ក្រោយសម្រាលកូនតូចគួរឲ្យស្រាលាញ់ម្នាក់ ផែនការចង់យកអាអូនម្នាក់ទៀត អាចនឹងមានក្នុងអារម្មណ៍ប៉ាម៉ាក់ថ្មីថ្មោងមិនខាន ប៉ុន្តែទោះចង់បាន ក៏មិនត្រូវប្រញាប់ប្រញាល់ពេកដែល ដោយអ្នកជំនាញណែនាំថា គួរទុកគម្លាតយ៉ាងតិចឲ្យបាន ២ឆ្នាំ មិនមែនត្រឹម ៣ខែ ដូចយើងធ្លាប់ដឹងនោះទេ។
ទើបសម្រាលកូនរួច ចង់ពពោះជាថ្មី ត្រូវរង់ចាំប៉ុន្មានខែទើបល្អ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ហេតុផលលើកឡើងបែបនេះ ក្រោយអ្នកជំនាញសិក្សាផ្នែកជីវបង្កកំណើត មកពីក្រុង Manchester ចក្រភពអង់គ្លេស លោកស្រី Grace Dugdale រកឃើញថា រយៈពេល ៣ខែ ពុំអាចឲ្យរាងកាយម៉ាក់ៗ និងប៉ាៗ អាចមានលទ្ធភាពបង្កស៊ុត និងមេជីវិតមានគុណភាពល្អនោះទេ។
លោកស្រីបញ្ជាក់ថា មូលហេតុធ្វើឲ្យស៊ុត និងមេជីវិតមានគុណភាពល្អនោះ សំដៅលើផែនការយកកូន ត្រូវមានពេលសម្រាប់រាងកាយ ពិសេសប៉ាៗ ដែលជាកត្តាចម្បងជួយឲ្យកូនមានសុខភាពល្អ គឺត្រូវមានមេជីវិតមានសុខភាពល្អជាមុន ពោលត្រូវហាត់ប្រាណ (យ៉ាងតិច ៣ដងសប្តាហ៍ ញ៉ាំអាហារសម្បូរជីវជាតិចម្រុះ ដូចជា ពពួកអាហារបន្លែបៃតង គ្រាប់ធញ្ញជាតិ ជាដើម។
ដោយឡែក សុខភាពម៉ាក់ៗក៏សំខាន់ដូចគ្នា ពោលត្រូវរក្សាទម្ងន់មិនឲ្យធាត់ខ្លាំង តាមរយៈការហាត់ប្រាណ និងញ៉ាំអាហារល្អៗ ដូចជាសាច់ត្រី សាច់ក្រហម គ្រប់ធញ្ញជាតិធម្មជាតិ ដែលសុទ្ធជាកត្តាជួយធ្វើឲ្យស៊ុតក្នុងខ្លួន មានលក្ខណៈល្អត្រៀមទទួលការបង្កកំណើតដោយពុំមានបញ្ហា។
អត្ថបទពាក់ព័ន្ធ៖
តាមរយៈទម្លាប់រស់នៅ ដូចខាងលើ ជំនាញបានលើកឡើងថា ត្រឹមរយៈពេល ២ឆ្នាំ ជាពេលវេលាសមស្របបំផុត សម្រាប់ប្តីប្រពន្ធ ត្រៀមខ្លួនរួចស្រេច ទាំងផ្នែករាងកាយ និងសុខភាព ដើម្បីស្វាគមន៍សមាជិកថ្មី ដែលមានសុខភាពល្អ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម