backup og meta
មាតិកា
ឧបករណ៍សុខភាព
រក្សាទុក
តារាងមាតិកា

Heart Valve Disease (ជំងឺ​ប្រឹសបេះដូង)

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ Leng Pechsovatey · កែ Jul 26, 2022

Heart Valve Disease (ជំងឺ​ប្រឹសបេះដូង)

និយមន័យ

១- អ្វី​ជា​ជំ​ងឺប្រឹស​បេះ​ដូង?

ជំ​ងឺ​ប្រឹស​បេះ​ដូង សំដៅ​លើ​ស្ថាន​ភាព​បេះ​ដូង​​មិន​ដំ​ណើរ​ការ​ទៅ​តាម​តួនាទី។ ជា​ធម្មតា​ប្រឹស​បេះ​ដូង​មាន​ទាំងអស់ ៤ មានតួនាទី​ដឹក​នាំឈាម​ហូរ​ឲ្យ​ត្រូវ​ទិស​ដៅ។ អំឡុង​ពេល​បេះ​ដូង​លោត​ម្ដង ប្រឹសបេះ​ដូង​ក៏​បិត ​និង​បើក​ម្ដងដូចគ្នា ប៉ុន្តែ​ពេល​តួ​នា​ទី​ប្រឹស​មិន​ដំណើរ​ការ អាច​រំខាន​ដល់​លំ​ហូរ​ឈាម បណ្តាល​ឲ្យ​ទាំង​ស្ទះ​សរសៃ​អាក់​ទែ​កា​រ៉ូទីត និង​អាច​កើត​ជំ​ងឺផ្សេងៗ​ទៀត ​ដូចជា ជំ​ងឺ​លើស​ឈាម​ និង​ខ្សោយ​បេះដូង​ជា​ដើម។

២- កើត​ឡើង​ញឹកញាប់​ប៉ុណ្ណា?

ក្នុង​ស្ថានភាព​នេះ​ច្រើន​កើត​មាន​ចំពោះ​មនុស្ស​ចាស់ តែ​ក៏​អាច​ប៉ះពាល់​ចំពោះ​មនុស្ស​គ្រប់​វ័យ។ មិន​អាច​ព្យាបាល​ជា​សះស្បើយ​នោះ​ទេ ដោយ​គ្រាន់​តែ​អាច​កាត់​បន្ថយ​ករណី​ប្រឈម​ប៉ុណ្ណោះ។

រោគសញ្ញា

៣- រោគសញ្ញាមានអ្វីខ្លះ?

អាច​មាន​រោគ​សញ្ញា អាការៈ ​ច្រើន​យ៉ាង​ខុសៗ​គ្នា​ដូច​ជា៖

– ហត់

– ញ័រ​ទ្រូង

– អស់កម្លាំង

– មិន​ស្រួលខ្លួន​ ឬឈឺទ្រូង

– សន្លប់

– ឈឺ​ក្បាល​

– ក្អក

– ហើម​សួត ​ជង្គង់ ជើង ឬ​ពោះ

– ឡើង​ទម្ងន់​គ្មាន​មូលហេតុ

– ចាល់​ជាតិ​ទឹក ​ធ្វើ​ឲ្យ​ហើម​នៅ​ផ្នែក​ចុង​នៃ​អាវយវៈ និងពោះ។

អាច​មាន​រោគសញ្ញា​ផ្សេង​ទៀត​ដែល​មិន​មាន​នៅ​ក្នុង​បញ្ចីខាង​លើ។ ​បើ​យើង​ប្រទះ​ឃើញ​រោគ​សញ្ញា​​ទាំង​នេះ ឬ​រោគសញ្ញា​គួរ​ឲ្យ​សង្ស័យ សូម​ទៅ​ពិគ្រោះ​ជាមួយ​គ្រូ​ពេទ្យ។

កម្មវិធី​ពិនិត្យ​​ជំងឺ​​មហារីក​ពោះវៀន​ធំ​អន​ឡាញ

៤- ពេល​ណា​គួរ​ទៅ​ជួប​គ្រូពេទ្យ?

បើ​យើង​មាន​រោគ​សញ្ញា​រលាក​បំ​ពង់​ក ឈឺ​ខ្លួន និង​ក្ដៅ​ខ្លួន សូម​ទៅ​ជួប​ជា​មួយ​គ្រូ​ពេទ្យ។ មនុស្ស​គ្រប់​រូប​មាន​លក្ខណៈ​ខុសៗគ្នា ប្រការ​ល្អ​ត្រូវ​ពិភាក្សា​ជាមួយ​គ្រូពេទ្យ។

មូលហេតុបង្ក

៥- អ្វីខ្លះជាមូលហេតុបង្ក?

ករណី​ខ្លះ ជំងឺ​នេះ​មាន​ពី​កំណើត យ៉ាង​ណា បញ្ហា​កើត​មាន​ញឹកញាប់​គឺ​ដោយ​សារ​ការ​ប្រើ​ថ្នាំ​ និង​បញ្ហា​ផ្សេង​ទៀត​នាំ​ឲ្យ​កើត​ជំងឺ​នេះ​ដូច​ជា៖

– រលាក​សាច់​ខាង​ក្នុង​បេះដូង ដោយ​សារ​ការ​បង្ក​រោគ

– ជា​ជំងឺ​រលាក​ដែល​បង្ក​រោគ​ដោយ​បាក់តេរី​ក្រុម Streptococcus (Rheumatic Fever)

– រីក​សរសៃ​អាកអក ហើម ឬ​ប៉ោង

– ក្រិន​សរសៃ​ឈាម

– Myxomatous Degeneration បញ្ហា​ខ្សោយ​ជាលិកា​ប្រឹស​បេះដូង​ខាង​ឆ្វេង

– ជំងឺ Lopus ជំងឺ​រ៉ាំរ៉ៃ ដែល​ប្រព័ន្ធ​ភាព​ស៊ាំ​ប្រឆាំង​ខ្លួន​ឯង​

– ជំងឺ​សរសៃ​ឈាម​បេះដូង (Coronary artery disease)

ជំងឺ​រលាក​សាច់​ដុំ​បេះដូង (Cardiomyopathy) និង​ជំងឺ​ស្វាយ

– ជំងឺ​លើ​ជាលិកា​ឈ្នាប់ (Connective Tissue disease)

– មហារីក (Tumors) ប្រភេទ​ថ្នាំ​ខ្លះ និង​កាំរស្មី (Radiation)

ជំងឺបេះដូង៥

កត្តាប្រឈម

៦- កត្តាប្រឈមមានអ្វីខ្លះ?

មនុស្ស​ប្រឈម​ខ្ពស់​កើត​ជំងឺ​នេះ​មាន៖

– មនុស្ស​ចាស់

– មិន​ហាត់​ប្រាណ

– ធ្លាប់​មាន​ប្រវត្តិ​ជំងឺ​ពាក់ព័ន្ធ​ដូចជា រលាក​សាច់ដុំ​បេះ​ដូង លើស​ឈាម រលាក​សន្លាក់។

រោគវិនិច្ឆ័យ ​និង​ការ​ព្យាបាល

ព័ត៌មាននេះមិនអាចយកទៅប្រើប្រាស់គ្រប់ប្រភេទជំងឺទេ។ គួរពិភាក្សាជាមួយគ្រូពេទ្យជំនាញសម្រាប់ព័ត៌មានបន្ថែម។

– គួរធ្វើ​រោគវិនិច្ឆ័យដោយវិធីណា?

ដើម្បី​កំណត់​រោគ​វិ​និ​ច្ឆ័យ គ្រូពេទ្យ​នឹង​ស្ដាប់​បេះដូង​តាម ស្តេតូស្កុប (Stethoscope) ដើម្បី​វាស់​កម្រិត​បេះដូង​មិន​ប្រ​ក្រ​តី​ នឹង​កំ​ណត់​បញ្ហា​ជាក់​លាក់។

ការ​ពិនិត្យ​ផ្សេង​ទៀត​មាន​ដូចជា រូបភាព​វិទ្យាសាស្ត្រ និង​មើល​ឈាម បន្ទាប់​មក​គ្រូពេទ្យ​អាច​កំណត់​ដំណើរ​ការ​នៃ​សន្ទះ​បេះ​ដូង និង​ជ្រើស​រើស​ការ​ព្យាបាល​ត្រឹមត្រូវ​មួយ។ ការ​ធ្វើ​តេស្ត​ពិនិត្យ​បេះដូង​ផ្សេង​ទៀត​មាន​ដូចជា៖

– ថត​កាំ​រស្មីអ៊ិច​នៅ​ទ្រូង៖ អាច​បង្ហាញ​រូបរាង ទំហំ ទីតាំង​បេះដូង ព្រោះ​ពេល​ខ្លះ​ជំងឺ​ប្រឹស​បេះដូង​អាច​នាំ​ធ្វើឲ្យ​បេះ​ដូង​រីក។

– អេកូ​បេះដូង ​និង​អេ​កូ​បេះដូង​តាម​បំពង់​អាហារ៖ វិធី​នេះ​គឺ​ប្រើ​រលក​សំឡេង​ដើម្បី​លម្អិត​រូបភាព និង​សរសៃ​អាក់ទែ​ជុំវិញ​បេះដូង។

– ដាក់​កាតេទែ​ចូល​ក្នុង​បេះដូង៖ វិធី​នេះ​ធ្វើ​ឲ្យ​យើង​ដឹង​ពី​ភាព​មិន​ប្រក្រតី​នៃ​លំហូរ​ឈាម​បណ្ដាល​មក​ពី​សន្ទះ បេះដូង។

៨- ព្យាបាល​ដោយ​វិធីណា?

អាស្រ័យ​លើ​ស្ថានភាព​ជំងឺ រោគ​សញ្ញា​អ្វី​ខ្លះ? ពេទ្យ​អាច​ស្នើ​សុំ​វិធី​ព្យាបាល​សក្តិសម​មួយ។ យើង​នឹង​ទទួល​ការ​ត្រួត​ពិនិត្យ​សុខភាព​ជាប់លាប់ ឈប់​ជក់​បារី និង​តាម​របប​អាហារ​មួយ​ចំនួន។

ករណី​ស្ថានភាព​ជំងឺ​មិន​ទាន់​ធ្ងន់ធ្ងរ ពេទ្យ​អាច​ឲ្យ​ថ្នាំ​ខ្លះ​ដើម្បី​ព្យាបាល​ដូចជា ពពួកថ្នាំ Beta blockers និង Calcium Channel Blockers អាចជួយគ្រប់​គ្រង​កម្រិត និង​លំហូរ​ឈាម​បេះដូង ឬអាចជាថ្នាំ​បញ្ចុះ​ទឹកនោម ថ្នាំ Vasodilators សម្រាប់​បន្ថយ​បញ្ហា​ចាល់​ទឹក ជួយ​ឲ្យ​សរសៃ​ឈាម​បេះដូង​បើក។

ករណី​ស្ថានភាព​ជំងឺ​ធ្ងន់ធ្ងរ ចាំបាច់​ទាមទារ​វះ​កាត់ រាប់​បញ្ចូល​ទាំង​ការ​វះកាត់​ជួសជុល​សន្ទះ​បេះដូង​ដោយ​ជាលិកា ប្តូរ​ប្រឹស​បេះដូង​សត្វ ប្រឹស​បេះដូង​ដែល​គេ​បរិច្ចាគ ឬ​អាច​ជា​ប្រឹស​សប្បនិម្មិត។

អត្ថបទគួរអាន៖

  • ប្រភេទអាហារទាំងនេះ មិនគួរញុំាក្នុងពេលជាមួយគ្នា អាចពិបាករំលាយ
  • អាហារយើងញ៉ាំត្រូវការពេលប៉ុន្មានទើបរំលាយអស់?​
  • ម៉េចបានកើតស្ត្រេស អាចបង្កឲ្យ​មានបញ្ហាក្រពះពោះវៀន?
  • ដើរបន្តិចបន្តួចក្រោយញ៉ាំអាហារ​មានប្រយោជន៍ដល់ក្រពះពោះវៀន
  • ញ៉ាំផ្លែម្នាស់អាចជួយពង្រឹងប្រព័ន្ធភាពស៊ាំ និងប្រព័ន្ធរំលាយអាហារ
  • ផ្លាស់ប្តូរទម្លាប់​រស់នៅ

    ៩- ទម្លាប់រស់នៅ

    ផ្លាស់ប្តូរទម្លាប់រស់នៅ និងវិធីព្យាបាលនៅផ្ទះ អាចជួយបង្ការ និងគ្រប់គ្រងស្ថានភាពជំងឺបាន ដូចជា៖

    – ទៅ​ពេទ្យ​បើ​មាន​សញ្ញា​ឆ្លង​រោគ

    – ថែ​រក្សា​ធ្មេញ​ និង​អញ្ចាញ​ធ្មេញ​

    – លេប​ថ្នាំ​ផ្សះ បើ​មាន​ឈាម​ហូរ

    – លេប​ថ្នាំ​តាម​វេ​ជ្ជបញ្ជា

    – ទៅ​ពេទ្យ​ឲ្យ​ទៀងទាត់

    – ដឹង​ពី​ប្រភេទ និង​ស្ថានភាព​ជំងឺ

    – ប្រាប់​ពេទ្យ​ពី​ស្ថាន​ភាព​ជំងឺ ពិសេស​ពេទ្យ​ធ្មេញ។

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ Leng Pechsovatey · កែ Jul 26, 2022

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម