សម័យមុន សាក់ចិញ្ចើម ជាចំណូលចិត្តរបស់ស្រីៗវ័យកណ្តាល ប៉ុន្តែសម័យនេះ វ័យក្មេងក៏ចូលចិត្តសាក់ចិញ្ចើមដែរ។ យ៉ាងណាក៏ដោយ គួរស្វែងយល់ពីគុណសម្បត្តិ និងគុណវិបត្តិ មុនសម្រេចចិត្តសាក់ចិញ្ចើម។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
សម័យមុន សាក់ចិញ្ចើម ជាចំណូលចិត្តរបស់ស្រីៗវ័យកណ្តាល ប៉ុន្តែសម័យនេះ វ័យក្មេងក៏ចូលចិត្តសាក់ចិញ្ចើមដែរ។ យ៉ាងណាក៏ដោយ គួរស្វែងយល់ពីគុណសម្បត្តិ និងគុណវិបត្តិ មុនសម្រេចចិត្តសាក់ចិញ្ចើម។
ការសាក់ចិញ្ចើមកំពុងពេញនិយមខ្លាំង ដោយបច្ចុប្បន្ន មានច្រើនប្រភេទ ដូចជា សាក់ចិញ្ចើមបែប 3D និងសាក់ពណ៌ទឹកក្រូច (Pigment Embroidery) មនុស្សមួយចំនួនហៅថា Microblading Embroidery។
អំឡុងទសវត្សឆ្នាំ ៦០-៧០ ការសាក់ចិញ្ចើម គឺប្រើទឹកពណ៌ខ្មៅលាយខៀវ តែយូរទៅនឹងហើរពណ៌អស់។ បច្ចុប្បន្ន ដោយសារបច្ចេកវិទ្យាកាន់តែទំនើប គេប្រើបច្ចេកទេសចាក់ម្ជុលចូលក្នុងស្បែក ធ្វើឲ្យមើលទៅដូចចិញ្ចើមធម្មជាតិពិតៗ ស៊ីគ្នាជាមួយស្បែក និងសក់តែម្តង។ ការសាក់ចិញ្ចើម មានប្រយោជន៍ចំពោះស្រីៗមានចិញ្ចើមស្ដើង ចង់បានចិញ្ចើមក្រាស់ ឬកាន់តែខ្មៅជាងមុន។
អ្វីត្រូវធ្វើ គឺត្រូវឲ្យច្បាស់ក្នុងចិត្តថា គួរទៅរកសេវាកម្មសាក់ចិញ្ចើមនៅទីណាទើបល្អ ហាងកែសម្ផស្សមានសេវាកម្មនេះ គួរឲ្យទុកចិត្តដែរទេ? ហើយពេលវេលាណាសមស្របសម្រាប់យើង ខណៈព័ត៌មានទាំងអស់នេះ អាចស្វែងរកបានតាមអ៊ីនធឺណិត ឬទស្សនាវដ្តី ក៏ដូចជាបណ្តាញសង្គមផងដែរ។ ចាំថា មិនគួរសាក់ចិញ្ចើម ១ថ្ងៃ មុនពេលទៅលេងសមុទ្រនោះទេ។ មួយទៀត ចំពោះតម្លៃ អាចប្រែប្រួលទៅតាមទឹកដៃជាង និងបទពិសោធ ក៏ដូចជាយីហោហាង ជាដើម។
សាក់ចិញ្ចើម មានគុណសម្បត្តិជួយស្រីៗអស់ក្ដីកង្វល់នឹងបញ្ហាកោររោមចិញ្ចើម។ មិនចាំបាច់ខ្ជះខ្ជាយលុយទាំងដុលទៅលើផលិតផលកែសម្ផស្ស ដូចជា ក្រែម និងម្សៅលាបរោមចិញ្ចើមជាដើម។ អាចចំណេញពេលដល់ទៅ ២០នាទី រៀងរាល់ថ្ងៃ ដោយមិនបារម្ភអំពីការតុបតែងចិញ្ចើមមុនចេញទៅណាម្តងៗ។ ជប់លៀងលើឆ្នេរខ្សាច់ ក្រោមកម្ដៅថ្ងៃខ្លាំង ក៏លែងជាក្ដីបារម្ភដូចគ្នា។
អត្ថបទពាក់ព័ន្ធ៖
គុណវិបត្តិចម្បង គឺសុវត្ថិភាពយើងតែម្តង បើមានការថ្លោះធ្លោយ ធ្វើឲ្យមុខមើលទៅមិនស្អាត ឬអាចឆ្លងរោគពីការម្ជុលសាក់ក៏មាន។ ចាំថា ការសាក់ចិញ្ចើម ចាត់ទុកថាមានសុវត្ថិភាព ដរាបណាយើងទៅហាងកែសម្ផស្សដែលមានគុណភាព និងកេរ្តិ៍ឈ្មោះល្អ។
បើទៅរកហាងកែសម្ផស្សមានតម្លៃថោក គ្មានគុណភាព ត្រូវប្រាកដថា ឧបករណ៍ប្រើសាក់ចិញ្ចើមទាំងនោះ មានសម្លាប់មេរោគត្រឹមត្រូវ ឬការព្យាបាលក្រោយសាក់ចិញ្ចើម អាចបង្ការឆ្លងរោគ ដូចជា ប្រតិកម្មអាលែកហ្ស៊ីដែរឬទេ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕