ធ្វើរឿងក្តៅសាច់ប្រើក្បាច់ពិសេសទាំងនេះ អាចជួយឲ្យឆាប់មានកូន
ត្រួតពិនិត្យដោយ គឹម កាណែល
រួមភេទអាចធ្វើឲ្យអារម្មណ៍រីករាយ ក៏ជាវិធីបង្កកំណើតតាមបែបធម្មជាតិ មនុស្សគ្រប់គ្នាសុទ្ធតែដឹងច្បាស់ពីសមរភូមិលើគ្រែនេះ មិនចាំបាច់អ្នកណាប្រាប់ទេ។ ប៉ុន្តែមានគ្នាយើងប៉ុន្មាននាក់ ធ្លាប់ប្រើក្បាច់ពិសេសៗ ដើម្បីជួយឲ្យឡើងឋានសួគ៌កាន់តែស្រណុកស្រួល ចុះមានដឹងថា ក្បាច់ពិសេសទាំងនេះជួយបានកូនស្រី និងកូនប្រុសអត់? បើមិនទាន់ដឹង អត្ថបទនេះនឹងប្រាប់ឲ្យអស់តែម្តង។
បើយោងតាមវេជ្ជបណ្ឌិត Sheryl A. Kingsberg មកពីសកលវិទ្យាល័យ Case Western Reserve University School of Medicine នៅទីក្រុង Cleveland សហរដ្ឋអាមេរិក ក្បាច់រួមភេទមិនមានអ្វីទាក់ទងការបង្ករកំណើតទេ។ ប៉ុន្តែបីទោះជាអ្នកវិទ្យាសាស្រ្ត មិនបានបញ្ជាក់អំពីក្បាច់ល្អពេលសម្រាប់យើងរួមភេទក្ដី យើងនៅតែអាចសាកល្បងក្បាច់មួយចំនួនខាងក្រោមនេះ ដោយសារមនុស្សជាច្រើនមានជំនឿថា អាចជួយឲ្យឆាប់មានកូន និងភាគរយខ្ពស់ទោះទាយ កូនប្រុស ឬក៏ស្រីទៀតផង។
១- ក្បាច់ឆ្កែពាក់គ្នា (Doggy) អាចបានកូនប្រុស
គេជឿថា ពេលយើងប្រុសៗប្រើក្បាច់ពីក្រោយស្រីៗ ជាប្លង់ល្អមួយសម្រាប់ការបង្ករកំណើតឲ្យបានកូនប្រុស។ នេះក៏ដោយសារ គេពឹងផ្អែកលើក្រូម៉ូសូម X (ក្រូម៉ូសូមភេទស្រី) ហែលយឺតជាងក្រូម៉ូសូម Y (ក្រូម៉ូសូមភេទប្រុស) ដូចនេះក្រូម៉ូសូម Y អាចហែលទៅបង្ករកំណើតបានលឿនជាង។ ក្បាច់ Doggy ឬឆ្កែពាក់គ្នា អាចជួយបង្កើនល្បឿនរបស់ក្រូម៉ូសូម Y បានកាន់តែលឿន។
២- ក្បាច់ម៉ែចែកឲ្យ (Missionary) អាចបានកូនស្រី
បើគ្នាយើងចង់បានកូនស្រី អាចសាកក្បាច់មួយនេះ ដោយឲ្យភាគីខាងប្រុសនៅពីលើ។ សម្រាប់ក្បាច់មួយនេះ ត្រូវការឲ្យស៊កលិង្គចូលក្នុងទ្វារមាសរាក់ៗ ប៉ុន្តែមេជីវិតឈ្មោល វាត្រូវប្រើរយៈពេលវែង ដើម្បីទៅជួបមេជីវិតញី។ ដំណាក់កាលមួយនេះ ក្រូម៉ូសូម X ទទួលបានផលប្រយោជន៍ច្រើនជាងក្រូម៉ូសូម Y ដោយសារតែ ក្រូម៉ូសូមកំណត់ភេទស្រី អាចរស់នៅបានយូរជាងក្រូម៉ូសូមកំណត់ភេទប្រុស ។
៣- ខាងស្រីនៅពីលើ
សម្រាប់ស្រីៗមួយចំនួន ចូលចិត្តក្បាច់មួយនេះណាស់។ គ្រូពេទ្យភាគច្រើន ក៏បានឯកភាពថា ក្បាច់មួយនេះល្អសម្រាប់បង្ករកំណើតផងដែរ។ មានវេជ្ជបណ្ឌិត Allison Hill វេជ្ជបណ្ឌិត Yvonne Bohn និងវេជ្ជបញ្ឌិត Alane Park ដែលធ្វើការនៅទីក្រុង Los Angeles សុទ្ធតែបានលើកឡើងថា ក្បាច់នេះជួយឲ្យស្រីៗមានក្ដីសុខ ឈានដល់ចំណុចកំពូលបានងាយ ហើយកាន់តែមានប្រយោជន៍ដល់ការបង្ករកំណើតទៀតផង។
អត្ថបទពាក់ព័ន្ធ៖
៤- ឥរិយាបថក្រោយរួមភេទ
ស្រីៗអាចសាកល្បងប្រើក្បាច់មួយនេះបាន ដោយអ្នកគ្រាន់តែយកខ្នើយមកកល់ក្រោមត្រគៀកឲ្យបានប្រហែលជា ២០នាទី ក្រោយរួមភេទបានសម្រេច។ ធ្វើបែបនេះ អាចជួយឲ្យមេជីវិតឈ្មោលហែលទៅជួបជាមួយមេជីវិតញីបានកាន់តែលឿន។ មានប្រសិទ្ធភាពជាងគ្នាយើងគេងប្លង់ធម្មតាក្នុងរយៈពេលត្រឹមតែ ១៥ នាទី។
៥- ពេលស្រីៗឡើងដល់ឋានសួគ៌
ជំនាញជឿថា ពេលស្រីៗឈានដល់ចំណុចកំពូល កាន់តែមានប្រសិទ្ធភាពខ្ពស់ជួយក្នុងការបង្ករកំណើត។ ពេលស្រីៗឈានឡើងដល់ឋានសួគ៌ នឹងមានការកន្រ្តាក់របស់មាត់ស្បូនចូលមកកាន់តែជិតទ្វារមាស ហើយជួយឲ្យមាត់ស្បូនអាចស្រូបយកមេជីវិតឈ្មោលចូលក្នុងស្បូនកាន់តែច្រើន។
រួមភេទ និងការព្យាយាមយកកូន ជារឿងសំខាន់មួយក្នុងជីវិតអាពាហ៍ពិពាហ៍ ពិសេសប្តីប្រពន្ធថ្មីថ្មោង។ ប៉ុន្តែទោះជាយ៉ាងនេះក្ដី ព្យាយាមចង់យកកូន ក៏មិនមែនជារឿងងាយស្រួលដែរ។ គ្នាយើងបានសាកល្បងវិធីជាច្រើនរួចហើយ ប៉ុន្តែនៅមិនអាចមានកូនបាន គួរតែសាកល្បងវិធីនេះម្តងទៅ ឬទៅជួបជាមួយគ្រូពេទ្យ ដើម្បីរកដំណោះស្រាយល្អមួយសម្រាប់យើង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា ធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម