីតាមីន C ដែលជួយពង្រឹងប្រព័ន្ធភាពស៊ាំក្នុងការប្រឆាំងនឹងជំងឺផ្ដាសាយ។
មើមឆៃថាវក្រហមជាប្រភពអាស៊ីតហ្វូលិក ម៉ាញ៉េស្យូម និងនីដ្រាត។ រាងកាយរបស់យើងនឹងបំលែងនីដ្រាតទៅជានីឌ្រិចអុកស៊ីតដែលជួយបញ្ចុះសម្ពាធឈាម និងធ្វើឲ្យចរន្តឈាមមានភាពប្រសើរឡើង។ ការសិក្សាមួយចំនួនក៏បានលើកឡើងថាទឹកមើមនេះអាចជួយបង្កើនថាមពលអំឡុងពេលហាត់ប្រាណ។
ទឹកក្រូចឆ្មារជាភេសជ្ជៈដ៏ល្អសម្រាប់ពង្រឹងប្រព័ន្ធភាពស៊ាំ។ ដោយគ្រាន់តែដាក់ទឹកក្រូចឆ្មារពីរស្លាបព្រាកាហ្វេទៅក្នុងទឹកមួយកែវអាចផ្តល់វីតាមីន C ១៤មីល្លិក្រាម។ លើសពីនេះ ទឹកក្រូចឆ្មារក៏អាចបំពេញជាតិទឹកដល់រាងកាយដែរ។
ការផឹកទឹកដូងអាចជួយបំពេញជាតិទឹកដល់រាងកាយ និងផ្តល់ប៉ូតាស្យូមដល់រាងកាយក្នុងបរិមាណ ច្រើនទៀត។ ប៉ូតាស្យូមមានតួនាទីសំខាន់ក្នុងការរក្សាចង្វាក់បេះដូង និងរក្សាលំនឹងសម្ពាធឈាម។
យើងធ្លាប់ដឹងហើយថាផ្លែកាកាវមានប្រយោជន៍ច្រើនដល់សុខភាព ប៉ុន្តែសម្រាប់ភេសជ្ជៈសំបូរដោយសារធាតុប្រឆាំងអុកស៊ីតកម្មគឺកាន់តែមានប្រយោជន៍ដល់សុខភាពនៅពេលលាយជាមួយនឹងទឹកដោះគោដែលសំបូរដោយកាល់ស្យូម និងជួយពង្រឹងវីតាមីន Dទៀត។
ទឹក Cranberry សំបូរដោយសារធាតុប្រឆាំងអុកស៊ីតកម្មដែលអាចការពារពីជំងឺបេះដូង និងមហារីក ហើយជួយដល់បំពង់ទឹកនោម។
ទឹកក្រូចស្រស់សំបូរដោយសារធាតុចិញ្ចឹម ជាពិសេសវីតាមីន C ហើយទឹកក្រូចស្រស់ក៏មានប៉ូតាស្យូម Thiamin (វីតាមីន B1) និងកាល់ស្យូមទៀតផង ដែលល្អ ចំពោះសុខភាព។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ទូច សុខា