ជាច្រើនឆ្នាំមកហើយសិក្សាមួយចំនួនអះអាងថា សារធាតុបារ៉តនៅក្នុងគ្រឿងសមុទ្ រទោះកើតឡើងដោយធម្មជាតិ នៅតែធ្វើឲ្យខូចសុខភាព ជាហេតុគ្នាមនុស្សមួយចំនួន ព្យាយាមកាត់បន្ថយការប៉ះពាល់សារធាតុបារ៉តចេញពីគ្រឿងសមុទ្រ។ តើការសិក្សាទាំងនេះពិតដែរអត់? គួរធ្វើម៉េចទើបកាត់បន្ថយផលប៉ះពាល់បាន? ចម្លើយគឺមានក្នុងអត្ថបទនេះ។
គ្រឿងសមុទ្រមានផ្ទុកជាតិបារ៉ត ប៉ះពាល់សុខភាពអត់ ត្រូវធ្វើម៉េច?
ត្រួតពិនិត្យដោយ គឹម កាណែល
១- ជាតិបារ៉តធម្មជាតិក្នុងគ្រឿងសមុទ្រប៉ះពាល់សុខភាពអត់?
សម្រាប់មនុស្សភាគច្រើន កម្រិតជាតិបារ៉តមានផ្ទុកក្នុង ត្រី ខ្ចៅខ្ចង មិនមែនជាបញ្ហាចំពោះសុខភាពនោះទេ ព្រោះជាទូទៅគ្រឿងសមុទ្រទាំងអស់ សុទ្ធតែជាអាហារសុខភាពល្អ។ ញ៉ាំគ្រឿងសមុទ្រក្នុងកម្រិតមួយត្រឹមត្រូវ និងជាប្រចាំ អាចផ្ដល់ឲ្យយើងនូវប្រូតេអ៊ីនមានគុណភាពខ្ពស់ និងសារធាតុចិញ្ចឹមសំខាន់ផ្សេងទៀត ព្រមទាំងជាតិរ៉ែ ផងដែរ។ លើសពីនេះ គ្រឿងសមុទ្រ មានសារធាតុខ្លាញ់ឆ្អែត និងអាស៊ីដខ្លាញ់អូមេហ្គា ៣ ខ្ពស់ទៀតផង។
ទោះយ៉ាងណា ញ៉ាំគ្រឿងសមុទ្រច្រើនហួសហេតុ បណ្ដាលឲ្យមានកម្រិតសារធាតុបារ៉តខ្ពស់នៅក្នុងខ្លួន។ ទារកក្នុងផ្ទៃ ឬក្មេងតូចៗ កម្រិតជាតិបារ៉តខ្ពស់ អាចធ្វើឲ្យខូចខួរក្បាល និងប្រព័ន្ធសរសៃប្រសាទ។
សម្រាប់មន្ទិលសង្ស័យពីសារធាតុបារ៉តមាននៅក្នុងត្រី អាជ្ញាធរចំណីអាហារ និងឱសថអាមេរិក FDA និងទីភ្នាក់ការពារបរិស្ថានអាមេរិក EPA បានណែនាំឲ្យស្រីៗកំពុងពពោះ បំបៅដោះកូន និងក្មេងតូចៗ គួរតែកំណត់បរិមាណញ៉ាំគ្រឿងសមុទ្រឲ្យបានត្រឹមត្រូវ។
២- ធ្វើម៉េចកុំឲ្យរងប៉ះពាល់ជាតិបារ៉តក្នុងគ្រឿងសមុទ្រ?
ដើម្បីកាត់បន្ថយផលប៉ះពាល់ពីជាតិបារ៉តក្នុងគ្រឿងសមុទ្រ យើងអាចធ្វើតាមការណែនាំខាងក្រោមនេះ ដើម្បីចៀសវាងញ៉ាំហួសហេតុ ឬការប៉ះពាល់ទៅនឹងសារធាតុបារ៉ត ក្នុងរបបអាហារ។
– ហាមញ៉ាំសាច់ត្រីឆ្លាម ត្រីថាលហ្វីស ត្រីដាវ ឬត្រីស្បៃកា ព្រោះជាប្រភេទត្រីសម្បូរសារធាតុបារ៉ត។
– បើចូលចិត្តញ៉ាំគ្រឿងសមុទ្រ ប៉ុន្តែមិនចង់ញ៉ាំជាតិបារតច្រើនពេក អាចជ្រើសរើសពពួកគ្រឿងសមុទ្រកំប៉ុងវិញ ដូចជា ត្រីធូណាកំប៉ុង បង្គារកំប៉ុង ត្រីឆ្មារ (ស្រដៀងត្រីអណ្តែង) ឬត្រី Pollock កំប៉ុង ព្រោះមិនសូវសម្បូរសារធាតុបារ៉ត។
– ត្រូវចាំថា ត្រីធូណាអាល់បាករ (ត្រីធូណាស) ផ្ទុកសារធាតុបារ៉តច្រើនជាងត្រីធូណាកំប៉ុង តែយ៉ាងណា គួរប្រុងប្រយ័ត្ននៅពេលជ្រើសរើសប្រភេទត្រីធូណាមកញ៉ាំផង។
ជាទូទៅគ្រឿងសមុទ្រ គឺមានប្រយោជន៍សម្រាប់សុខភាព យ៉ាងណានៅមានគ្នាយើងមួយចំនួន គួរតែចៀសវាងញ៉ាំអាហារមានផ្ទុកសារធាតុបារ៉តខ្លះទៅ។ ត្រូវពិនិត្យមើលស្ថានភាពសុខភាពយើង និងរបបអាហារ ព្រមទាំងចៀសវាងពេលមានបញ្ហាសុខភាពស៊ាំញ៉ាំណាមួយ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។
Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម