Wood Apple (ខ្វិត)

ដោយ ត្រួតពិនិត្យដោយ Kim Kanel

ស្វែង​យល់​ពី​ការ​ប្រើប្រាស់

១- ខ្វិត​អាច​ប្រើ​ដើម្បី​អ្វី?

ខ្វិត​ជា​ដើម​ឈើ​ធំ​មធ្យម ផ្លែមាន​សម្បក​រឹង​គ្រើម មាន​ពណ៌​ប្រផេះ​ អាច​ញ៉ាំ​សាច់​​បាន​ ហើយ​នៅ​ពេល​ខ្ចី​មាន​រស់​ជាតិ​ចត់​ជូរ នៅ​ពេល​ទុំ​មាន​រស​ជាតិ​ផ្អែម​ជូរ។ ផ្នែក​របស់​រុក្ខជាតិ​នេះ​ ប្រើ​ដើម្បី​ព្យាបាល​ដូច​ជា៖
– សារជាតិ​ចម្រាញ់​ចេញ​ពី​ផ្លែ៖ ព្យាបាល​អាការៈ​ធុំអាហារ អាហារ​មិន​រលាយ ចេញ​ទឹក​មាត់​ច្រើន ពង​មាត់ ឈឺ​មាត់។
– សម្បក​ដើម​និង​សាច់​ផ្លែ៖ បិត​ព្យាបាល​សត្វ​ទិច​ឬ ខាំ។
– បន្លា​៖ ប្រើ​ឆុង​ទឹក​ផឹក ព្យាបាល​ធ្លាក់​ឈាម។
– ស្លឹក៖ ដាំ​ទឹក​ផឹក ​ព្យាបាល​អាហារ​មិន​រលាយ បុក​បិត​ពី​លើ​ភ្នែក ​ព្យាបាល​ភ្នែក​ឈឺ​ក្រហម​។

២- វា​ដំណើរ​ការ​ម៉េច?

សូម​ពិគ្រោះ​ជាមួយ​អ្នក​ឯកទេស​ឱសថ​រុក្ខជាតិ ​ឬ​គ្រូពេទ្យ​សម្រាប់​ព័ត៌មាន​បន្ថែម ព្រោះ​ក្នុង​រុក្ខជាតិ​នេះ​មាន​សារធាតុ​គីមី ដូច​ជា៖

– ផ្លែ​ខ្ចី (សាច់​ផ្លែ ១០០ ក្រាម)៖ ជាតិ Pectine ​ពី ២-៥ ភាគរយ ជាតិ​ទឹក ៧៤% Protide ៨ក្រាម ជាតិ Lipid ១,៥ក្រាម កាបូអ៊ីដ្រាត ៧,៥ក្រាម ជាតិ​ផេះ ៥ ក្រាម។
– គ្រាប់ (១០០ក្រាម) ៖ ជាតិ​​ទឹក ៤ក្រាម ជាតិ Protide ២០ក្រាម ជាតិ Lipid ២៧ ក្រាម កាបូអ៊ីដ្រាត ៣៥ក្រាម និង​ផេះ ៥​ ក្រាម។
– សាច់​ខ្វិតក្រៀម ៖ មាន​ អាស៊ីដ Citrique ១៥% និង​មាន​ជាតិ ប៉ូតាស្យូម កាល់ស្យូម អំបិល​ និង​ជាតិ​ដែក តិច​តួច។
– ស្លឹក៖ មាន​ជាតិ​ប្រេង ០,៧ ភាគរយ។

កត្តា​គួរ​ប្រុង​ប្រយ័ត្ន

៣- មុន​ប្រើ​គួរ​ដឹង​អី​ខ្លះ?

ប្រឹក្សា​យោបល់​ជាមួយ​គ្រូពេទ្យ​ ឬ​ឱសថ​ការី​ ​អ្នក​ឯកទេស​ឱសថ​រុក្ខជាតិ​ប្រសិន​បើ៖

– ស្រ្តី​មាន​គភ៌​ ឬ​បំបៅ​ដោះ​ព្រោះ ​នៅ​ពេល​កំពុង​ចង់​បាន​កូន ​ឬ​​បំបៅ​ដោះ​ ​គួរ​តែ​ប្រើ​ថ្នាំ​តែ​មួយ​មុខ​ណា ដែល​មាន​ការ​ណែនាំ​ដោយ​គ្រូពេទ្យ​ជំនាញ​ប៉ុណ្ណោះ។
– កំពុង​ប្រើប្រាស់​ថ្នាំ​ផ្សេងៗ​  រាប់​បញ្ចូល​ទាំង​ថ្នាំ​មាន ឬ​​គ្មាន​វេជ្ជ​បញ្ជា។
– ​ធ្លាប់​មាន​ប្រតិកម្ម​អាលែកហ្ស៊ី​ជាមួយ​​ខ្វិត ​ឬ​ថ្នាំពេទ្យ ​ឱសថ​រុក្ខជាតិ​ផ្សេងៗ​ទៀត។
– មាន​ជំងឺ​ ឬ​ស្ថានភាព​សុខភាព​ផ្សេងៗ។
– ​ធ្លាប់​មាន​ប្រតិកម្មអាលែកហ្ស៊ី​ប្រភេទ​ផ្សេង​ទៀត ​ដូចជា​ ជាមួយ​​ អាហារ សារធាតុ​ពណ៌ សារធាតុ​រក្សា​អាហារ ឬសត្វ។

លក្ខខណ្ឌ​ចុះ​បញ្ជី​ការ​ផ្លូវ​ច្បាប់​សម្រាប់​ឱសថ​រុក្ខជាតិ ​មិន​តឹង​រ៉ឹង​​ដូច​ការ​ចុះ​បញ្ជី​ការ​ផ្លូវ​ច្បាប់​ទៅ​លើ​ថ្នាំពេទ្យ​ទេ។ ដូច​នេះ​ គួរ​តែ​មាន​ការ​សិក្សា​បន្ថែម​ពី​សុវត្ថិភាព​លើ​ឱសថ​ទាំង​នេះ។ ​ត្រូវ​ប្រាកដ​ថា​ អត្ថប្រយោជន៍​នៃ​ការ​ប្រើ​ថ្នាំ​នេះ​ ខ្ពស់​ជាង​កត្តា​ប្រឈម។ សូម​ពិគ្រោះ​ជាមួយ​គ្រូពេទ្យ​សម្រាប់​​ព័ត៌មាន​បន្ថែម។

ស្វែង​យល់​ពី​ផលរំខាន

៤- មាន​ផល​រំខាន​អី​ខ្លះ?

​បើ​​មាន​ការ​បារម្ភ​ពី​ផល​រំខាន​ណា​មួយ​ សូម​ពិភាក្សា​ជាមួយ​គ្រូពេទ្យ ឬ​គ្រូ​ឱសថ​បុរាណ។

អត្ថបទពាក់​ព័ន្ធ៖

ស្វែង​យល់​ពី​អន្តរកម្ម​ថ្នាំ

៥-​ មាន​អន្តរកម្ម​ជាមួយ​អីខ្លះ?

​ខ្វិត​អាច​មាន​អន្តរកម្ម​ជាមួយ​ថ្នាំ​យើង​កំពុង​​ប្រើប្រាស់​បច្ចុប្បន្ន​ ឬ​ស្ថានភាព​ជំងឺ​យើង​កំពុង​មាន។ ប្រឹក្សា​យោបល់​ជាមួយ​អ្នក​ឯកទេស​ឱសថ​រុក្ខជាតិ​ ឬ​គ្រូពេទ្យ​មុន​ធ្វើ​ការ​ប្រើប្រាស់។

ស្វែង​យល់​ពី​កម្រិត​ថ្នាំ

ព័ត៌មានទាំងនេះ មិនបានរាប់ជាការណែនាំរបស់គ្រូពេទ្យនោះទេ។ ត្រូវតែពិភាក្សាជាមួយគ្រូពេទ្យ ឬឱសថការី មុនពេលចាប់ផ្តើមប្រើប្រាស់ថ្នាំប្រភេទនេះ។

៦- កម្រិត​ប្រើ​ធម្មតា​ម៉េច​ដែរ?

កម្រិត​ដូស ​ក្នុង​ការ​ប្រើប្រាស់​ផ្លែ​ខ្វិត​ អាច​មាន​លក្ខណៈ​ខុស​គ្នា​សម្រាប់​អ្នក​ជំងឺ​ម្នាក់ៗ។ កម្រិត​​​ប្រើប្រាស់​អាស្រ័យ​លើ​កត្តាអាយុ​ សុខភាព ​និង​ស្ថានភាព​រាងកាយ​មួយ​ចំនួន​ទៀត។ ឱសថ​រុក្ខជាតិ​ មិន​មែន​តែង​មាន​សុវត្ថិភាព​ទាំង​អស់​នោះ​ទេ​ ហេតុ​នេះ ​សូម​ប្រឹក្សា​យោបល់​ជាមួយ​អ្នក​ឯកទេស​ឪសថ​រុក្ខជាតិ​ ឬ​គ្រូពេទ្យ​ជំនាញ​​ជាមុន​សិន។

៧- ទម្រង់​ខ្វិតមាន​អ្វី​ខ្លះ?

– ផ្លែ​
– សម្បក​ដើម
– ស្លឹក

ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខ​ភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជា​មួយ​ពេទ្យ​ជំនាញ។ Hello Health Group មិនចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ចុចស៊ែរឥឡូវនេះ

ត្រួតពិនិត្យថ្ងៃទី ខែ​ឧសភា 23, 2019 | កែសម្រួលចុងក្រោយ ខែ​ឧសភា 23, 2019

ប្រភព
អ្នកអាចចូលចិត្ត