backup og meta

​ព្យាបាល​មហារីកសុដន់ ស្រាប់​តែ​លែង​ឃ្លានអី គួរធ្វើម៉េចទៅ​?

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ Duk Panharat · កែ Nov 15, 2019

    ​ព្យាបាល​មហារីកសុដន់ ស្រាប់​តែ​លែង​ឃ្លានអី គួរធ្វើម៉េចទៅ​?

    គ្នា​យើង​ដឹង​អត់? ក្រោយ​ការ​ព្យាបាល​មហារីក អាច​ជះឥទ្ធិពល ដល់​ការ​ឃ្លាន ឬ​ការ​ញ៉ាំ​បាន។ អ្វី​ធ្វើ​ឲ្យ​មាន​​បម្រែ​បម្រួល​ការ​ញ៉ាំ​ពេល​ព្យាបាល​ជំងឺ​មហារីក?​ ការ​ផ្លាស់​ប្តូរ​នេះ​មិន​ទូទៅ​ទាំងអស់​ទេ ការ​ដែល​ញ៉ាំ មិន​ចូល ឬ​ពិបាក​ញ៉ាំ ​​ដោយ​សារ​តែ​ដូរ​រសជាតិ​ និង​ក្លិន​នៃ​ម្ហូប ឬ ដោយ​សារ​បញ្ហា​មួយ​ចំនួន​ទៀត ដូចជា៖

    – នឿយ​ហត់​ក្រោយពីការ​វះកាត់​

    – ព្យាបាល​ដោយ​ការ​បាញ់​កាំរស្មី​

    – ព្យាបាល​ដោយ​អ័រម៉ូន​

    – ការ​ព្យាបាល​ដោយ​សាធាតុ​គីមី​ ក៏​អាច​ដូរ​ការ​ញ៉ាំអ្នក​ជំងឺ​បាន​ដែរ​ ផ្អែកលើ ​របៀប​នៃ​ការ​ញ៉ាំ​ថ្នាំ​នោះ​ និង​ប្រភេទ​ថ្នាំ​ ដូចជា ​​ពពួក ​Adriamycin, ​Cytoxan, ​Doxil ​ឬ​ Methotrexate។ ​​

    ១-​ គួរ​ធ្វើម៉េច?​

    កុំ​បណ្តោយ​ឲ្យ​ការ​ញ៉ាំ​មិន​ចូល​ធ្វើ​ឲ្យ​រាងកាយ​យើងចុះ​ខ្សោយ។​ ព្យាយាម​ញ៉ាំ ទោះ​មិន​ឃ្លាន​ក៏​ដោយ ព្រោះ​ពោះ​ទទេ អត់​ចំណី នឹង​ធ្វើ​ឲ្យ​រាងកាយ​ចុះខ្សោយ គ្មាន​កម្លាំង​កំហែង ហើយ​ធ្វើ​ឲ្យ​ជំងឺផ្សេងៗ ​អាច​ជ្រាតចូល​បាន ប្រសិន​បើ​មាន​ឱកាស (ជំងឺឱកាស​និយម) ក្រៅ​ពី​មហារីក កំពុង​មាន។​

    ២- ព្យាយាមញ៉ាំទោះញ៉ាំ​មិនឃ្លាន

    ក្រោយ​ការ​ព្យាបាល​​ យើង​គ្មាន​អារម្មណ៍​ថា​ឃ្លាន ឬ​ចង់ញ៉ាំ​​អី​ទេ ដែល​ធ្វើ​ឲ្យ​រាងកាយ​​ចុះ​ទន់​ខ្សោយ​ ​មិនអាច​ប្រឆាំង​នឹង​ជំងឺ​មហារីក ​ក៏​ដូចជា​ផល​រំខាន​នៃ​ការ​ព្យាបាល។​ ​​អាច​សាក​ធ្វើតាម​ជំហាន​ខាង​ក្រោម​បាន៖​

    – ញ៉ាំ​អាហារ​ចាន​តូចៗ​ ៥-៦ ដង/ថ្ងៃ​

    – ញ៉ាំ​អាហារ​ដែល​ចូល​ចិត្ត​

    – សាក​អាហារ​ថ្មីៗ​ ព្រោះ​​អាច​​​ចូលចិត្ត​

    – កុំ​ញ៉ាំ​ទឹក​ពេលបាយ​ ព្រោះធ្វើ​ឲ្យ​ឆាប់​ឆ្អែត

    – ញ៉ាំ​អាហារ​សម្រន់ ដូចជា​ នំស្រួយ ​ផ្លែឈើ​ ៥-៦ ដង​ ពេលណា​ក៏​បាន​

    – ហាត់​ប្រាណ​ ព្រោះជួយ​ឲ្យ​រាងកាយ​​​រឹងមាំផង​ និង​ឆាប់​ឃ្លាន​ផង​

    – ញ៉ាំ​ប្រភេទ​អាហារ​ត្រជាក់ ​ដូចជា​ យ៉ៅអួរ​ ព្រោះ​វាឆ្ងាញ់​ហើយ​ល្អចំពោះ​សុខភាព​ទៀត​

    – បង្កើត​ភាព​រីករាយ​ពេលញ៉ាំ​បាយ​ ដូចជា​ ញ៉ាំ​ជាមួយ​មនុស្ស​ជាទី​​ស្រលាញ់ ​ស្តាប់​បទ​ចំរៀង​ ឬ​មើល​ទូរស្សន៍​។

    ៤- ញ៉ាំ​ច្រើន​ជាង​មុន​

    គួរ​ញ៉ាំ​ឲ្យ​បាន​ច្រើន​ជាង​មុន​បន្តិច ប៉ុន្តែអាច​ជា​រឿង​អត់​ល្អ  ព្រោះធ្វើ​ឲ្យឡើង​គីឡូ។ រក្សា​​គីឡូឲ្យ​បាន​ថេរ​ ​ល្អចំពោះ​សុខភាព។​

    – ញ៉ាំ​ទឹក​ឲ្យ​បាន​ច្រើន​ ជា​ពិសេស​ពេល​ឃ្លាន

    -​ ផ្លាស់​ប្តូរ​របបអាហារ​ និង​ការ​ញ៉ាំ​មិន​ចូល​អាច​ជា​បញ្ហា​ធំ ​បើ​​​មិន​ដោះស្រាយ​

    – យក​ពពួក​អាហារ​មាន​កាឡូរី​ទាបតាម​ខ្លួន ​ដូចជា ​ទំពាំង​បាយ​ជូក្រៀម​ ផ្លែ​ប៉ោម​ ការ៉ុត​ តែ​រសជាតិ​ផ្លែឈើ

    – ជ្រើស​យក​អាហារ​​មាន​ជីវជាតិ​គ្រប់គ្រាន់​ ដូចជា ​ផ្លៃឈើ​ បន្លែ​ និង​គ្រាប់​ធញ្ញជាតិ​ ព្រោះ​វាសម្បូរ​​វីតាមីន​ និង​សារធាតុរ៉ែ។​ ម៉្យាង​វិញ​ទៀត​ ញ៉ាំ​ផ្លែឈើ​មុន​ពេល​បាយ​ អាច​ជួយ​ឲ្យ​​​ឆ្អែត​បាន។​

    ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត​ សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគ​វិនិច្ឆ័យ ឬ​​ព្យាបាល​ជូន​ទេ។

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ Duk Panharat · កែ Nov 15, 2019

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម