បញ្ហាឡើងមុន ស្ទើរតែគ្រប់គ្នាទាំងស្រីទាំងប្រុសសុទ្ធតែជួបប្រទះ។ ប៉ុន្តែ អ្នកខ្លះមានបញ្ហាធ្ងន់រហូតដល់មានស្នាមខូងក្រោយកើតមុនទៀតផង។ អ៊ីចឹង “Hello គ្រូពេទ្យ” នឹងប្រាប់លម្អិតពីបញ្ហានេះ ក្រែងលោអាចជាគន្លឹះឲ្យបានដឹង។
ស្បែកមុខខូងដោយសារមុន អាចស្អាតវិញ ឲ្យតែដឹងវិធីព្យាបាលត្រឹមត្រូវ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- មូលហេតុបង្កឲ្យមានមុន
កត្តាផ្សេងៗរួមចំណែកឲ្យកើតមុន រួមមាន ការបញ្ចេញក្រពេញខ្លាញ់កើនឡើង ការកកើតកោសិកាខ្លាញ់ ជំងឺដុំពកស្បែកដោយសារចាល់ផ្តុំជាតិការ៉េទែន នៅក្នុងរន្ធរោម ដែលកត្តានេះជំរុញឲ្យមានការរលាក និងការបញ្ចេញអ័រម៉ូនមិនប្រក្រតី។ ជំងឺមុនច្បាស់ជាបន្សល់ទុកនូវស្លាកស្នាម ហើយសម្លាកមុន តាមធម្មតាជាកាកសរសៃខូឡាជែន ដែលលេចឡើងនៅខាងក្នុងស្រទាប់ស្បែក។
ចង់ពិនិត្យជំងឺមហារីកមាត់ស្បូន ចុចទីនេះ!
២- ទម្រង់សម្លាកបង្កដោយសារមុន
ទម្រង់សម្លាកមុន រួមមានផ្ទាំងស្បែកពពាល ការប្រែសម្បុរស្បែកខុសធម្មតា សម្លាករបស់ជាលិកា និងការបាត់បង់ជាលិកា។
- ផ្ទាំងស្បែកពពាលមានលក្ខណៈសំប៉ែត ដោយមានចំណុចពណ៌ក្រហម បញ្ជាក់ថា កន្លែងនោះធ្លាប់មានមុនកើតម្តងហើយ។
- ប្រែប្រួលសម្បុរស្បែកខុសធម្មតា កើតមានឡើងនៅពេលស្នាមអុជលើស្បែកមានពណ៌ ប្រែប្រួលរាងខុសប្លែក ហើយមុនដែលជាសះស្បើយ ហៅថាការប្រែពណ៌ដោយសាររលាក។
- សម្លាកជាលិកា សភាពហាក់ដូចជាជាលិការីកធំ ត្រូវគេហៅថាផ្លែសាច់ ឬសម្លាកដោយសារជាលិការីកមាឌប៉ោងធំខុសធម្មតា ដោយសារលើសជាតិខូឡាជែននៅក្នុងស្បែកយើង។
- ការបាត់បង់ជាលិកា ជាបញ្ហាឃើញមានញឹកញាប់ជាងសម្លាកជាលិកា ដោយសម្លាកទាំងនោះ មានសភាពខូង មានរន្ធប្រហោងតូចៗនៅលើផ្ទៃស្បែក។
នៅមានឈ្មោះសម្លាកផ្សេងទៀត ដូចជា មុខខ្មូតស៊ី សម្លាកផុងដោយសារជាលិកាសរសៃកកើតឡើងវិញច្រើន សម្លាកទន់ ការរួញស្វិតផ្ទាំងនៃរន្ធរោម និងផ្ទាំងស្បែកដែលស្វិតរួញ។
៣- វិធីព្យាបាលសម្លាកមុន
ពិគ្រោះជាមួយវេជ្ជបណ្ឌិតឯកទេសផ្នែកសើស្បែក ដើម្បីទទួលបានការព្យាបាលត្រឹមត្រូវ សម្អាតយកចេញនូវសម្លាកមុនជ្រៅឲ្យអស់ពីមុខយើង។ វិធីព្យាបាលមានច្រើនប្រភេទដូចជា៖
– ខាត់ស្នាមខូងឲ្យស្មើ៖ វិធីនេះត្រូវចាត់ទុកមានប្រសិទ្ធភាព ដើម្បីសម្អាតយកចេញសម្លាក ដោយប្រើប្រាស់ម៉ូទ័រខាត់ ឬឧបករណ៍ដទៃទៀត ទៅបន្ថយជម្រៅសម្លាកលើមុខ។ វិធីនេះប្រើពេលប៉ុន្មានថ្ងៃ ដើម្បីឲ្យជាសះស្បើយ។ ស្បែកយើងនឹងឡើងពណ៌ក្រហម ហើម ក្រោយព្យាបាល។ ខុសពីការខាត់កោសសម្អាតស្បែកដោយម៉ូទ័រខាត់ ខាត់កោសសម្អាតស្បែកកម្រិតស្រាល ជាវិធីព្យាបាលមួយផ្សេងទៀត។ ដើម្បីសម្អាតយកចេញផ្ទៃស្បែកសម្លាកចេញ អ្នកឯកទេសរោគសើស្បែក នឹងបាញ់ជាតិគ្រីស្តាល់តូចៗជាច្រើន ដើម្បីជំនួសឲ្យជក់ខាត់របស់ម៉ូទ័រ និងត្រូវការព្យាបាលលើសពីមួយដងដើម្បីសម្អាតយកសម្លាកចេញ។
– បកស្បែកដោយប្រើសារធាតុគីមី៖ បកស្បែកដោយប្រើជាតិថ្នាំគីមី ដើម្បីលុបបំបាត់ចោលសម្លាកមុនរាក់ៗ និងពណ៌ស្បែកដែលឡើងក្រមៅខ្លាំងខុសធម្មតា ក្រោយមានការរលាក។ វិធីនេះត្រូវធ្វើឡើងដោយគ្រូពេទ្យទូទៅ មានវេជ្ជបណ្ឌិត គិលានុប្បដ្ឋាយិកា ឬអ្នកឯកទេសថែរក្សាសម្រស់។
វិធីព្យាបាល រួមមាន ការប្រើប្រាស់សារជាតិអាស៊ីដមួយចំនួន ដើម្បីបកយកស្រទាប់ក្រៅស្បែក ដោយអាចប្រើពេលប៉ុន្មានថ្ងៃ។ ការស្រាវជ្រាវបង្ហាញថា បកស្បែកជម្រៅមធ្យមដោយជាតិគីមី អាចជួយជម្រះសម្លាកមុនចន្លោះពី ៥១-៧៥%។ សម្រាប់សម្លាកជាលិកាខ្លះ វិធីនេះក៏មិនអាចសម្អាតយកចេញបានដែរ។ ករណីដូចជាសម្លាកផ្លែសាច់ នឹងត្រូវព្យាបាលដោយការលាបក្រែមមានជាតិអាស៊ីដ រេទីណូអ៊ិច ដើម្បីកាត់បន្ថយដុំសាច់ពកដែលចុះចេញ។
– ចាក់ថ្នាំបំពេញសម្លាក៖ ប្រើប្រាស់ថ្នាំចាក់បំពេញឲ្យប៉ោង ក៏ជាវិធីព្យាបាលឧស្សាហ៍ឃើញប្រើជាញឹកញាប់ដូចគ្នា។ សារធាតុខូឡាជែន អាស៊ីដ ហាយ៉ាលូរ៉ូនិក ឬខ្លាញ់ ត្រូវបានប្រើប្រាស់ដើម្បីបំពេញស្នាមសម្លាក ជាពិសេសសម្រាប់សម្លាកទាំងឡាយ ដែលមានស្បែកមានសភាពស្រុតខូង។ ចាក់ថ្នាំបំពេញបំប៉ោង ត្រូវធ្វើឡើងម្តងហើយម្តងទៀត ដោយប្រើពេលប៉ុន្មានខែ អាស្រ័យទៅលើប្រភេទផលិតផល។
– ព្យាបាលដោយវះកាត់៖ វិធីនេះប្រើសម្រាប់គ្នាយើងសម្លាកមុនខូងសាច់ ហើយការវះកាត់ស្បែកនឹងត្រូវបានធ្វើឡើងដោយកាត់ចោលសម្លាក បន្ទាប់មកដេរ ឬការផ្សាំជួសស្បែក។ សម្លាកថ្នេរដេរត្រូវបានសម្អាតយកចេញយ៉ាងងាយ ដោយប្រើពន្លឺកាំរស្មី ដើម្បីសម្អាតរៀបចំស្រទាប់ផ្ទៃស្បែកឡើងវិញ ឬដោយការខាត់បកស្បែកកម្រិតស្រាល។
– ព្យាបាលដោយបាញ់កាំរស្មី៖ ជាវិធីព្យាបាលល្អបំផុត ប្រើប្រាស់កាំរស្មី សម្អាតយកចេញនូវស្រទាប់ក្រៅស្បែក តំបន់សម្លាកមុន និងកាត់បន្ថយភាពក្រហមរបស់ស្នាមមុន ដែលជាសះស្បើយ។ ការព្យាបាលដោយកាំរស្មី គឺប្រើប្រាស់ពន្លឺមានពណ៌តែមួយ និងមានកម្តៅដើម្បីដាស់ភ្ញោចកោសិកាសាច់ដែលមានផ្លែ ស្តារជាតិអេឡាស្ទីន និងខូឡាជែនរបស់ស្បែកត្រលប់ឲ្យដូចដើមវិញ។ ព្យាបាលវិធីនេះ ដើម្បីសម្អាតចោលស្បែកខូចខាត ធ្វើឲ្យស្បែកថ្មីកកើតឡើងវិញ។ ព្យាបាលដោយកាំរស្មី ត្រូវធ្វើជាច្រើនលើកដើម្បីឲ្យស្បែកសះស្បើយ។
ណាត់ជួបពិគ្រោះគ្រូពេទ្យ ឬអ្នកជំនាញសើស្បែក ដើម្បីទទួលបានការព្យាបាលត្រឹមត្រូវ និងពាក់ព័ន្ធសម្រាប់ស្បែកមុខ។
អត្ថបទគួរអាន៖
- ស្រីៗយើង នេះជារបៀបធ្វើក្រែមលាបមាត់ងាយៗតាមបែប
- វិធីខាត់ស្បែកត្រឹមត្រូវ ការពារកុំឲ្យខូចស្បែកមិនដឹងខ្លួន
- វិធីសាស្រ្តធម្មជាតិធ្វើស្រ្កាប់ខាត់ស្បែកមុខ គួរសាកល្បង
- ចែកគ្នាដឹង! វិធីកម្ចាត់មុនក្បាលខ្មៅលើច្រមុះតាមបែបធម្មជាតិ
- ប្រែបបូរមាត់ពីខ្មៅស្រអាប់ទៅជាទន់ល្មើយផ្កាឈូក ដោយរូបមន្ត ៨ យ៉ាងនេះ
- តិចនិកកម្ចាត់ខ្លាញ់កកក្រោមស្បែកភ្លៅ ស្រីៗយើងចែកគ្នាដឹង
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម