- មានកាឡូរីទាប
- សម្បូរវីតាមីន K
- សម្បូរកាល់ស្យូម
- សម្បូរជាតិដែក
ញ៉ាំសារាយសមុទ្រ ល្អចំពោះសុខភាពយើងម៉េចខ្លះ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
បន្លែសមុទ្រស្ទើរគ្រប់មុខ ផ្ទុកសារធាតុចិញ្ចឹមខ្ពស់ ហើយច្រើនមែនទែនសម្រាប់តម្រូវការក្នុងរាងកាយនឹកស្មានមិនដល់។ រាងកាយយើងត្រូវការវីតាមីន ប្រូតេអ៊ីន និងរ៉ែពីក្នុងបន្លែសមុទ្រ ដើម្បីរាងកាយកាន់តែមានសុខភាពល្អមាំមួន ជាពិសេសសារាយសមុទ្រតែម្ដង។ ចុះសារាយសមុទ្រមានប្រយោជន៍អីខ្លះ?
១- មានកាឡូរីទាប
សម្រាប់អ្នកអត់ចង់ឡើងគីឡូ ឬសម្រកគីឡូ ញ៉ាំសារាយសមុទ្រ គឺល្អ ព្រោះកាឡូរីទាប ហើយមួយពែងផ្ដល់កាឡូរីតិចជាង ២០ កាឡូរី។
២- សម្បូរវីតាមីន K
វីតាមីន K ជាជីវជាតិចិញ្ចឹម រលាយក្នុងខ្លាញ់ដែលធ្វើការជាមួយបា្លកែត នៅក្នុងដំណើរការបង្កើតកំណកឈាម។ កង្វះវីតាមីន K នឹងបណ្ដាលឲ្យមានបញ្ហាមិនល្អ ពិបាកបញ្ឈប់ការហូរឈាមពេលរបួស ឬយើងហៅថា ឈាមអត់កក។ តាមការណែនាំ វីតាមីន K គឺ ១២០ មីក្រូក្រាមសម្រាប់ប្រុសៗ និង ៩០ មីក្រូក្រាមសម្រាប់ស្រីៗ។
សារាយសមុទ្រ ជារោងចក្រផលិតថាមពលនៃវីតាមីន។ មួយពែងនៃសារាយខេល (kelp) ដែលជាប្រភេទមួយនៃសារាយសមុទ្រ មានវីតាមីន K ប្រមាណ ២៦,៤ មីក្រូក្រាម ស្មើនឹង ២២% នៃតម្រូវការរាងកាយរបស់មនុស្សប្រុស និង ២៩% នៃតម្រូវការរាងកាយរបស់រាងកាយ ។ ប្រភេទសារាយសមុទ្រផ្សេងៗទៀត មានផ្ទុកវីតាមីន K រួមមានសារាយវ៉ាកាមេ (wakame) និងស្ពីរ៉ូលីណា។
ចង់គណនារង្វាស់ចង្វាក់បេះដូង ចុចទីនេះ!
៣- សម្បូរកាល់ស្យូម
ជារ៉ែខនិជដែលចាំបាច់សម្រាប់ការបំពេញមុខងាររាងកាយបានល្អ។កាល់ស្យូមគ្រប់គ្រាន់ ជួយឆ្អឹង ធ្មេញ សាច់ដុំឲ្យកាន់តែរឹងមាំ ហើយការប្រាស្រ័យទាក់ទងរបស់កោសិកា និងប្រព័ន្ធសរសៃប្រសាទកាន់តែល្អ និងស៊ីចង្វាក់គ្នា។ សារាយសមុទ្រខេល (kelp) និងវ៉ាកាមេ (wakame) មានកាល់ស្យូមប្រហែល ៦០ មិល្លីក្រាម ស្មើនឹង ៦% នៃតម្រូវការរាងកាយក្នុងមួយថ្ងៃ។
៤- សម្បូរជាតិដែក
ជាតិដែកជួយផលិតថាមពលសម្រាប់រាងកាយ ដើម្បីធ្វើសកម្មភាពប្រចាំថ្ងៃ។ ជាតិដែក ក៏ចូលរួមចំណែកដល់ប្រព័ន្ធរបត់ឈាមដែលមានសុខភាពល្អ ដោយសារវាធ្វើឲ្យប្រសើរដល់លំហូរឈាមទៅកាន់ជាលិកា។
បើខ្លួនប្រាណយើងខ្វះជាតិដែក អាចប្រឈមជំងឺស្លេកស្លាំង ចេះតែអស់កម្លាំង និងដង្ហើមហត់ ឬដង្ហក់។ ស្រីៗត្រូវការជាតិដែក ១៨ មិល្លីក្រាមក្នុងមួយថ្ងៃ ឯបុរសវិញត្រឹម ៨ មិល្លីក្រាមគ្រប់គ្រាន់។ ក្នុងមួយពែងៗនៃសារាយសមុទ្រខេល (kelp) មានជាតិដែក ១,១ មិល្លីក្រាម ឯសារាយវ៉ាកាមេ (wakame) វិញមាន ០,៨ មិល្លីក្រាម។
អត្ថបទគួរអាន៖
៥- ម្ហូបចម្អិនជាមួយសារាយសមុទ្រ
សារាយសមុទ្រ ជាអាហារសម្រាប់សម្ល ស៊ុប និងញាំបន្លែ។ វាមានតាមប្រភេទ តែសំខាន់យើងអាចយកទៅផ្សំ ឬលៃលកតាមអ្វីយើងចូលចិត្ត មិនថាស្ល ធ្វើស៊ុប ឬថែមថយលើម្ហូបផ្សេង។
ចំណុចសំខាន់
រាងកាយយើងត្រូវការវីតាមីន ប្រូតេអ៊ីន និងរ៉ែពីក្នុងបន្លែសមុទ្រ ដើម្បីរាងកាយកាន់តែមានសុខភាពល្អមាំមួន ជាពិសេសសារាយសមុទ្រតែម្ដង។ ចុះសារាយសមុទ្រមានប្រយោជន៍អីខ្លះ?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម